Ekkert að frétta í Vesturbænum?

FH með öll mörkin og öll spjöldin. Nú verð ég að spyrja eins og fávís kona var ekkert í gangi hjá KR-ingum? Maður náttúrulega sá ekki leikinn þegar markaðssetningar snillingarnir sem sjá um keppnina seldu réttinn  á þann hátt að það mætti sýna hann í læstri dagskrá - það finnst mér ótrúlegt, stærsti leikur sumarsins (sögðu leikmenn) en það fá ekki allir að sjá - grín.

Nú getur svo farið að KR nái ekki einu sinni í Evrópusæti, þó vonin sé alls ekki úti en, og það verður einhver undir balance þá í bókhaldinu er ég hræddur um. Að þessu sögðu er samt rétt að benda á að að mínu mati er KR-liðið besta liðið sem komið hefur til Eyja í sumar - trúi því ekki að það hafi verið svona "one off" leikur!!!

Sérstakt líka hvað menn voru langt langt frá áhorefndametinu. Metinu sem menn hafa verið að tönglast á alla vikuna hægri vinstri. Þetta eru 2 stærstu lið landsins og áhuginn ekki meiri en þetta, það þykir mér ekki nógu gott og þeim hjá KSÍ og fjölmiðlunum hlýtur að þykja það afleitt því þeir réru að því öllum árum alla vikuna að þetta yrði met. Vantaði aðeins rétt tæplega 2000 áhorfendur!!!!

En vil óska Fimleikafélaginu til hamingju með bikarinn - miðað við úrslitin þá eru þeir klárlega vel að sigrinum komnir. Til hamingju Gunni Sig. og félagar.

FH bikarmeistari karla

Athugasemdir

[Óskar Þorkelsson, 14.8.2010 kl. 20:38]

Bjarni Fel sagði að þetta hefði verið dómaraskandall.. ég trú Bjarna :)

[Halldór Jóhannsson, 14.8.2010 kl. 20:46]

Já svokallaður stærsti leikur sumarsins er auglýst...en í lokaðri dagskrá...Þetta verður í Áramótaskaupinu í ár...

En óska FH til hamingju með Bikarmeistaratitillinn...

[ulfur Karlsson (IP-tala skráð) 14.8.2010 kl. 20:56]

4-0 er hreinraektad burst,K.R lidid i sumar er brandari haefileikamenn sem munu verda seldir i vetur thegar their nenna ekki lengur ad spila i botnbarattu.

[Guðmundur St Ragnarsson, 14.8.2010 kl. 21:01]

Það þarf kaþólskan prest til að særa illa anda úr Frostaskjólinu. Í framhaldinu að senda alla piltana til sálfræðings til að efla sjálfstraustið sem er minna en ekkert.

[Birgir Guðjónsson (IP-tala skráð) 14.8.2010 kl. 21:08]

Sá leikinn í sjónvarpinu, þeir sýndu hægt brotin sem ollu vítunum.

Bæði vítin voru gild.

FH lék bara einfaldlega miklu betri en við. Því fyrr sem við viðurkennum það, því fljótari verðum við á fætur.

[Gísli Foster Hjartarson, 14.8.2010 kl. 21:24]

Frábært að sjá hvernig þú tæklar þetta Birigr - þetta er andinn. Koma sér strax á fætur aftur þýðir ekkert að gráta Björn bónda.

[Helgi (IP-tala skráð) 15.8.2010 kl. 00:00]

Ég sem stuðningsmaður Víkings Ó er ánægður með sigur FH. Nú veltir maður því fyrir sér hvort við höfum ekki bara verið með næst besta liðið í bikarnum í ár!! Til hamingju FH ingar.

[Brjánn Guðjónsson, 15.8.2010 kl. 07:37]

Finnst orðum aukið að tala um tvö stærstu liðin. FH-ingar klárlega sprækir, en KR-ingar hafa ekki gert neinar rósir þótt þeir hafi náð að drattast upp úr meðalmennskunni í deildinni í allra seinustu leikum. Kjöldráttur FH-inga á þeim sýnir að KR-ingar eru í besta falli meðalmenn.

[Gísli Foster Hjartarson, 15.8.2010 kl. 07:58]

Helgi þú getur alveg leyft þér að horfa áþeta svona. Svo er alltaf sterkara að geta sagt að maður tapaði fyrir þeim er vann mótið..

Brjánn held að þetta sé pottþétt 2 stærstu liðin þó þetta séu ekki 2 bestu liðin. Held að þessi 2 lið séu sennilegast með stærstan hóp stuðningsmanna á bak við sig. Enþau hafa ekki verið bestu liðin í sumar. Staða KR um þessar mundir ídeildinni segir okkur það en mótið er ekki búið og önnur lið geta gefið eftir og KR-ingar bætt sig.

[Óskar Þorkelsson, 15.8.2010 kl. 08:05]

tek undir með þér Gísli í síðustu athugasemdinni.. að vera bestur í deildinni gerir ekki klúbbinn stærstan..

Ég hef reyndar heyrt fregnir af því hér til noregs að Vestmannaeyingar séu að gera gott mót.  Er það satt ?

[Gísli Foster Hjartarson, 15.8.2010 kl. 09:08]

Heyrðu Óskar við erum að gera gott mót, en sem komið er, og vonandi náum við að klára þetta með glans. Það hlýtur eiginlega að vera ef að það er farið að spyrjast til Noregs hvernig okkur gengur - he he  EN það er nóg eftir og stórleikur við Breiðablik í Kópavogi á morgun, mikilvægur leikur tveggja efstu liðanna.