Líf og fjör í Eyjum!

Já það hefur lifnað yfir fiskvinnslunni síðustu ár svo um munar. Helstu vandræðin hefur manni fundist á köflum vera að það er hörgull á starfsfólki. Við höfum notið góðs af erlendu vinnuafli því svo virðist sem þeir sem hafa íslenskt fæðingarvottorð og vegabréf vilja flestir ekki vinna núorðið í fiski - því miður, finnst það sennilega fyrir neðan sína virðingu. En þar hafa Eyjamenn og flestar fiskvinnslur í landinu notið góðs af innfluttu vinnuafli. Það hefur verið gaman að sjá þennan aukna kraft sem komið hefur til aka inn í samfélagið síðustu ár. Gömlu risarnir Ísfélag og VSV eru en á sínum stað og haggast ekki. Svo hefur líka verið gaman að fylgjast með vexti fyrirtækisins hér á næstu lóð, Godthaab í Nöf, sem hefur vaxið og dafnað síðustu ár og það hefur ekki farið framhjá neinum.  Grímur kokkur með sínar fiskafurðir hefur líka stækkað mikið og dafnar sem aldrei fyrr.  ....Nú eru menn að gera sig klára í að byrja loðnuvinnslu á fullu og þá verður heldur betur allt á fleygiferð í bæjarfélaginu. Menn farnir að gæla við að loðnuveiðar og vinnsla bara hér í Eyjum skili jafnvel 9 milljörðum í útflutningsverðmæti - ekki amalegt það.

Vinnslunni vex fiskur um hrygg