Mikið um að vera......

....í Eyjum

Sumarið er komið og þá er eins og Eyjarnar rísi hærra úr sæ en vanalega. Viiðburðadagskrá hvers sumars í Eyjum er hreint ótrúlega mögnuð. Hvítasunnuhelgin er þétt skrifuð (sjá hér að neðan), næsta helgi er Sjómannadagshelgin, svo er Pæjumótið, Shellmótið, Sumarmót Hvítasunnumanna, Goslokahátíðin, Þjóðhátíðin. Um hverja helgi eru golfmót svo eru endalausir kappleikir hjá börnunum árgangsmót og égveit ekki hvað – Þetta er yndislegur tími í Eyjum (mér reyndar leiðist golf alveg óskaplega).

Það er aldeilis líf þessa helgina hérna í Eyjum. Mikill fjöldi af fólki er í bænum og það stendur mikið til. Á vegum Vestmannaeyjabæjar er svokölluð Fjölskylduhelgi og er margt og mikið í boði, frítt er í sund í dag, laugardag. Fjöldi sýninga og annarra atburði er í gangi á vegum þessa verkefnis bæjarins.

En þetta er ekki nærri því allt sem í boði er Dagar lita og tóna eru í Akóges-húsinu en það er Djass og blús hátíð þar sem margir frábærir listamenn koma fram. Svo er það hin tónlistarhátíðin EyjaFest þar sem haugur af ungum og efnilegum Íslenskum og Vestmannaeyskum hljómsveitum spila og svo eru líka DJ-ar. Í kvöld eru t.d. Leaves, Brain Police, Hoffman,  Jan Mayen og The Foreign Monkeys á prófastinum svo einhverjir séu nefndir en en fjörið byrjar í dag klukkan rétt fyrir 2 og stendur til 5 í fyrramálið – nánast non stop en þó er hlé á milli 7 og 8 í kvöld.

Svo er Sjóstangveiðimót og golfmót. Svo má ekki gleyma áhugaverðiri sýningu í Bragganum hjá honum Darra en það er mótorfákasýning sem opin er í dag frá kl. 11 og til 4. Þar verða til sýnis að mér skilst um 50 mótorfákar af öllum stærðum og gerðum og svo hálf fimm í dag ætla menn að fara saman í eina hópreið á öllum hjólunum um bæinn – það held ég að verði tignarleg sjón. - hlakka til