Kjósendur skondin fyrirbæri!

Gaman að sjá svona skoðanakannanir. Samfylkingin dregst saman - ekkert hissa svo sem á því, þeir hafa ekki náð flugi í þessu stjórnarsamstarfi, ekki það að maður hafi endilega reiknað með því. En þá kemur tvennt athyglisvert Sjálfstæðisflokkurinn er ekki að gera neitt en styrkist með hverri lýsispillunni. Alveg sama hvað kemur í ljós í kringum flokkinn þeir halda sínu striki. Rétt eins og fólk heldur með Liverpool sama hvað gengur á. En athyglisvert þykir mér í meira lagi hversu mikið fylgi VG hefur aukist því flokkurinn virðist vera margklofinn í herðar niður. Ákveðnir þingmenn þar gera lítið annað en að vera á móti flestum hugmyndum og berja á formanni sínum í hvert sinn er hann opnar munninn að því er virðist og þar fram eftir götunum - það er ekki amalegt ef þetta er uppskriftin að fylgisaukningu. Íhaldið má þó eiga að það að drengurinn með silfurskeiðina Bjarni Ben hefur séð um að tala og hinir hafa að mestu þagað, því skilur maður ef fylgið eykst. Framsókn er þarna og heldur sínu sem verður að teljast gott eftir hremmingarnar sem að þeir urðu fyrir á sínum tíma.

Einnig finnst mér athyglisvert að sjá hvað ríkisstjórnin er í raun með mikið fylgi miðað við umræðuna í samfélaginu.  Þannig að heilt yfir er ég mjög hissa á niðurstöðum þessarar könnunar.

Gaman verður að sjá hvernig flokkarnir fóta sig þegar Evrópusambandsu mræðan verður meiri. Þvíí öllum flokkum eu skiptar skoðanir um hvernig skal nálgast það mál ef það á að gerast yfir höfuð.

VG stærra en Samfylkingin

Athugasemdir

[hilmar jónsson, 1.3.2010 kl. 21:33]

Sjálfstæðisflokkurinn lifir eftir og trúir á í dag formúluna:

Heimta skaltu allt af öðrum

engu skaltu nenna.

Ef þú aldrei gerir neitt

er ekkert þér að kenna..

[Gísli Foster Hjartarson, 1.3.2010 kl. 22:28]

he he - þæginda líf....gefandi? ég veit ekki

[Steinar (IP-tala skráð) 1.3.2010 kl. 22:41]

það er kannski ekki skrýtið að VG sé á uppleið því það er Steingrímur sem kemur fram og svarar meðan Jóhanna er í felum. Fólk kýs ekki þann sem er í felum og "leyndó", og tekur þann fram yfir sem lætur þó sjá sig þó svo hann hafi ekki mikið fram að færa.

[Gísli Foster Hjartarson, 2.3.2010 kl. 09:22]

Steinar það má vel vera rétt, og er það sennilegast. Steingrímur hefur klárlega verið eini ráðherrann í þessari ríkisstjórn og ber af þarna.