höfuð, herðar, augu og eyru

það verður að segjast eins og er að á stundumvirðast íslenskir dómarar uppteknari af því að dæma eftir því sem þeir heyra en sjá og það vill oft verða þeirra fall.  Menn verða að geta sett sig inn í leikinn og skynjað spennuna og umhverfið hverju sinni - þetta er leikur tilfinninga að miklu leyti.

Ég man nú eftir leikjum þar sem dómarar hafa verið frábærir en ég man betur eftir elikjum þar sem menn hafa alveg misst sig og oft fyrr það eitt að láta orðaskak og það sem menn heyra fara með leikinn.  Það gera allir mistök í hita leiksins alveg sama hver á hlut að máli svo einfallt er það annars væri nú lítið varið í fótboltann - svei mér þá.

Aftur á móti minnist ég þess ekki að hafa séð dómara viðurkenna mistök sín eða KSÍ taka undir að einhver annar en dómarinn hafi rétt fyrir sér í langan tíma. Dómarar gera mstök alvg eins og við hin og sum þeirra þurfa þeir ekki að viðurkenna þannig séð en önnur er í lagi að viðurkenna. Var það ekki hin ágæti leikmaður Pálmi Rafn sem hringdi í dómara um daginn og baðst afsökunar á einhverju sem að hann sagði þegar að hann sá að það var rangt - maður að meiri fyrir vikið - og takið eftir hefur örugglega unnið sér in nokkra punkta hjá dómarastéttinni með þessum vinnubrögðum - með svipuðum vinnubrögðum geta dómarar unnið sér inn virðingu leikmanna og annarra er að fótboltanum hafa gaman. - en það virðist bara ekki ætla að gerast á Íslandi.

Ég vil heldur ekki gleyma að frá mínum bæjardyrum séð er það fjármagn sem komið e í boltann hérna heima orðið hálfgert bull, sem taka þarf á,  og það ýtir undir skarkalann í kringum þetta allt saman og það ótrúlega er að þeir sem sitja sveittastir yfir þessu eru forráðamenn liðanna sem eru eins  og útspýtt hundsskinn út um allar trissur að reyna að safna peningum til þess að reka þetta dót. Næstir þeim í goggunarröðinni koma svo dómarar og þar langt langt í burtu koma svo leikmenn og þjálfarar sem margir hverjir hafa hreint aldeilis góðar tekjur fyrir vinnu sína, sem oft á tíðum jafnast á við það mikla sjálfboðaliðastarf sem stjórnarmennirnir vinna.

Jónas Hallgrímsson á Húsavík fór mikinn í orðum sínum á fótbolti.net ég er að mörguleyti ángæður með hann því það þarf aðeins að hrista upp í þesari umræðu og ég vildi gjarna sjá jafn sterk viðbrögð frá KSÍ varðandi ummæli Sepp Blatter í máli Ronaldo og þeir hafa tekið gegn Jónasi.

Ætla hérna í lokin að setja inn smá sem að ég setti inn um daginn varðandi dómarana okkar og þessa miklu umræðu sem orðið hefur um þetta fórnfúsa og nauðsynlega starf sem að þessir piltar sínni - við vitum öll að án þeirra væri enginn leikur:

Svo finnst mér ótrúlegt hvað menn eru oft viðkvæmir fyrir gagnrýni á dómgæsluna - auðvitað gera dómarar mistök, við hin gerum það líka tala nú ekki um leikmenn. Þessi mistök eru partur af leiknum og hafa alltaf mismikil áhrif á gang hans, bara aukaspyrna sem dæmd er úti á miðjum velli um miðjan fyrri hálfleik þar sem að kannski bara dómaranum fannst eitthvað eiga sér stað breytir gangi alls leiksins, þannig er það bara! Boltinn er stöðvaður allir stilla sér upp, finna sér stöðu, og svo heldur leikurinn áfram. Innkast sem aðstoðardómari flaggar í vitlausa átt getur haft þvílík áhrif - en come on þetta er partur af leiknum .... en við ætlumst til þess innst inni að liðið í svarta dressinu sé að gera sitt besta ......auðvitað geta þeir lagst hart á móti einhverjum aðila og lagt hann í einelti en trúum við því að dómarar og aðstoðardómarar séu svo illa innrættir?

Um dómgæslu og dómaramál