Hið besta mál!!!

Þetta eru vissulega fínar fréttir af blessuðari sorpbrennslunni, ja nema díoxíntíðindunum sem að voru, og klárlega eru,  að hrella okkur fyrir nokkrum vikum. Það er óskandi að menn nái að hefta þetta sem best, því bæjarfélag sem lifir og hrærist í sjávarútvegi og matvælaframleiðslu má ekki við því að hafa orðspor díoxínmengunnar hangandi yfir sér. Vonandi verða bara fleiri jákvæð tíðindi af þessu á næstunni

Undirskriftarlistar liggja frammi í verslunum hér í bænum um að menn fari að vinna í því að færa brennsluna austar á Eyjuna. Alls ekki slæm hugmynd enda sjónmengun af þessu þar sem það er í dag og hefur verið. Svo ekki sé minnst á ef að þetta hefði svo verið að menga eitthvað líka!!! En auðvitað munu allar svona pælingar taka sinn tíma og ný svona stöð kostar sinn skildinginn.

Ekki díoxín í fé í Eyjum

Athugasemdir

[Elliði Vignisson (IP-tala skráð) 19.4.2011 kl. 15:09]

Margt gott í þessu Gilli en...   enn þá er díoxín hátt yfir mörkum.  Við verðum að vinna áfram að lausnum á þeim vanda sem og rykmengun.  Svo verðum við að vanda okkur við framtíðarlausn.  Fyrsta skot er að það kosti um 400 þúsund á hvert heimili hér í Eyjum að kaupa nýja stöð og flytja austar.  Það er kostnaður sem við getum ekki lagt á heimili nema að vel athuguðu máli og með algera vissu um árangur.

[Gísli Foster Hjartarson, 19.4.2011 kl. 16:24]

Alveg sammála því Elliði þetta verður dýrt og gott að fá þessa tölu frá þér - gott að hafa eitthvað svona viðmið í umræðunni. Spurning samt hvort að þetta er ekki eitthvað sem að menn eiga að stefna að í framtíðinni. En þrátt fyrir afar neikvæðan díoxíntón þarna í þessum mælingum þá er nú annað nokkuð gott. Vð verðum að leysa þetta hvernig sem það nú gerist, stefnum á að gera mun betur. - Já og til hamingju með peyjann.