Vinsældar-útspil

Má maður líta á þetta öðruvísi en sem vinsældarútspil hjá RÚV-liðum? Finnst þarna ansi rausnarlega spilað út, sérstaklega í ljósi þess að menn voru alls ekki tilbúnir að borga það sem hinir borguðu í upphafi.  Auðvitað sýður á mörgum. Fólki finnst ótækt að leikirnir séu sýndir í læstri dagskrá, eitthvað sem að við eigum ekki að venjast með handboltalandsliðið. Fótboltalandsleikir hafa þó verið sýndir í læstri dagskrá, en ekki við mikinn fögnuð. En málið er bara að við erum ekki að rokka eins feitt í baráttu við þá bestu í fótboltanum eins og handboltanum og því hefur fólk haft hægara um sig.

Er rétt að fara að eyða stórum summum í þetta verkefni núna, þó svo að menn hafi náð að taka aðeins til í rekstrinum?  Ég spyr mig. Auðvitað vil ég sjá leiki Íslenska liðsins en á að leggja hvað sem er undir? Nei ég er ekki þeirrar skoðunar.

Hvað með auglýsendur? Það er alls ekki það sama að auglýsa í opinni eða lokaðri dagskrá. Hefði þess vegna haldið að fyrirtæki sem varla veit hvort það er lífs eða liðið  myndi telja sig gera betur með því að bjóða auglýsendum upp á opna dagskrá en svo virðist ekki vera. Svo eru náttúrulega líka margir mjög reiðir yfir því sem þeir kalla að stöðin sé í eign glæpamanna og dettur ekki í hug að versla við þá. Hvað ætli það fólk segi þegar RÚV stöð allra landsmanna fer allt í einu að kaupa af þeim sjónvarpsefni til þess að reyna að þóknast fólk? Fólki sem vill jafnvel ekki eiga viðskipti við 365 útaf eignarhaldi!

RÚV vill kaupa HM

Athugasemdir

[Konni (IP-tala skráð) 6.1.2011 kl. 16:54]

Svo er spurning með ef rúv og 365 hafi farið í útboðsstríð að rúv hefði svo unnið það með þessum auka 20% sem þeir eru svo að bjoða núna.

[Gísli Foster Hjartarson, 6.1.2011 kl. 17:02]

Já Konni það má vel vera en þeir voru ekki tilbúnir að borga þetta þá, þótti væntanelga of dýrt. Hvað hefur breyst annað en þrýstingurinn frá fólkinu í landinu?

[Konni (IP-tala skráð) 6.1.2011 kl. 17:10]

Ekki neitt eina myndi ég ætla.

[Jón Flón (IP-tala skráð) 6.1.2011 kl. 18:38]

Það sem pirrar mig mest er að RÚV sýnir allskonar rusl og viðbjóð sem ég er tilneyddur til að borga fyrir. RÚV hefur brugðist hlutverki sínu og Páll hefur engan veginn puttann á púlsi þjóðarinnar, enda getur maðurinn farið í ra.... frí.

[Dexter Morgan, 6.1.2011 kl. 22:23]

RÚV (RuslÚtsendingarVinir) ættu að skammast sín. Hafa hátt um þetta, svona rétt fyrir keppni; vitandi það að þetta er ekki séns héðan af. En á sama tíma dæla þeir leiðindum yfir okkur, sem þurfum að borga "no matter Wat". Ef RÚV væri áskriftastöð sem myndi bjóða uppá óbreytta dagskrá; væru áskrifendur 0 (NÚLL).

[Guðmundur Pétursson, 7.1.2011 kl. 10:30]

Þeir sem hafa smá snefil af sjálfsvirðingu, er mjög illa að eiga viðskipti við siðspillta þjófa og glæpamenn. Þeir sem eru hinsvegar vanir að kaupa og höndla með þýfi, sjá ekkert athugavert við það að eiga viðskipti við 365-miðla.