Orðlaus...

....nú er ég orðlaus á blaðamennskunni á mbl.is - Þetta mál hefur akkúrat ekkert að gera inn á síður mbl.is. Ætli það sé ekki nóg fyrir aðstandendur og aðra að takast á við málið í nær samféalginu þó ekki þurfi að vera að lesa um það á siðum fréttamiðla.

Óska Tryggva að sjálfsögðu alls hins besta í baráttu sinni. En finnst algjörlega fyrir neðan allar hellur að vera að birta þetta hér. Verður hér eftir birtur listi yfir alla þá er ákveða að leita sér hjálpar? Eða keyra undir áhrifum?

Ótrúlegt hvað þessum miðli, mbl.is,  fer aftur. Hingað til hefur nú íþróttadeildin haldið andlitinu.

Farinn í meðferð - tilbúinn í júní

Athugasemdir

[Frammarinn (IP-tala skráð) 4.5.2012 kl. 09:11]

Mbl? Þetta er á Eyjafréttum.

[Gísli Foster Hjartarson, 4.5.2012 kl. 09:23]

og hvað er það eitthvað betra?

[Frammarinn (IP-tala skráð) 4.5.2012 kl. 09:29]

Þú ert að væla hér hástöfum yfir mbl.is

Þeir eru bara að copy-paste-a frá Eyjafréttum.

Don't shoot the messenger.

Þetta er komið á vísir.is líka.

[Gunnar Th. Gunnarsson, 4.5.2012 kl. 09:32]

Svona lagað fréttist fljótt og ég held að það sé langbest fyrir Tryggva að þetta sé bara upp á borðum, í stað þess að einhverjar kviksögur séu á ferð. Auk þess er þetta ekkert til að skammast sín fyrir, en fordómarnir eru víða.. eins og kannski sést á þessari bloggfærslu.

Þetta er viðurkenndur sjúkdómur en ekki sjálfgefið að fólk leiti sér hjálpar við honum. Stundum þurfa einhver axarsköft að koma til eða utanaðkomandi þrýstingur. Tryggvi kemur ferskur til baka og vonandi gengur honum vel.

ps. Ég fór sjálfur í meðferð og skammast mín ekkert fyrir það. Mér líður vel.

[Þorkell Sigurjónsson, 4.5.2012 kl. 09:38]

Tek undir hvert orð Gunnars Th. Sama er að segja af mér,  ég hefi farið í nokkrar meðferðir gegn áfengissýki og ég get ekki annað en verið stoltur,  að reyna að

gera mitt besta, til að sporna geng sjúkdómnum.  

[Gísli Foster Hjartarson, 4.5.2012 kl. 09:49]

Gunnar og Keli - veit vel að þetta er viðurkenndur sjúkdómur. Að leita sér hjálpar við sjúkdómum er ekkert til að skammast sín fyrir. Finnst þetta mál bara vera hans mál og ekki annarra að bera það svona á torg. Hefði hann komið með þetta fram, heði það horft öðruvísi við. Vona svo sannarlga að TG nái sér á strik og vinni baráttuna.  TG hefur nú aldeilid glatt okkur Kela í gegnum tíðina. Gott að heyra að þið eruð báðir í góðum gír og að hafið yfirhöndina í baráttunni viðsjúkdóminn - þekki fullt af fólk sem hefur farið í meðferð mörgum gengið frábærlega, öðrum ekki alveg eins vel - eins og gengur og gerist í baráttu við sjúkdóma. - vona að ykkur gangi vel áfram - svo sannarlega

Frammari - ef ein beljan baular þurfa þá hinar að gera það líka?

[Gunnar Th. Gunnarsson, 4.5.2012 kl. 10:02]

Það er ekkert feimnismál ef fólk þarf að leita sér hjálpar vegna krabbameins, sykursýki eða annarra líkamlegra sjúkdóma. Þetta er ekkert öðruvísi.

[Frammarinn (IP-tala skráð) 4.5.2012 kl. 10:43]

Skil þig ekki alveg Gísli.

Mbl er bara að copy-paste-a frá Eyjafréttum eins og margir miðlar gera.

