Hefur staðið sig afburða vel.

Reglulega hef ég kíkt á bloggið hjá Marinó G. Njálssyni og krækt mér í fróðleik um hitt og þetta. Fáir hafa verið eins ötulir við að koma hinum og þessum ábendingum á framfæri varðandi skulda vandræði heimilanna og hugmyndir að lausnum. Oftast hefur þetta verið sett fram á mannamáli þannig að maður hefur ekki klórað sér mikið í hausnum á eftir. Get ekki sagt að ég hafi álitið Marinó skuldlausan mann frekar en okkur hin og því tekið mark á honum á þann hátt sem ég hef viljað hverju sinni. Rétt eins og maður gerir með öll önnur blogg. En get ímyndað mér að það verði högg fyrir samtökin að missa hann úr stjórn, en hef svo sem trú á að hann leggi nú samt ekki árar í bát varðandi baráttumál sín. reikna áfram með góðum pistlum frá honum.

Segir sig úr stjórn vegna umfjöllunar Fréttatímans

Athugasemdir

[Ingibjörg Guðrún Magnúsdóttir, 18.11.2010 kl. 16:27]

Já þetta er skrítið, ég hefði haldið að það væri betra að hafa manneskju sem veit þess frekar um hvað málið snýst eins og Marinó...

[Brynjar (IP-tala skráð) 18.11.2010 kl. 16:28]

Sannleikurinn er bara sá að Marinó er stórskuldugur og fór offari eins og þeir sem komu okkur í þetta vesen. Mér skilst að hann sé að byggja sér einbýli og á óselt raðhús. Svo vilja þessir skuldarar að við borgum skulda-fillirí þeirra, ég segi nei takk, aldrei!

Vonum að Marínó og hinir læri af þessari bitru og erfiðu reynslu, hver er sinnar gæfu smiður.

[Kristinn Karl Brynjarsson, 18.11.2010 kl. 16:39]

Ég vil nú ekki segja að Marinó hafi farið offari, frekar en margur annar.  Honum eða öllu heldur, þeim hjónum varð það á að byrja að byggja, skömmu áður en fasteignamarkaðurinn fraus og því sátu þau eiginlega föst í tveimur eignum eins og margir aðrir.

Reyndar finnst mér orðið ,,offari" missa tölvuvert marks og í raun ekki gera annað en að gengisfella orðið.

 En það má líka alveg færa rök fyrir því, að æskilegt sé að einstaklingur, sem berst fyrir hagsmunum sem þessum, gefi upp sína stöðu viðkomandi þeim hagsmunum.

[Líf (IP-tala skráð) 18.11.2010 kl. 16:42]

Óskar er miskunnarlaus blaðamaður ! Því hef ég kynnst sjálf 

Það sem gildir er greinilega hvað selur .......

[Sigurður Haraldsson, 18.11.2010 kl. 16:49]

Þetta selur ekki hins vegar gerir það okkur samlanda hans reið og bitur gagnvart fréttamönnum og það  er ekki hægt að treysta þeim hef sjálfur slæma reynslu af því!

[Gísli Foster Hjartarson, 18.11.2010 kl. 16:55]

Brynjar og Kalli Auðvitað ehfði verið æskilegast fyrir hann að gefa upp sína stöðu í upphafi. En ég held að við höfum ekki reiknað með því að maður í hagsmunasamtökum heimilana væri skuldlaus maður. Frekar kannski eitthvað skuldugur.

Það sem þú segir þarna Brynjar: Svo vilja þessir skuldarar að við borgum skulda-fillirí þeirra, ég segi nei takk, aldrei!

Þetta heyrir maður æ oftar í daglegu tali. Ég er viss um að margir voru með bogann spenntan heldur hátt, en svo varð forsendubrestur sem bitnar á okkur öllum en með misjöfnum þunga eftir því hvernig hver og einn var búinn að spenna bogann. Ég personulega slapp betur en margur en hef oft spurt mig hvað verður samt gert fyrir mig? Tala nú ekki um ef þessi eða hinn eiga að fá hitt eða þetta? Hvar stend ég og hvað fæ ég?

[Gísli Foster Hjartarson, 18.11.2010 kl. 16:59]

Já vissulega virðist svo oft vera að við hinir almennu borgarar, sem ekki vinnum við blaðamennskuna sjá hlutina öðruvísi og jafnvel tökum við afstöðu með viðkomandi aðila sem fjalla á um, en skjótumst svo út í sjoppu og kaupum blaðið og lesum greinina!!! ...og ýtum undir þetta eðli blaðamennsku!!!! -

[Sigurður Haraldsson, 19.11.2010 kl. 01:09]

Ekki kaupi ég blöð!

[Gísli Foster Hjartarson, 19.11.2010 kl. 08:31]

Þar erum við í sama liði Sigurður, að mestu leyti. Ég kaupi ekki dagblöð en ég kaupi ensk tónlistarblöð öðru hvoru. Reydnar ef ég er í Englandi þá kaupi ég dagblöð til lestrar í lestum, ef um langan veg er að fara.