Fullorðins!

Það stefnir allt í að þetta geti orðið hörkuleikur. Liðin í 2 og 3ja sæti að berjast um að ná sér í betri stöðu fyrir seinni umferðina. Með sigri ná mínir menn fjögurra stiga forskoti á Keflvíkinga, og eru þá ekki með þá alveg ofan í hálsmálinu. Eftir því sem ég veit best þá eru allir heilir hjá Eyjamönnum og liðinu því ekkert að vanbúnaði. Það verður lagt í hann á Hásteinsvelli kl. 19.15 og stefnan ser sett á að í kvöld verði liðið með 3 stigum meira en þegar það sofnaði í gærkvöldi.

Spjaldagrýlan hefur aðeins kíkt við hjá okkur og margir leikmenn á 3 gulum spjöldum og því hætta á því að menn fari að kalla yfir sig leikbönn, Hurst þegar kominn í bann gegn Fram,  og það er þá þegar menn geta misst fótanna þegar leikmannahópar eru ekki stórir. Maður vonar því það besta og að spjöldin verði ekki mörg á næstunni.

Af Keflvíkingunum þá hlakka til að sjá Bjarna Hólm og Jóhann Birni á vellinum í kvöld, slétt sama um alla hina

Stórleikur kvöldsins er í Eyjum

Athugasemdir

[Gísli Sigurðsson, 8.7.2010 kl. 11:13]

Súrt að geta ekki fylgt liðinu til Eyja. En ég verð örugglega límdur við tölvuna að fylgjast með gangi mála. Það eru fleiri en þeir tveir sem eru þess virði að fylgjast með. Haraldur G er búinn að eiga gott tímabil ef undan er skilinn leikurinn á Stjörnuvelli þegar enginn stóð sig. Gummi Steinars vonandi búinn að finna réttu skóna, Magnús Sverrir á það til að detta inn með flottar rispur en vantar að klára færin sín betur.

Áfram Keflavík, áfram fótboltinn.

[Oskar (IP-tala skráð) 8.7.2010 kl. 11:21]

Kannski að ég mæti á völlinn?

Áfram ÍBV!

[Óskar Aðalgeir Óskarsson, 8.7.2010 kl. 11:52]

Sæll Gísli, ég stend með ykkur Eyjamönnum. Áfram ÍBV!                                                 kær kveðja frá Akureyri.

[Gísli Foster Hjartarson, 8.7.2010 kl. 14:04]

Nafni þetta lið ykkar er fullt af góðum spilurum. Ég vel bara þá sem ég kannast örlítið við personulega. Ef að allt er með felldu og menn skoða liðin bara á pappírunum þá eru líkurnar örlítið meiri ykkur íhag. Vona bara að það hafi ekkert að segja þegar út í leik er komið.

[Gísli Sigurðsson, 8.7.2010 kl. 15:29]

Á móti segi ég að lið sem hefur Tryggva Guð innan sinna raða er bara alltaf líklegt til að vinna hvaða lið sem er. Hann er ótrúlega mikill vinner drengurinn. En mér hefur fundist hann afspyrnuleiðinlegur leikmaður, tuðari út í eitt. Ungir guttar sem myndu tuða hálft á við hann væru komnir með rautt fyrir lífstíð. En eins og ég segi, ég dáist að hæfileikum hans á vellinum og hefði ekkert á móti því að hafa hann í mínu liði.