Góðir hlutir gerast hægt!

Maður er alveg hreint hættur að æsa sig yfir þessu veseni með Landeyjahöfn. Trúin á að góðir hlutir gerist hægt hefur nú tekið yfir allar aðrar væntingar varðandi það að höfnin opni fljótt aftur. Þarf reyndar að komast bráðnauðsynlega upp á land þann 30 næsta mánaðar vonandi verður þetta löngu komið þá.

Það verður fróðlegt að sjá hvernig niðurstaða kemur úr þessum útboðum varðandi dýkunina, þ.e.a.s. hver niðurstaðan verður eftir að tilboðin voru opnuð. Gæti farið svo að engu verði tekið og menn ákveði að bíða með að opna lengra inn í veturinn, ja eða veturinn á enda og opna bara í apríl 2011? Það skyldi þó aldrei vera!

Síðu eigandi er í framboði til stjórnlagaþings. það má fylgjast með framboðinu hér á þessari síðu og á andlitsbókinni. 

Enn óljóst með Landeyjahöfn

Athugasemdir

[Sigurður Haraldsson, 24.10.2010 kl. 16:46]

Góðan dag. Já það er mjög fróðlegt að sjá menn moka sandi fram og til baka!

[Gunnar Heiðarsson, 24.10.2010 kl. 17:57]

Mjög, mjög hægt og er mjög, mjög dýrir!

1. apríl væri ágætur opnunardagur, þ.e. ef þeir verða þá búnir að dæla sandinum í burtu.

[Nonni (IP-tala skráð) 24.10.2010 kl. 21:24]

Þarftu að „komast bráðnauðsynlega upp á land þann 30 næsta mánaðar“? Hvað er að því að fljúga eða sigla til Þorlákshafnar?

[Gísli Foster Hjartarson, 24.10.2010 kl. 22:01]

Ekki neitt Nonni - alls ekkert kann ágætlega við mig í ferjunni á leið til Þorlákshafnar, ef ég get lagt mig,  og mun betur á flugi, en á eftir að fara í gegnum Landeyjahöfn og hefði viljað fara í gegnum hana þarna í lok nóvember. Asnalega orðað hjá mér  - tek það á mig.

[dódó (IP-tala skráð) 25.10.2010 kl. 00:09]

Sammála því að góðir hlutir gerast hægt. Þetta á allt eftir að fara í góðan farveg.   Það er dælt sandi úr svo mörgum höfnum, þessi verður ekkert frábrugðin því, þetta tekur allt sinn tíma. Fólk þarf að vera jákvæðara í sambandi við þetta. Þetta eru bara byrjunarerfiðleikar :)

[Nonni (IP-tala skráð) 26.10.2010 kl. 15:02]