Frábært framtak

Það verð ég að segja að þetta finnst mér frábært framtak hjá þeim Ólafi og Guðnýju. Hamra járnið á meðan það er heitt. Áhuginn á gosinu er gríðarlega mikill. Er ekki í nokkrum vafa um að þetta verður virkilega vel sótt og jafnvel mun betur sótt heldur en þau eru að gera sér vonir um. Hlakka til að skoða þetta þegar ég á leið þarna um, og næla mér kannski í eins og einn eða tvo minjagripi.

Á meðan situr maður í nefnd á vegum Vestmannaeyjabæjar um Eldheima - Pompeii norðursins - það uppgraftarævintýri sem er svo sannarlega áhugavert verkefni. Því miður sýnist mér fólki vera að takast að jarða þetta verkefni. Ekkert hefur verið fundað í nefndinni í 1 ár. Ekki var lyft skóflu þarna í fyrra. Ekkert heldur það sem af er þessu ári. Menn bara í lausu lofti. Samt komu þúsundir að skoða þetta í fyrra. Orðspor verkefnisins orðið verkefninu sjálfu miklu fremra. Því miður. Menn virðast ætla að grafa yfir verkefnið miðað við kraftinn í því. Hvað veldur veit ég ekki. Enda bréfum mínum til samnefndarmanna ekki verið svarað formlega. Þrátt fyrir að hafa ítrekað fyrirspurnir. Þetta er að verða okkur til vansa. Best að segja sig frá þessu. Ég ætla því að segja mig frá þessu verkefni sem bæjarstjórinn fékk mig til að taka þátt í. Þið heyrðuð það fyrst hér. Ekki það að það sé merkilegt að ég segi mig frá þessu. Heldur frekar að það er ekkert að frétta af verkefninu.

Opna gestastofu á Þorvaldseyri

Athugasemdir

[Jón Logi (IP-tala skráð) 15.4.2011 kl. 23:41]

Þetta er nokk rétt hjá þér. Það er ekki svo auðvelt að ramba á þetta, og sjálfur hef ég sent túrista til Eyja sem komið hafa til baka án þess að finna þetta.

Fór þarna í fyrra og skoðaði, og það var frábær ferð. Hvolsvöllur-Eyjafjallajökull-Heymaey-Hvolsvöllur. Klukkutíma stopp í Heimaey, og fyrir fíflalega heppni fékk ég og mitt meðreiðarfólk rúntinn um eyjuna bara...svona. Þökk skal hafa Guðmundur Alfreðsson.

Að tengja þetta inn á gosið í Eyjafjallajökli er ekkert mál, og það er þar utan stór-gaman að skoða uppgröftinn. Vantar bara betri tengingu/leiðsögn.

Heimsókn í Heimaey er mjög oft toppurinn hjá ferðamönnum sem maður vísar áfram af undirlendinu.

[Elías Stefáns., 16.4.2011 kl. 00:42]

Ekki láta hugfallast. Verkefnið Eldheimar - Pompeii norðursins er stórkostlegt og má ekki við því að eldhugar heltist úr lestinni. Sendu a.m.k. einn tölvupóst í viðbót, vertu harðorður!  :-)