Hvað er Mbl að gera rangt hérna? Það er ekkert að þessari frétt eins og Gunnar og Þorkell benda á.

Vertu ekki svona pirraður út af engu maður.

Ef þú ætlar að vera samkvæmur sjálfum þér, þá áttu að væla yfir Eyjafréttum, en þeir, líkt og Mbl gerðu ekkert rangt hér.

[DoctorE (IP-tala skráð) 4.5.2012 kl. 11:09]

Sé ekkert að þessari frétt, ágætisfrétt alveg fyrst maðurinn er að leita sér aðstoðar við sjúkdómi sínum... gæti virkað hvetjandi fyrir aðra sem eru í sömu sporum;  gott mál.

[Solveig (IP-tala skráð) 4.5.2012 kl. 11:15]

Sammála þér Foster að þetta kemur fjölmiðlum ekkert við.

[Gísli Foster Hjartarson, 4.5.2012 kl. 11:27]

Nafnlausi Frammari er búinn að skýra mitt mál hér að ofan. Finnst þetta bara vera einkamál hans, svo einfallt er það, ekki til að vera að gera frétt úr. Hefði hann komið fram með þetta sjálfur - þá horfir málið öðruvísi við.

[DoctorE (IP-tala skráð) 4.5.2012 kl. 11:45]

Mér finnst þetta svona eins og frétt um slitið liðband eða whatever; Enginn skömm að því að verða veikur, hvort sem það eru fíknisjúkdómar eða annað.
Auðvitað á maðurinn rétt á að hans prívatemál séu prívate.. en, er ölvunarakstur einkamál?

[Jakob (IP-tala skráð) 4.5.2012 kl. 16:41]

Áfengissýki, krabbamein eða eitthvað annað. Ég sé ekki að það sé atvinnurekanda að hlaupa með svoleiðis í fjölmiðla fyrir hönd starfsmanna sinna, nema sérstaklega sé beðið um það.

Veikindi eru einkamál hvers og eins og ég get ekki séð hvernig það á að hjálpa TG að vinna í sínum málum að vera settur undir smásjá hjá þjóðinni. Svoleiðis getur virkað alveg þveröfugt.

[Óskar, 4.5.2012 kl. 16:44]

Tryggvi er landsþekktur maður og það er nú bara þannig að þetta er fréttnæmt.  Hinsvegar er þetta bara ekkert til að skammast sín fyrir og það er nú frekar plús fyrir Tryggva að gera eitthvað í málunum strax.  Vona bara að honum gangi vel.

[Eggert Guðmundsson, 4.5.2012 kl. 17:45]

Það er eins gott að það séu ekki allir sem fara í meðferð, ef þeir eru gómaðir á bílnum.

Það eru ekki allir "Alkahólistar" sem freistast til að keyra undir áhrifum.

Sammála þeim sem segja að þetta sé ekkii fréttaefni. 

[Númi (IP-tala skráð) 4.5.2012 kl. 21:50]

Ég tek bæði hatt minn og kollu ofan fyrir Tryggva Guðmundssyni.

[Elvar Másson (IP-tala skráð) 4.5.2012 kl. 23:34]

Margir unglingar og mörg börn sem hafa áhuga á íþróttum fylgjast jafnvel með fréttum og fullorðnir, ég þekki það sjálfur Þessar fyrirmyndir verða að vera nafngreindar vegna þess að þeir eru ekki að gera það sem þeir eiga að gera; standa undir væntingum aðdáenda sinna. Fyrirmyndir barna og unglinga eiga ekki að keyra ökutæki af neinu tagi eftir að neytt vímuefna. Í stað þess að segja ,,fyrrum landsliðsmaður í knattspyrnu...", og skella þar með sökina á fjölmarga fyrrum landsliðsmenn, þá er langbest að greina á milli fyrirmyndanna. Börnin og unglingarnir geta því vegið og metið hvaða afstöðu þau taka. Þegar ég var unglingur (man ekki alveg hversu gamall) þá birtust fréttir af þáverandi landsliðsmanni í vinsælli íþrótt sem fór sömu leið og Tryggvi, og það er gott að vita af því að fyrirmyndirnar eru að vinna í sínum málum.