Gargandi snilld!!!

Þetta er nú með því betra sem að ég hef lesið af næturbröltinu í Reykjavík í gegnum árin.  Hló upphátt þegar ég las þetta. Ég velti því nú bara fyrir mér hver kærði blessaðann mann fyrir að verja yfirráðasvæði sitt. - Hann fær 10 stig þessi fyrir vasklaega en saklausa framkomu. -

Legg til að húsið verði hér eftir merkt með sveðju svo fólk viti hvað það er að kalla yfir sig ef það þarf að kasta af sér þvagi eða öðru.

Stökk nakinn út með sveðju

Athugasemdir

[Bernharð Hjaltalín, 7.10.2012 kl. 09:18]

Sæll, er á leiðinni í sund vona að ég verði ekki handtekinn fyrir að hlæja á almannafæri.

[V.Jóhannsson (IP-tala skráð) 7.10.2012 kl. 09:38]

Og svo mætti standa á húsinu - Meyk mæ dey-.

[Anna Dóra Gunnarsdóttir, 7.10.2012 kl. 10:18]

Handtekur lögreglan mígandi menn um borg og bý, eða bara þá sem ekki vilja hlandið á híbýli sín ? Bara svona pæling...

[Hvumpinn, 7.10.2012 kl. 11:28]

Tek ofan af fyrir manninum.  Vonandi finnur lögreglan brýnni verkefni en að ónáða þennan mann á þessum tímum þegar manni skilst að þeir þurfi að forgangsraða og velja verkefnin.

[Anna Dóra Gunnarsdóttir, 7.10.2012 kl. 13:13]

Satt, Hvumpinn

[Geir Reynis (IP-tala skráð) 7.10.2012 kl. 14:57]

Minnir á söguna um ungu mennina sem stálu gúmmíbáti úr höfninni hér í Eyjum og voru rassskelltir við komuna í land. Fyrst hann slasaði engan með sveðjunni á bara að gleyma þessu.

[Ingibjörg Axelma Axelsdóttir, 7.10.2012 kl. 15:11]

Ég skil gaurinn alveg 100%.

En það er ólöglegt að ganga nakinn á almannafæri. Sveðjur eru líka ólöglegar, og að ógna fólki með vopni.

Þess vegna var hann handtekinn.

Annars vona ég að þetta endi vel. Ég veit ekki hver viðbrögð mín myndu verða ef ég vaknaði við að einhver migi utan í svefnherbergisgluggann minn.

[Anna Dóra Gunnarsdóttir, 7.10.2012 kl. 16:29]

Ég bjó lengi nánast við gaflinn á veitingastað sem dældi út mígandi og ælandi fólki án þess að lögreglan lyfti litla fingri til að veita þessum hlandausum tiltal. Ekki heldur í þau skipti sem við kvörtuðum. Forgangurinn var víst annar, þrátt fyrir að lögreglan væri ekki í því svelti sem hún er í dag.

[Ragna Birgisdóttir, 7.10.2012 kl. 17:41]

Enginn skal á hús mitt pissa
Á eftir honum ég með sveðjuna fer
En mikið verður kallinn hissa
Þegar skaufinn hans verður eftir hér

IG.

[Ásgrímur Hartmannsson, 7.10.2012 kl. 19:32]

Hetja dagsins. Ég mæli samt eindregið með að hann sofi í einhverju hér eftir. Djöst in keis.

[Guðmundur Björn, 7.10.2012 kl. 23:41]

Burtséð frá bráðfyndnum gjörðum þessa manns; en er þá ekki skrif fréttarinnar áhyggjuefni? Ég meina, hvað er frumskógarsveðja?  Eru þetta ekki kynþáttafordómar af hæsta stigi?  :-)

[Gunnar (IP-tala skráð) 8.10.2012 kl. 01:53]

Frumskógarsveðja er sveðja sem þú notar til þess að höggva þér greiða leið í gegnum þykkann gróður.