Nýr maður í brúnna!

Athyglist og ekki. Þó nokkrar vikur sem að ég heyrði orðróm um að Óli Þórðar yrði ekki áfram hjá Fram, þ.e.a.s. að það yrði skipt um þjálfara, síðan einhvern vegin fjaraði það út en kemur svo eins og blaut tuska í andlitið á manni í gærkvöldi þegar maður skoðar fotbolti.net. Ég skil vel kröfur Framara að þeir vilji að maður sé í fullustarfi sem þjálfari, það er farið að borga góð laun í þessum bransa og félögin er nánast farin að ætlast til þess að menn séu í fullu starfi við þetta, í það minnsta á sumrin. Ólafur Þórðarson er aftur á móti einn af þessum vinnuþjörkum sem sinnir sinni vinnu af fullum krafti samhliða því að þjálfa og eflaust hafa þessir hlutir einhverntíma rekist á að einhverju leyti og það myndi ég halda að mikið álag á öðrum hvorum staðnum hefði áhrif á það sem gerist á hinum staðnum. 

Svo getur náttúrulega líka verið að Framarar hafi bara verið hundóánægðir með störf Óla en séð þá leið skásta að tækla málið á þennan máta.  - Hver svo sem ástæðan fyrir uppsögninni er þá er næsta víst að Ólafur Þórðarson þjálfar ekki lið Fram í efstu deild árið 2008.

Ólafur Þórðarson ósáttur við uppsögn

Athugasemdir

[Jón Óskar Þórhallsson (IP-tala skráð) 4.10.2007 kl. 10:10]

Ég held að nú væri rétt fyrir ÍR-inga að fá Óla til sín í hlutastarf og svo mætir hann kannski bara Fram í deildarkeppni þarnæsta sumar.  Sjáum hvað setur.

[Stefán Bogi Sveinsson (IP-tala skráð) 4.10.2007 kl. 11:07]

Í Landsbankadeildinni í ár held ég að það hafi aðeins verið einn eða kannski tveir þjálfarar í fullu starfi. Gaui á Skaganum og Teitur í Vesturbænum, en hann var líka að stýra einhverri knattspyrnuakademíu hjá þeim. Það er hins vegar algengt að þjálfarar starfi í skólum og eru því með lengra frí yfir sumartímann en aðrir. Ég held að þessi ástæða Frammara sé fyrst og fremst fyrirsláttur. Þeir ættu að vera menn til að viðurkenna að þeir vildu einfaldlega ekki lengur hafa Ólaf Þórðarson sem þjálfara lengur.

[Gísli Foster Hjartarson, 4.10.2007 kl. 12:10]

Kristján Guðmundsson starfar bara sem þjálfari - og held að þú hafir rétt fyrir þér með ástæðu brottvikningar Óla þórðar - þekki ekki aðstæður allra