Sorglegt í hvaða farvegi málið er

Þetta er nú orðið ljóta grínið. - jæja en maður verður víst að sætta sig við það. En það verð ég nú samt að segja að það að hægja á viðræðunum er nú ekkert grín á við þessa bloggfærslu hérna. Alveg óborganlegt hvað sumir láta hafa eftir sér. 

Ég verð að segja að þegar maður les færslur eins og þessa sem ég set hér hlekk á að þá veltir maður því fyrir sér hvort menn séu nokkuð að missa sig í bullinu? ESB að gleypa Ísland - hahaha -

Auðvitað á að klára viðræðurnar og sjá hvað verður á borðinu. Jón Valur veit ekkert um það ekki frekar en ég. En ég þori að skoða í pakkann því ég lifi í þeirri von að hann gæti fært Íslenskum heimilum kjarabót og það til langframa, sem og fyrirtækjum þessa lands. Það eru mikil tækifæri innan ESB þegar menn eru lausir við þá tollamúra sem nú standa í vegi fyrir fullt af hlutum. Ég sat í 15 manna hópi um daginn. fólk úr flestum flokkum og þar vildu 12 klára viðræðurnar og fá að skoða hvað í boði væri. ef þessir væru þjóðin þá væru 80% fylgjandi því að klára og fá að sjá hvað í boði verður. Ef ég tek bara þá sem koma við í prentsmiðjunni og ræða þessi mál þá erum við sennilega að tala um að talan sé nær 65% sem vill klára við'ræðurnar.

Ég skil ekki þessi hræðslu manna og sorgæegast þykir mér þegar það eru hægri menn sem láta svona ég sem hélt að við vildum frjálsa samkeppni og slíkt en það virðist því miður ekki vera.  Sérstakt líka að sjá að menn virðast t.d. ekki gera sér grein fyrir stærð Samherja innan ESB. Við eigum kannski að slíta viðræðum við ESB og fara fram á að Samherji og önnur fyrirtæki sem eiga stöðvar erlendis loki þeim og einbeiti sér að því að vera bara á klakanum!!!! - mér þætti gaman að sjá það. 

 

Dauði viðræðnanna stórlega ýktur

Athugasemdir

[Gunnlaugur I., 17.1.2013 kl. 20:42]

Þessar tölur þínar um meinta fylgendur ESB aðildar eru óskhyggjan ein.

ALLAR skoðanakannanir frá sumrinu 2009 hafa sýnt að mikill meirihluti landsmanna er andvígur ESB aðild.

Nýjustu skoðanakannanir hafa líka sýnt að meirihluti þjóðarinnar er andvígur þessum aðildarviðræðum.

Aðeins um eða innan við 30% styðja þetta aðildarbrölt !

[Ólafur Björn Ólafsson, 17.1.2013 kl. 23:16]

Sælir hér,

það virðist sama hvað fólk ströglar og streðar við að kalla þetta aðildarviðræður eða samningaviðræður þá er það í báðum tilfellum rangt.

ESB hefur sjálft gefið út að um aðlögunarferli sé að ræða fyrir ríki sem vilja inn, þau þurfa að samþykkja og taka upp allt regluverk ESB áður en af verður að ríki fái að ganga í klíkuna með tilheyrandi fullveldisframsali...

Kveðja

Kaldi

[Gísli Foster Hjartarson, 18.1.2013 kl. 09:04]

Skondið og svo koma þessar tölur í morgun í Fréttablaðinu.

Nærri helmingur vill ljúka aðildarviðræðum við ESB

Um 36 prósent landsmanna vilja draga aðildarumsókn að ESB til baka og 49 prósent vilja að viðræðunum verði lokið. Rúm 15 prósent vilja gera hlé á viðræðum eins og Sjálfstæðisflokkur og Framsóknarflokkur leggja til.

 

og þetta rugl með fullveldisframsal er náttúrulega orðið sorglegt.

Viðræðurnar á ða klára og svo á þjóðin að taka afstöðu, öðruvísi verður ekki gengið þarna inn svo einfalt er það og öll umræða um annað er innantómt hjal og hræsðsluóróður. Man ekki betur en að það þurfi 2 þjóðþing til að samþykkja inngöngu. Þannig að hræsðlu manna við að klára samningaferlið skil ég ekki.  ..og þetta litla traust sem menn hafa á að þjóðin geti ekki tekið sjálfstæða ákvörðun þegar þar að kemur skil ég en síður. 

[Jón Óskar (IP-tala skráð) 18.1.2013 kl. 10:30]

Gilli.  Hvaða tækifæri bíða Íslands með ESB aðild, sem ekki standa þeim til boða í dag ? 

[Jón Ingi (IP-tala skráð) 21.1.2013 kl. 11:24]

hjartanlega sammála þér vinur,

þessi röksemdafærsla andstæðinga ESB er á tiðum í algjöru rugli og þeir virðast vita allt um málið þó það sé ekki nærri búið að ræða það til lykta.

Nú var verið að spyrja þig "Gilli, hvaða tækifæri bíða Íslands með ESB aðild, sem ekki standa þeim til boða í dag ?"

hvernig í fjandanum átt þú að geta svarað svona bulli þegar það gætu verið jafnvel einhver ár í að þessum viðræðum verði lokið ?

Að geta ekki klárað þessar viðræður og leyft þjóðinni að kynna sér innihaldið á jafnvel stærsta og mikilvægasta málefni þjóðarinnar er sorglegt, sorglegt !

eigðu góðan dag.

Jón Ingi