Nauðlending!!!

Ekki er ég þeirrar skoðunnar að það eigi að gefa pilta úr landi í atvinnumennskuna. EN hefði nú haldið að menn gætu með einbeittum vilja náð lendingum í svona málum. 'Felagið má ekki gleyma að það er góð auglýsing fyrir félagið þegar leikmenn eru seldir erlendis. Ekki bara það að leikmaðurinn sé góður heldur sjá aðrir leikmenn að félagið og leikmaðurinn geta unnið sem að hagsmunum beggja aðila. Norska deildin nokkrum þrepum ofar en sú íslenska - klárlega - og færsla þangað því góð fyrir pilt sem klárlega er tilbúinn að taka næsta skref. Ef að leikmaðurinn er að losna í október undan samningi hjá Stjörnunni er ekki víst að félagið fái mikið fyrir hann héðan í frá.  Ef ég man félagaskiptareglurnar rétt má hann ganga til samninga við nýtt lið þegar 6 mánuðir eru eftir af samningi hans og menn geta lítið í því gert!!!  Vona fyrir hönd beggja aðila að menn dusti rykið af samningatækninni. Tek samt fram að ég veit ekki hvað norska liðið var að bjóða. Kannski var tilboð þeirra arfaslakt og enginn ástæða til þess að eyða tíma í það.

Halldór Orri óhress með Stjörnuna

Athugasemdir

[Torfi Kristján Stefánsson, 10.2.2012 kl. 08:03]

Hann var nú einnig á reynslu hjá annarardeildarliðinu Vejle (í Danmörku) en þeir vildu hann ekki. Einhvern veginn skildist mér að það væri vegna hans sjálfs en ekki upphæðarinnar á hann. Kannski er það vitleysa.

Hitt veit ég þó að góðir leikmenn eru að fara á eina milljón norskra króna þarna úti svo ég trúi því ekki að Stjarnan sé að fara fram á hærri upphæð en það, eflaust mun lægri.