Til hamingju Gunnar Heiðar

Það verð ég að segja eins mikið og mig langaði til að sjá kauða í ÍBV-búningnum í sumar að þá "lýst mér betur" á þetta. Það er ekki hægt að vera að koma heim að spila þegar svona möguleikar standa manni til boða. Vona bara að allt gangi vonum framar í búningi félagsins. Sá kappann spila með Halmstad þegar best lét á sínum tíma, árið eftir að ég náði samkomulagi við Halmstad um söluna á honum þangað, vona bara að svipaðir tímar snúi aftur fyrir þig á sænskri grundu. Gott líka ef þjálfarinn þekkir þig og veit hvað í þér býr, það hjálpar.

Megi þér ganga sem allra best. ÍBV er ekki að fara neitt, þannig að þú kemur bara til okkar eitthvað síðar á ferlinum, og verður velkominn.

Gunnar Heiðar samdi við Norrköping

Athugasemdir

[Jóhann Elíasson, 17.3.2011 kl. 15:10]

Þarna "misstuð" þið Eyjamenn frábæran leikmann.  Fáa eða jafnvel engan mann þekki ég sem hefði tekið þessu áfalli jafn vel og þú gerir og segi menn að íþróttamannsleg framkoma sé á undanhaldi þá segja þessi orð þín annað.  Hafðu bestu þakkir fyrir þessa grein.

[Gísli Foster Hjartarson, 17.3.2011 kl. 16:40]

Þakka þér innlitið og hólið Jóhann.