Fótboltinn skemmtilegur

Um síðustu helgi töluðu margir aðdáendur Man. Utd. um að völlurinn þeirra væri í skelfilegu ástandi, eftir tapið gegn Man City, ég heyrði menn sem sögðu að meira að segja Ferguson hefði viljað vera búin að láta skipta um gras og ég veit ekki hvað - svona núna þegar svona góður sigur kemur á þessum velli sem að virðist nú að nokkru leyti vera náskyldur íslenskum kartöflugörðum þá voru bæði liðin að spila á sama velli var það ekki. - he he fótboltinn. Er það ekki alltaf þannig að hugarfarið og vinnan sem að þú leggur í leikinn skilar sér oftast nær? City átti skilið að vinna United alveg eins og United átti fyllilega skilið að vinna Arsenal.  Hingað til hefur mér þótti United vera hvað áræðnst í vetur og með gott vinnuframlag per leikmann, svona Ferguson lið, Arsenal spilar að mörguleyti langskemmtilegasta boltann með skemmtilegu stuttu spili og góðri hreyfingu leikmanna svoleiðis er erfitt að spila í kartöflugarði og maður verður því að aðlaga sig aðstæðum en það gerðist bara ekki og tapið óumflýjanlegt.

Það afhverju völlur ensku meistaranna er ekki betri en raun ber vitni er svo aftur á móti efni í allt annan pistil - það held ég að flestir, ef ekki allir, séu sammála um að völlurinn er í lélegu ásigkomulagi.

Arsene Wenger: Vallarstjórinn átti slæman dag eins og við

Athugasemdir

[joi (IP-tala skráð) 17.2.2008 kl. 11:51]

Þessi völlur er eitthvað sem Utd ættu að huga alvarlega að. Þeir eru að lenda í töluverðum meiðslum. Það er oft fylgni á milli lélegra vallarskilyrða og meiðsla leikmanna. Þetta Man Utd lið ætti nú að hafa efni á þokkalegum vallarstjóra. Þeir eyddu 10 milljörðum í leikmenn, bara á síðasta sumri. Menn ættu valla að muna um góðan Massey Ferguson og vallarvörð sem veit hvað hann er að gera?

Annars finns mér að Utd aðdáendur ættu nú alveg að anda rólega. Arsenal var að spila á hálfgerðu varaliði. Það er erfitt að fara á Old Trafford, í bikarleik og mæta Utd eftir að þeir hafi verið nýbúnir að tapa háðuglega fyrir erkifjendum.

traore og hoyte eru engir bakverðir sem Wenger stillir upp dags daglega. Gilberto hefur setið á bekknum í allan vetur, en var með í gær. Bendtner situr yfirleitt á bekknum og er notaður til vara ef Van Persie, Adebayor og Eduoardo eru uppteknir/meiddir. Síðan voru þarna leikmenn sem eru framarlega í goggunarröð sem voru meiddir: Diaby, Rosicky, Flamini, Adebayour, Sagna, Clichy, Almunia, Senderos, Walcott, Van Persie, Denilson og einhverjir fleiri. Arsenal hefur ekki eytt eins miklu í leikmenn og Man Utd. og hafa kannski ekki alveg eins mikla breidd. Það er hins vegar alveg á hreinu að ef Arsenal hefði átt Derby County á miðvikudag en ekki AC Mílan á útivelli í CL hefði Le Boss notað einhverja af þessum leikmönnum. Hann vill geta stillt upp sínu sterkasta gegn AC og greinilega tilbúinn að fórna bikarkeppninni fyrir þann leik.

Man Utd spilaði engu að síður frábærlega í gær. Rooney er frábær og þessir ungu brassar nani og anderson eru gríðarlega skemmtilegir leikmenn.

[Valdemar S. Guðjónsson (IP-tala skráð) 17.2.2008 kl. 15:51]

Útaf með vallarstjórann