Eðlilegt?

Auðvitað er það svo að margir eru svekktir yfir þessum  hremmingum sem herjað hafa á Landeyjahöfn og siglingar þaðan. Ég er reyndar einn af þeim sem ferðast sjaldan og hef því ekki gefið mér mikinn tíma í að svekkja mig á þessu, ja allavega ekki fram úr hófi! En mikið skil ég vel það fólk sem mikið er á ferðinni milli lands og Eyja að það skuli svekkja sig á þessu. Þetta hefur ekki gengið eins og við vonuðumst til - það vita allir. En auðvitað eiga að gilda strangar reglur um farþegaflutninga, hvort heldur er á svona hafsvæði eða annars staðar, en það táknar samt ekki að það eigi að vera eitthvert einkaleyfi endilega á þessum siglingum. Menn eiga bara að taka saman hvaða skilyrði þarf að uppfylla og svo geta menn reynt að keppast við að uppfylla þau. Alveg er ég viss um að t.d. Víking Tours og Ribsafari myndu skoða það vel hvort þau sæju sér fært að uppfylla þau skilyrði. Öryggi er lykilatriði held að við séum öll sammála um það.

Herjólfur og Sæfari mega sigla til Landeyja

Athugasemdir

[Jón Óskar (IP-tala skráð) 7.4.2011 kl. 09:27]

Það sem ég hef miklar áhyggjur af vegna þróunar mála er sú uppbygging ferðþjónustunnar í Vestmannaeyjum og bundnar hafa verið vonir við, fari forgörðum.  Þjónustuframboð við ferðamenn hefur verið aukið hjá veitingaaðilum og verslunareigendum með fjárfestingum í nýju húsnæði og endurbótum á gömlu húsnæði.  Þessi fyrirtæki og aðrir ferðaþjónustuaðilar eiga skilið að fá myndarlegt tekjustreymi í sumar.  Þessi mál verða að komast í lag, svo einhverjum fari nú að detta í  hug að byggja meira gistirými þarna fyrir ferðamenn ásamt fleiru sem ég læt ótalið hér.