Hver verður tónninn nú?

Það er talað um niðurskurð á landsbyggðinni í heilbrigðisgeiranum, við Eyjamenn förum ekki varhluta af því. Svo er þarna farið fram á auka 350 milljónir til að halda Landeyjahöfn opinni. Mörgum kann að þykja vel í lagt og vel gert við okkur Eyjamenn varðandi þessa blessuðu höfn, sem ég á reyndar en eftir að fara um. Það verður gaman að heyra viðbrögð fólks við þessu með þennan aukna kostnað.

Einhverjir munu segja að þarna sé komin ástæða til að slá ekkert eða lítið sem ekkert af niðurskurðinum á sjúkrahúsinu. Þarna sé nánast verið að tryggja öruggar samgöngur við meginlandið

Aðrir munu segja að þetta komi þeim niðurskurði ekkert við þar sem þarna erum við að tala um þjóðveginn okkar allra - líka þeirra á fasta landinu, og þetta tengist því ekkert og alls ekki eigi að blanda saman heilsugæslumálum og vegagerðinni.

Einhverjir munu svo fagna þessum peningum í höfnina og vilja fá meira.

Ég! Ég fanga því sem vel er gert en öðru ekki.

350 milljónir í Landeyjahöfn

Athugasemdir

[Sigurður Haraldsson, 16.10.2010 kl. 08:24]

Sæll þá hlýtur þú að gráta þessa fáránlegu höfn!

[Gísli Foster Hjartarson, 16.10.2010 kl. 11:20]

Góaðn dag Sigurður. veistu ég veit ekki hvort ég á að gráta eða hlægja. Ég bind vonir við þessa höfn fyrir byggðarlagið mitt, fyrirtækið mitt líka. Þetta getur orðið mikill vaxtarbroddur og efling á byggð í Eyjum og á Suðurlandsundirlendinu - gæti orðið góð tenging hér á milli sem vonandi allir myndu njóta góðs af.

Aftur á móti skil ég ekki hvernig menn gátu haldið að ekki þyrfti að vera stöðugt á varðbergi gagnvart því að dýpka í og við höfnina - hélt að það lægi í hlutarins eðli, en einhverjum yfirsást það.

Ég vona það besta varðandi framhaldið.