Atvinnuleyfi og framtíðin

Hvernig er með atvinnuleyfi ef menn ætla að krækja í Afríkumenn? Það er nú ekki sjálfgefið að þeir fái atvinuleyfi 1, 2 og 3. - Ja ekki nema að þeir séu með 2 vegabréf og geti framvísað evrópsku vegabréfi. Það tók nú stundum ansi góðan tíma að fá atvinnueyfi fyrir Afríkumennina hér í Eyjum. Já sem og Ameríkanana.

Veit ekki hvað ykkur finnst mér finnst að Selfoss eigi ekki að taka meira en einn leikmann. Klára tímabilið. Ganga frá samningum strax svo allir séu pottþétt áfram. Fari svo að liðið falli, sem getur gerst, þá verða þeir pottþétt sterkasta liðið í deildinni fyrir neðan og verða komnir upp 2012. Allt áfram byggt upp á heimamönnum. Hvernig líst fólki á þessa hugmynd?

Hópur til reynslu á Selfossi

Athugasemdir

[Halldór Jóhannsson, 10.7.2010 kl. 16:29]

Ég fæ þessu ekki ráðið,því miður:)

Hvert er fótboltinn að fara í dag....Æ ég er bara í gamla góða tímanum,sem ég sakna...

Kveðjur..

[Gummi (IP-tala skráð) 10.7.2010 kl. 16:39]

Sæll Gísli, til lukku með gott gengi ykkar Eyjamanna það sem af er sumri.

Ég þekki ekki þessi atvinnuleyfi en það er nauðsynlegt að styrkja liðið og halda því uppi því það yrði erfitt að halda öllum leikmönnunum ef fall yrði niðurstaðan í haust.  Það á sérstaklega við um 3 mjög efnilega leikmenn sem hafa varla áhuga á að spila í 1. deildinni næsta sumar.  Einnig eru 3-4 leikmenn til viðbótar sem klárlega eiga heima í úrvalsdeild og myndu sennilega fara.  Ég held því að það sé lykilatriði að halda liðinu uppi til að halda þessu saman.

Áfram Selfoss!

[Sigurður Þorsteinsson, 11.7.2010 kl. 17:08]

Gísli, ég er á því að félögin eigi að takmarka fjölda erlendra leikmanna á meðan atvinnuástandið er eins og það er. Sumir þessara leikmanna sem hingað hafa verið að koma eru verri en lélegir. Fyrir ekki alls löngu var t.d. hingað keyptur leikmaður til þess að spila með 1 deildar félagi, (ónefndu) hann var svo lélegur að hann átti í miklum erfiðleikum með að halda sér á löppunum. Hann var hins vegar sérfræðingur í fiskum, þ.e. að fiska aukaspyrnur. Lengstum gat hann alls ekki komið bolta á samherja ef hann fékk boltann, og þá einna helst þannig að samherjarnir gáfu of fasta bolta á hann, og knötturinn hrökk á samherja.  Þessum einskinsnýta leikmanni hélt þjálfarinn (nýkominn frá Vestmannaeyjum) inná tímunum saman, samleikmönnum hans og áhorfendum til mikilla leiðinda. Skýringin: Jú, svona dýr leikmaður varð einhvertíma að vinna fyrir kaupinu sínu.

Við eigum að leggja meiri áherslu að byggja upp yngri leikmenn þá fáum við varanlega betri lið. 

[Hjössi (IP-tala skráð) 11.7.2010 kl. 19:43]

Rólegir, Selfoss er ekki að fara að fylla allt af útlendingum, 3 menn í mesta lagi og hópurinn hefur klárlega gott af þeirri viðbót þar sem meiðsli hafa verið að hrjá marga í sumar og núna í seinni umferð fara leikbönn að telja og hópurinn er lítill.

Ég held einmitt að það beri að hrósa Selfyssingum allavega fyrir það að taka þessa menn til landsins með fyrirvara, skoða þá gaumgæfilega áður en farið er að ræða samningamál.