Rugl er þetta

Eyjamenn nældu í stig!!!!

Rugl er þetta hjá blaðamanni. Eyjamenn komust yfir og því voru það hinir sem nældu í stig. Það getur vel verið að hinir grænu hafi sett pressu á mína menn en hún skilaði engu og því voru það sem nældu í stigið en ekki við.  Þið ráðið hvernig þið lesið þetta en mér finnst þetta bara döpur fyrirsögn - sorry - og reyndar ekki í fyrsta sinn í sumar.

Jújú auðvitað eru það Eyjamenn sem komið hafa allra liða mest á óvart í sumar, það er enginn vafi á því og ég hef sagt við Heimi njótum þess að það er ekki fjallað um okkur sem "liðið-óskabarn blaðamanna"  en það eru takmörk. Auðvitað á maður að vera sáttur við að pressan er sett á lið eins og lið Blika, FH og KR en maður væntir þess samt að fá réttmætar fyrirsagnir og umfjöllun. Svei mér þá ef menn eru ekki farnir að virka í lestri eins og rödd anti-eyjamannsins Hödda Magg.

Vá hvað ég hélt að ég yrði ekki svona pirraður við að sjá þessa fyrirsögn, en svona er þetta.

Hvað sem því líður þá eru Eyjamenn en efstir - því fagna ég - best að njóta þess maður veit aldrei hvenær fjarar undan liðinu sem að maður heldur með. Til hamingju með þetta í kvöld peyjar og þakkir til ykkar allra sem fóruð á leikinn - hjátrúin hélt mér heima

Áfram ÍBV alltaf allsstaðar og svo frv.

Eyjamenn nældu í stig á Kópavogsvellinum

Athugasemdir

[Haraldur Bjarnason, 16.8.2010 kl. 22:00]

Það er gott að búa í Kópavogi!!! - Eyjamenn Íslandsmeistarar? Það er eins og Bayern München verði Englandsmeisarar. - Nei svona Gísli minn. Kveðja til Eyja og allra gömlu félaganna þar.

[Halldór Jóhannsson, 16.8.2010 kl. 22:16]

Já þetta stakk mig líka....

Já hjátrúin er erfið stundum,hún er hjá mér líka skal ég segja þér..

Grindavík næst í Eyjum,verður erfiður leikur en....

[Karl Gauti Hjaltason, 16.8.2010 kl. 23:29]

  Það þýðir nú ekkert að láta þetta fara í taugarnar á sér.  Heldur þú að það sé einhver hamingja í fótbolta elítunni að óþekkir (óþekktir) Eyjapeyjar og nokkrir útlendingar (sem virðist fara verulega í taugarnar á þeim) séu að slá þessum uppáhaldsdrengjum þeirra við á vellinum ?  Nei, heldur betur ekki -  og það væri gott - þó ekki væri nema fyrir þá sök eina að þeir fengu að éta þetta allt ofaní sig !

[Gísli Foster Hjartarson, 17.8.2010 kl. 08:23]

Karl gauti - það þarf aðeins að láta þetta fólk vita að við hin sjáum bullið sem þetta lið setur frá sér og erum ekki sátt. En það er bara gaman að þetta lið skuli t.d. en vera að pirra sig yfir útlendingum í ÍBV liðinu eftir öll þessi ár. Þetta lið virðist ekki en hafa hlustað á það þegar menn segja að það sé mun miklu meira ódýrara í nánast öllum tilfellum að fá útlending heldur en íslenskan strák sem t.d. kemst varla í liðið annarsstaðar.

Við einbeitum okkur bara að okkar og vonumst til að okkar menn kræki í sem flest stig það sem eftir er.