Neyðarblys og rugguhestar - tannstönglar og táfýla

Toppurinn í gær, auk magnaðrar flugeldasýningar - alltaf hægt að gleðja menn með svoleiðis - var í mínum huga klárlega þegar Fjallabræður stigu á stokk, ok upphækkunarpalla,  og fluttu nokkur góð lög. Magnaður flutningur. Svolítið sérstakt í Dalnum en kraft- og áhrifamikið. Ísland er land þitt fékk svo 11.223 hræður í brekkunni  til að standa á fætur og lifa sig af fullum krafti í sönginn - magnað - og þeir bræður voru þvílíkt ánægðir eftir að atriðið sitt og af þeim sem ég hitti þá voru flestir á að þetta hafi verið hápunktur kvölddagskrárinnar, sem þá skartaði Haffa Haff, Ingó veðurguð, Bubba, KK og Ellen - Í lögum allra þessa tók brekkan vel undir en hvort hún náði að stilla sig af fyrir það sem gerist í kvöld skal ósagt látið. - reyndar þegar ég rölti úr Dalnum höfðu einhverjir fyndnir - not - gaurar tendrað á neyðarblysum við tjörnina, en gæslan var mætt einn tveir og þrír. Ég hefði skilið það ef einhver vinur þessara drengja hefði verið í nauð í tjörninni en svo var ekki að sjá og þetta því bara einhverjir að reyna að vekja á sér athygli. 

Í kvöld mæta þeir bræður í Dans á Rósum. Síðan kemur félagi Hannes trymbill með Buffið á svið og tekur með sér Röggu Gisla, Hreim og Guðrúnu Gunnars - það verður flott. Bubbi tendrar síðan bál í brekkunni með lögum sínum, eins og svo oft áður. Síðan mætir Árni Johnsen í sinn árvissa brekkusöng, sem hann á svo til skuldlaust karlinn. En hann er farinn að eldast og það styttist í  að menn fá arftaka hans til að taka við. En brekkusöngurinn mun alltaf tengjast nafni Árna svo mikið er víst sama hver heldur á gítarnum og syngur með fólkinu. Svo mætir Páll Óskar......það verður suddalegt hann er nú frægur fyrir að láta allt ganga af göflunum í Herjólfsdal - síðan er bara að vona að fólk eigi heilt yfir ánægjulegan dag, gangi hægt um gleðinnar dyr, elski friðinn og strjúki á hvert öðru........

Óvenju þægir þjóðhátíðargestir