Afar sérstök yfirlýsing!

Jú víst er menn búni að rífa félagið upp að mörgu leyti en á mörgu hefur samt gengið hjá þeim. Sumt hefur verið gott, eins og titlarnir sem unnist hafa en margt hefur verið miður faglegt.:

Frétti ekki Njáll Eiðs í beinni að hann yrði ekki áfram?

Menn fengu sekt fyrir að vera að tala viðsamningsbundinn leikmann.

Willum Þór sem skrapp erlendis til að ljúka FIFA-Pro þjálfaragráðu í samráði við félagið kom heim til þess eins að taka pokann sinn. Hvað skyldi það hafa kostað félagið? Sögur flugu um að það hefði þurft að borga Willum upp samninginn man ekki hvort það voru 1 eða 2 ár.

Í fyrra áður en móti lauk voru menn búnir að semja við núverandi þjálfara Valsmanna, Gunnlaug Jónsson,  og það var blásið út út um allt þegar Selfyssingar voru á leið í mikilvægan leik. - Þetta var afar sérstak - ja allavega frá mínum bæjardyrum séð.

....svo kemur að þessari yfirlýsingu sem þarna er birt en þar segir orðrétt: Við erum einnig þakklátir Willum Þór Þórssyni sem þjálfaði meistaraflokk karla þegar Valur varð bikarmeistari 2005 og Íslandsmeistari 2007. Við þökkum einnig núverandi þjálfarateymum meistaraflokks karla og kvenna fyrir samstarfið, þeim Frey Alexanderssyni, Þórði Jenssyni, Orra Sigurðssyni og Ragnheiði Jónsdóttur hjá kvennaliðinu og þeim James Bett, Friðriki E. Jónssyni, Birni Zoega, Sævari Gunnleifssyni og Halldóri Eyþórssyni hjá karlaliðinu. Að endingu viljum við þakka leikmönnum kvenna- og karlaliðs Vals í knattspyrnu fyrir frábært samstarf og hvetjum liðin áfram til árangurs.

Þarna er öllum þakkað sem þarna hafa starfa síðustu ár nema núverandi þjálfara meistaraflokks karla Gunnlaugi Jónssyni. Þetta þykja mér afar sérstök vinnubrögð. Maðurinn sem að þeir báru á Gullstól inn í KFUM félagið að Hlíðarenda fyrir ári er í dag í hugum þessara manna greinilega núll og nix. Ja hérna hér. Eitthvað hlýtur að hafa gengið á fyrst þetta er framkoman og samkvæmt þessu finnst manni líklegt að það hafi verið rétt að menn hafi á bak við tjöldin verið að reyna að losa sig við Gunnlaug rétt eins og Hjörtur Júlíus kom inná í morgunþætti Rásar 2 í fyrradag, eða var það í gær - skiptir kannski ekki öllu.  Það verður fróðlegt að heyra hvaða sögur maður heyrir á næstunni.

En það vona ég að það birti til hjá stuðningsmönnum Vals á næstu misserum, þeir eru varla sáttir við þetta ástand. 

Yfirlýsing frá fjórmenningunum - Trúnaðarbrestur á milli aðalstjórnar og knattspyrnudeildar

Athugasemdir

[Óskar Þorkelsson, 28.8.2010 kl. 05:13]

Valsarar hafa hjartað á réttum stað

[Hafliði (IP-tala skráð) 28.8.2010 kl. 11:08]

Eins hefði mér fundist alveg mátt nefna Elísabetu Gunnardóttur í þakkarræðunni, hún er eftir allt stór hluti af því knattspyrnuveldi sem kvenna deild Vals er orðinn.

Verð að bæta því við að mér finnst alveg mega nafngreina þessa menn sem hér er talað um

"Ákveðnir einstaklingar, sem við töldum samherja okkar, hafa gert okkur erfitt um vik við áframhaldandi uppbyggingu knattspyrnudeildarinnar. Þeir hafa að vissu leyti tekið yfir stjórnarstörf okkar sem erum þó lýðræðiskjörnir stjórnarmenn"

Áfram Valur.

[Halldór Jóhannsson, 28.8.2010 kl. 11:28]

Jú Njáll fékk sparkið í beinni:(

Villum er bara þakkað að ná titlum inn 2005 sem og 2007...annars ekki:)

Er þetta KFUM-andinn í dag...ekki var hann svo þegar ég var yngri:)

[AFB (IP-tala skráð) 28.8.2010 kl. 14:45]

HMM....

Það er einhver Guðjóns Þórðarsonar lykt af þessu.....

[Sverrir Einarsson, 29.8.2010 kl. 09:24]

Komi Guðjón Þórðarson að þessu með einhverjum hætti er þett allt skiljanlegt, maðurinn hefur ekki farið með friði sl 20 ár eða svo, alltaf eitthvað rok í kringum þann mann, bæði innan og utan vallar.