Air Heiðar!

Það er aldeilis flug á Heiðari Helgusyni. Frábært að sjá hvernig piltur er að standa sig og svo sannarlega gleðiefni fyrir okkur aðdáendur Íslendinganna á erlendri grundu. Held að hann hafi komið mörgum ansi mikið á óvart það sem af er mótinu. Aldurinn farinn að færast yfir en það virðist ekki hafa áhrif eins og staðan er - vonandi verður svo áfram. Gallinn er hins vegar sá að hann er búinn að afskrifa landsliðið, ekki ætla ég að láta mér detta í hug að það sé ástæðan fyrir léttleikanum og kraftinum - því hann hefur nú fylgrt honum lengur en bara síðustu 3 mánuði! 

Heiðar maður leiksins - Fékk mikið hrós

Athugasemdir

[Guðmundur Brynjólfsson (IP-tala skráð) 19.11.2011 kl. 20:26]

Og þvílíkt glæsimark fyrra markið hjá honum.

Á enskum vefmiðlum er honum óspart hrósað. Stjórinn hans segir hann hafa fengið hné andstæðings í hausinn snemma leiks og hann við það fengið kúlu á við golfbolta. Þetta hafi þó aðeins hert Heiðar og gert hann enn grimmari.

Það verður að telja Heiðar á að halda áfram með landsliðinu. Og þar á að gera hann að fyrirliða en byggja að öðru leiti á 21 árs liðinu frá í fyrra - að mestu.