Að fá fyðring í tærnar!!!

Já já sumarið nálgast eins og óð flug og maður  fær í tærnar  yfir því sem framundan er, ég er löngu hættur að fá í hnén enda búin að slíta krossbönd í báðum hnjám í þessu fótboltabrölti en það er aukaatriði. Það verður gaman að sja´hvernig liðin koma til leiks, að venju er misjafnlega mikið lagt undir hjá liðunum en allir stefna náttúruelga á að vinna sem flesta leiki og krækja þannig í sem flest stig. Ég ætla nú ekki að spá í endanlega stöðu deildarinnar alveg strax á það inni þegar að nær dregur. Þróunin hefur verið athyglisverð síðustu ár en útlendingum hefur fjölgað mikið auk þess sem launagreiðslur hafa aukist verulega, og eru að mínu mati að miklu leyti komnar út fyrir öll velsæmismörk. Það verður gaman að sjá ef að fyrirtæki þurfa að herða sulltarólina frekar hversu mikið það mun koma niður á liðunum og hvaða áhrif það mun hafa í framhaldi af því, kannski verður nóg að gera hjá hinu nýstofnaða félagi leikmanna við það að hjálpa til við að leiðbeina félagsmönnum um það hvernig hægt er að ná í peninginn sinn, hver veit.  - En þetta er svo sem út úr dúr...

Það virðast vera sömu lið og oft áður sem koma sterkust til leiks ef marka má hvaða lið eru að koma sér í gegnum þessa riðla með bestan árangur nema hvað Fylkir virðist ekki vera að ná flugi, og það er nú akkúrat liðið sem ég beið hvað spenntastur eftir að sjá svona í upphafi móts, aðallega vegna þess að vinur minn Ian Jeffs fór þangað, hann búin að eiga við smávægileg meiðsli að etja. Atli Yo er ekki komin á skrið hjá KR eftir 2 uppskurði í upphafi árs og einn félaginn í viðbót Birkir Páls hjá Þrótti er frá sennilegast langt fram á haust þannig að þeir sem ég personulega fylgist best með eru ekki allir heilir á þessum tímapunkti.

Annars finnst mér þessi bolti orðinn miklu meiri manager leikur heldur en þjálfun og það að búa til góða unga leikmenn innan hvers félags, viðkvæðið virðist alltaf vera það að kaupa í eyðurnar í stað þess að leita innanbúðar, nema kannski uppi á Skaga þeir fannst mér leysa þetta ágætlega í fyrra með heimamönnum. Sjáið hvað er að gerast hjá Blikum og Fylki t.d. sem hafa átt mikið af efnilegum leikmönnum síðastliðin ár það er bara verslað inn að mestu leyti. Reyndar er ég að vona að nú þegar FH liðið er algerlega að komast á aldur að það verði svolítið af þeirra strákum sem komi til með að leysa eldri elikmenn af hólmi og ég stóla á að Heimir Guðjóns sé frekar kennari en innkaupastjóri. Sjáið hvað Óli Þórðar gerði í Safamýrinni í fyrra, hvað haldið þi ð að þar hafi verið verslað fyrir mikið og Framarar hafa haldið svolítið áfram í því með Þorvald Örlygsson en til að félagið lifi af þá held ég að þeir þurfi nú að fara að vinna úr ungum heimamönnum, fjármagnið í hitt efast ég um að sé til staðar. Ég segi það sem að ég hef oft sagt áður það lið sem leggur verulega rækt við yngri flokkana sína, ræður hæfa þjálfara, markar sína stefnu og þorir að fylgja henni, á eftir að uppskera ríkulega, en það gerist ekki á einni nóttu menn verða að hafa trú á verkefninu allir sem einn. Til þess a þetta gerist þurfa þjálfarar að fá traust og stuðning til öflugra verka, ég er ekki að segja að menn þurfi aldrei að leita út fyrir eigin raðir í leit að leikmönnum heldur að það er óþarfi að 7-8 menn í byrjunarliðinu séu keyptir annarsstaðar frá ef menn vanda hina vinnuna. - en að sjálfsögðu ætlast ég ekki til þess að allir séu sammála mér í þessu.

Keflavík áfram í deildabikarnum