Skynsamleg ákvörðun

Tek hatt minn ofan fyrir stjórnarmönnum míns liðs í körfunni ef að þetta er ákvörðunin sem tekin hefur verið. Menn hafa enga heimild til að steypa félagi sínu í ótakmörkuð peningavandræði, í mínum  huga á það við um Snæfell alveg eins og öll önnur lið. Tel þetta því skynsamlega ákvörðun og í raun það eina rétta í stöðunni. Bíð svo frétta af þessum íbúafundi.  Held að við gætum átt eftir að sjá svona ákvarðanir hjá fleiri liðum.

Áfram Snæfell.

Snæfell segir upp samningum við erlenda leikmenn og þjálfara

Athugasemdir

[Gísli Foster Hjartarson, 7.10.2008 kl. 08:49]

já við erum með 2 og það er ekkert að breytast að svo stöddu held ég, en eigum við ekki að vona að gengið lagist þegar líður á veturinn. Sjáum hvað setur - kannski að við getum selt þá ef í harðbakkann slær!!!!!

[Sveinn Ingi Lýðsson, 7.10.2008 kl. 09:09]

Kjörkuð ákvörðun stjórnar Snæfells.  Ég get vart ímyndað að nokkur önnur lið  hafi efni á að greiða erlendum leikmönnum laun eins og staðan er í dag.  Rekstur þeirra hefur verið í járnum og þar bæta síðustu atburðir ekki úr.

Snæfell er mitt lið og ég virði þessa ákvörðun.

Áfram Snæfell!

[st.geir (IP-tala skráð) 7.10.2008 kl. 21:24]

Gott hjá þeim að bregðast við strax, en ekki bíða eftir að allt fari í kaldakol. Búinn að vera stuðningsmaður eftir að hafa í tvígang þurft að leggjast inn á hið frábæra sjúkrahús þeirra í Hólminum.

Áfram Snæfell