Þrekmeistarinn

Á morgun, laugardag, fer fram á AKureyri þrekmeistarakeppni og þar verða nokkrir Eyjaskeggjar á ferð, í raun bara nokkuð margir flestir eru að keppa frá Hressó hérna í Eyjum en sumir æfa á höfuðborgarsvæðinu eða annarsstaðar. Hressó er með 3 lið í liðakeppnunum 2 kvennalið, eitt yngra og svo annað í eldri flokki og svo er eitt karlalið í flokki eldri karla (39 +)

Eins og þetta sé ekki nóg þá ætlar félagi Elías Jörundur Friðriks á Löndum að keppa í einstaklingskeppninni í karlaflokki og Gyða Arnórs bakara að keppa í kvennaflokki. Gyða efur náð góðum árangri í þessum keppnum til þessa. Ég get sjálfur vitnað um það eftir að hafa fylgst með þeim æfa að þau eru í toppformi og ég tel þau líkleg til að vinna til verðlauna. Sama verð ég að segja um liðin okkar þau eru í ágætisformi og ég reikna með að þau nái í einhver verðlaun.

Já og eins og það sé ekki nóg að þessi séu að keppa þá sá ég að Leifur Geir Hafsteinsson, líklegur til að verða í topp 3), Hrund Scheving og Birna Vigdís Sigurðardóttir eru öll að keppa í einstaklingskeppninni sýndist mér á listanum yfir keppendur í gærkvöldi og jafnvel eru þarna fleiri einstaklingar sem tengjast EYjum, gætu vel hafa sloppið framhjá mér þegar að ég renndi yfir listann. - Ég óska öllum þessum keppendum góðs gengis og ég veit að þau bera hróður Eyjanna víðar en þau grunar. 

ég set inn úrslit um leið og mér berast þau.

Var að lesa yfir reglurnar í keppninni og finnst þessi punktur í lokin alveg frábær (þetta eru 10 greinar sem menn keppa í á tíma fyrir þá sem ekki vita - 10 mismunandi æfingar í röð á tíma)

Um leið og bekkpressan (síðasta greinin) er búin er æskilegt að keppandinn gæti þess að vera ekki fyrir næsta keppanda sem kann að vera á sömu braut. Ennfremur er keppandinn beðinn um að bíða með kvartanir eða kærur ef einhverjar eru þar til 20 mínútum eftir að hann hefur lokið keppni og kælt sig niður.  - he he he sé fyrir mér einhvern alveg muð pumpuna og keppnisskapið á fullu byrja að rífast í dómara strax að lokinni keppni - he he - ekki einu sinni viss um að ég myndi lifa keppnina af.

Athugasemdir

[Þorkell Sigurjónsson, 19.4.2008 kl. 04:57]

Sæll og blessaður Gilli minn. Ja nú er það bara fótboltinn í dag og ekkert annað.  Kveðja.

[Gísli Foster Hjartarson, 19.4.2008 kl. 07:21]

Sæll Keli  Veistu þrekmeistarinn er málið í dag, mínir samlandar að keppa, en svo kemur fótboltinn. Það verður spennandi að sjá hvernig okkar fólki reynir af þarna í þessari erfiðu keppni.

Það eru 5 spennandi hlutir í fótboltanum: Íslandsmótið nálgast eins og óð fluga, Barátta Ívars vínar míns og félaga hjá Reading fyrir tilverurétti sínum í ensku úrvalsdeildinni, Hvernig klára Brighton og Crewe deildarkeppnina og svo hvernig kemur Hemma til með að ganga í úrslitum enska bikarsins - það er eitthvað sem að ég hefði viljað hafa möguleika á að upplifa, ef Hemmi byrjar inn á, sem ég reikna fastlega með, þá er þetta í mínum huga eitt merkasta skrefið sem íslenskur knattspyrnumaður hefur tekið. Við erum að ræða um virtustu og elstu bikarkeppni í heimi og sennilega en þann dag í dag, þó breyttur sé, frægasta knattspyrnuleikvangi knattspyrnusögunnar og að leikmaður  úr okkar ágæta bæjarfélagi skuli jafnvel vera að fara að taka þátt í úrslitaleik í þessari keppni og á þessum velli er alveg magnað. -

Ég minnist þess en þegar ég sat upp í stúku og horfði á Hemmi koma inná í sínum fyrsta leik í úrvalsdeildinni á sínum tíma, maður fann fyrir "þjóðarstolti" þarna í stúkunni á Selhurst Park, stoltið verður engu minna er hann gengur inn á völlinn í þetta skiptið.