Johnseninn og Fosterinn saman í liði!!!

Það er nú ekki alltaf svo að ég sé sammála þingmanninum, og sennilega konungi sjálfstæðisflokksins í Eyjum, Árna Johnsen. Fólk  hefur eflaust lesið um það á bloggi mínu í gegnum tíðina þegar ég er ekki sammála honum. En svo er nú aldeilis ekki í þessu tilfelli sem hér um ræðir. Málið er að hérna í smiðjunni hafa menn verið að leggja lokahönd á Sjómannadagsblað Vestmannaeyja fyrir árið 2010 og eins og oft vill verða við svoleiðis aðstæður fer maður að glugga í eldri blöð. Var hér í dag að glugga í blaðinu frá í fyrra þegar ég sé grein eftir Árna um afrek Guðlaugs Friðþórssonar árið 1984, þarf ekkert að fjalla nánar um það hér. Allir Eyjamenn, ef ekki Íslendingar þekkja söguna á bak við það þrekvirki og sagan verður ekki rakin hér.

En í niðurlagi greinar Árna segir hann, og ég velti því fyrir mér hvort kappinn sé skyggn því þar er eins og hann sé að tala fyrir mig þar sem hann segir:

 

Guðlaugur Friðþórsson er einstakur persónuleiki, svo vel gerður, magnaður og heilsteyptur, tryggur og framsýnn og í gegnum allt ríkur af vinarþeli.  

 

Ég hefði ekki getað orðað þetta betur sjálfur svo mikið er víst og þarna erum ég og Árni Johnsen eins og einn, og það ekki persóna í fjaðurvigt.

 

Það góða við þetta er, að þennan dreng Guðlaug Friðþórsson höfum vð nú tækifæri til að tryggja í bæjarstjórn hér í Eyjum á laugardaginn. Það veit ég, og jafnvel þú,  að það verður enginn svikinn af störfum kappans. Ætlar þú að láta happ úr hendi sleppa og jafnvel svipta bæjarstjórn tækifærinu á því að hafa slíkan mannkost, sem Lauga, innanborðs? Ég á bágt með að trúa því.

 

 

Athugasemdir

[Halldór Jóhannsson, 26.5.2010 kl. 23:34]

Er hann í einhverjum af þessum svokölluðu fjórflokkum...þessi öðlingur og mikla hetja.........

[Gísli Foster Hjartarson, 27.5.2010 kl. 07:30]

Heyrðukæmi mér ekki á óvart þó Laugi væri skráður í íhaldsflokkinn eins og flestir Eyjamenn en hann er á Vestmannaeyjalistanum sem er fólk alls staðar að úr flestum flokkum og stöðum í þjóðfélaginu held ég að ég geti sagt.  EN Laugi fór líka einu sinni fram fyrir H-listann, það mæta framboð þar sem m.a. undirritaður var á lista

[Ragna Birgisdóttir (IP-tala skráð) 27.5.2010 kl. 09:41]

Laugi er sjaldgjæf tegund af Íslendingi.Gegnheill,heiðarlegur ,sannur og trúr drengur. Ef við Íslendingar ættum fleiri einstaklinga eins og Guðlaug værum við ekki í þeim sporum sem við erum í í dag.