Hvað er að gerast?

Keflavíkíngar og Fylkismenn eru bara hættir að vinna leiki, svei mér þá. Ég veit að þetta var í bikarnum en það er eitthvað að hjá þessum tveimur liðum, allt í einu er eins og einhver hafi ákveðið að þessum liðum skuli ekki ganga vel. Verður forvitnielgt að fylgjast með gengi þeirra á næstunni. Sérstaklega hafa þó Fylkismenn verið að valda miklum vonbrigðum, hvað er það núna 1 sigurleikur í 8 leikjum í deild og bikar?

Dæmið snerist við og Keflavík úr leik

Athugasemdir

[Jónas Ýmir Jónasson, 24.6.2010 kl. 23:18]

Fylkir er slakasta liðið sem ég hef séð spila í ár.  Hvernig FH gerði 2-2 jafntefli við þá fæ ég aldrei skilið.

[Guðmundur Brynjólfsson (IP-tala skráð) 24.6.2010 kl. 23:36]

KSÍ eyðilagði náttúrlega "runnið" á Keflavík með því að neita þeim um að fá markmann þegar Ómar meiddist. Hann er greinilega enn meiddur en þeir verða að spila honum, því guttinn sem er á bekknum er ekki tilbúinn í svona slag.

[Gísli Foster Hjartarson, 25.6.2010 kl. 00:01]

Já Guðmundur ég svekkti mig einu sinni á þessari reglu. En ekki segja að KSÍ hafi eyðilagt neitt. Ef s´trákurinn er nógu góður ti að vera á bekknum á þá ekki að gefa honum tækifæri? Ekki verður hann betri með því að fá ekkert að spila? Veit að þetta er mikilvæg staða og allt það, en menn reikna með að þeir sem valdir eru í 18 manna hóp séu klárir í slaginn ekkert óeðlilegt við það svo sem.

Jónas þetta er góð spurning. Fylkismenn voru hérna í yjum um daginn og 80% af leiknum var risið á liðinu ekki hátt, það er ekki vænlegt til árangurs. Hlakka til þegar Fimleikafélagið kemur til Eyja. Selfoss verður hérna á morgun, eða er komið miðnætti, það verður líka gaman, suðurlandskjálfti hinn fyrri í gangi.

[Gísli Sigurðsson, 26.6.2010 kl. 16:08]

Ég held reyndar að ekkert lið í efstu deild á Íslandi sé með 2 markmenn af sama kaliberi, þannig að það skipti í raun ekki máli hvor spilar leikina. Árni Freyr er efnilegur markmaður og er að spila sem aðalmarkmaður í 2. flokki. Sá sem var á bekknum meðan Ómar var frá er aðalmarkmaður í 3. flokki og varamarkmaður í 2. flokki. Það var þetta álag sem við vorum að reyna að benda Ksí mönnum á þegar við vildum fá annan markmann. Sá sem var í boði hefði farið á bekkinn, það er klárt, hættur að spila en með reynsluna til að bakka guttann upp. Sem dæmi þá var sá yngri viðloðandi 3 leiki á 3 dögum meðan þessi staða var uppi. Jú það er rétt að Ómar er ekki heill og vanta talsvert á það, því miður.