Bull er þetta!

Menn búnir að svitna við að mæra danska liðið undanfarna daga, lið sem er svo vart betra en það íslenska í þessum leik. Áttu að vísu hættulegri færi en ekki var það svo sem mikið meira en það. En samt átti Birkir sennilega besta færið en svona er boltinn og við verðum bara að sætta okkur við tapið. Þegar talin verða saman færin verður sennilega ekkert ósanngjarnt að sjá stigin fara til Dana þó vissulega sé það svekkjandi. Ef menn nýta ekki færin sín þá eiga þeir lítið skilið úr leikjunum.

Það er aftur á móti gleðiefni að sjá þær framfarir sem íslenska liðið hefur sýnt í tveimur síðustu leikjum eftir hörmungina þar á undan. Nú er bara að koma vel stemmdir til leiks gegn Portúgölum í byrjun næsta mánaðar. Portúgalir virðast eiga erfitt með að komast í gang og því er vonandi að við náum að stríða þeim ærlega.

Vona að Maggi Gylfa sem var gráti nær á stöð 2 sport núna áðan nái því að sofna í kvöld. En þeir sögðu þar að við gætum tekið helling með okkur úr þessum leik - ég veit það ekki snýst þetta ekki um að safna stigum? Við fengum ekkert úr þessum leik og fáum varla héðan af.

Grátlegt tap gegn Dönum á Parken

Athugasemdir

[CrazyGuy (IP-tala skráð) 7.9.2010 kl. 20:30]

Íslenska landslysið strikes again!

[Þorkell Sigurjónsson, 7.9.2010 kl. 20:41]

Gísli minn.  Hversu lengi viltu gefa ÓLa Jó.  tækifæri.  Er ekki komið nóg af, aha það munaði einum, hérumbil og næstum?    

[Elías Hansson, 7.9.2010 kl. 20:49]

Íslendingar eru einfaldlega LÉLEGIR í knattspyrnu. Svo einfalt er það.

[Albert Guðmundsson (IP-tala skráð) 7.9.2010 kl. 22:18]

Elli skrýtni í Eskihlíðinni veit ekki mikið.

[Helgi Sæmundsson (IP-tala skráð) 8.9.2010 kl. 00:24]

Það sem verst er í þessu að Ólafur er að splundra upp 21 árs landsliðunu það vantaði 6 til 7 manns í byrjunarliði á móti Tékkum í dag í leik sem hefði sent Ísland beint í úrslit á EM. Það má ekki eyðileggja þessa björt von Íslands og hugsanlegan árangur í lokamótinu. Eftir EM eiga þeir svo að taka yfir landsliðið eins og Þýska landsliðið gerði eftir sigur á HM 21 árs. Gráttlegt að það sé verið að stela þessum mönum í eintóma tapleiki og þar með brjóta þá niður. Algjör óþarfi að eyðileggja 2 landslið í einu.

[Halldór Jóhannsson, 8.9.2010 kl. 07:14]

Glæsilegur sigur hjá Norðmönnum á móti Portúgölum:)

Jú þetta snýst um að safna stigum,nú grætur maður að leikurinn við smáríkið um daginn hafi ekki verið í keppninni,þar var þó stig,og ekki lögðu þeir sig fram í þeim leik:):):)

Nú verður maður bara að vona að Óli Jó taki ekki alla úr 21 árs liðinu og setji þá i einhverja æfingabúðir..Vil að Jolli geti valið um alla þá leikmenn sem hann vill í umspilsleikina,þó Portúgalir séu 12 okt..

Hættur og farinn að vinna :)

[Halldór Jóhannsson, 8.9.2010 kl. 07:16]

Helgi það voru 3 í banni 21 ársliðinu svo ekki gjaldgengir í leiknum í gær:(

[Hafsteinn Gunnarsson (IP-tala skráð) 8.9.2010 kl. 09:23]

Helgi þú ert aðeins að misskilja þetta með 21 árs liðið, það skipti nákvæmlega engu hvort við fórum í umspil í fyrsta eða öðru sæti því öll liðin fara í umspil.  Bæði Tékkar og við erum í umspili, eina liðið sem er öruggt í lokakeppni U21 liða er Danmörk en þeir eru gestgjafar.  Varðandi A landsliðið þá verðum við að sýna þolinmæði því þessi hópur þarf bara að fá tíma til að þroskast og ég held að eftir 2-4 ár verðum við komnir með gott lið sem gæti með smá heppni verið að keppa um að komast í lokakeppni.  Ég er ekki aðdáandi Óla Jóh en leikurinn í gær spilaðist nákvæmlega eins og við eigum að spila útileiki.  Þéttur varnarleikur og síðan að sækja hratt og reyna að nýta föst leikatriði.  Vorum hreinlega óheppnir að ná ekki einhverju úr þessum báðum leikjum sem eru búnir.