Bull og ekki bull!

Spurning hvort að það er ekki bull að vera að spila æfingaleiki gegn jafn slöku liði og Liechtenstein. Nema að menn séu að nota þetta til að rífa upp sjálfstraustið hjá liðinu. Hefði viljað sjá hér sterkari andstæðing og neita að trúa því að ekki hafi verið hægt að fá sterkari andstæðing.

Varðandi valið á leikmönnum þá er þetta alltaf umdeilanlegt þegar verið er að velja leikmenn á milli liða, A og U21 landsliða þ.e.a.s., en þjálfarinn hlýtur að hafa hag heildarinnar að leiðarljósi? Óli er nú ekki þekktur fyrir að vera í tómu tjóni með val sitt þó svo að mér fyndist sjálfsagt að U-21 væri með sitt allra sterkasta lið sé þess kostur. En leikurinn gegn slöku liði Liechtenstein er líka mikilvægur í undirbúningi fyrir t.d. leik okkar gegn Norðmönnum eftir nokkra daga og til að móta liðið fyrir þau átök sem framundan eru í EM undankeppninni og því skal engan undra að Óli vilji vera með þá er honum líst best á og telur líklega til að verða þátttakendur í stríðinu framundan.

Sterkur landsliðshópur