Afhverju ætti það svo sem að gera það?

Ég bara spyr - menn eiga líka að vita að fjárfesting í hlutabréfum getur lukkast og misfarist þannig er það bara í þessum heimi og menn verða þá bara að takast á við þann vanda.

Á maður að treysta hverjum sem er fyrir peningunum sínum? En það er krystaltært að fullt af fólki hefur teygt höfuð sitt alltof langt upp í gin ljónsins, því miður. Skulum heldur ekki gleyma því að þeir sem sennilegast tapa mestu í þessum bankahremmingum eru örugglega búnir að koma árum sínum vel fyrir borð á hinum ýmsu stöðum og þurfa því vart að lepja mjólk úr skál útaf þessum hremmingum, en það gætu minni spámenn þurft að gera.

Krullaði maðurinn úr Seðlabankanum var fínn í þessu viðtali - burt séð frá því hvort svo sem menn hafa allt á hornum sér útaf honum eða ekki.

Ríkið borgi ekki skuldir óreiðumanna

Athugasemdir

[Valsól (IP-tala skráð) 7.10.2008 kl. 21:57]

Það ætti að senda þessum 40% hluta þjóðarinnar reikninginn fyrir öllu ruglinu, þessum 40% sem hafa ausið lofi á þennan mann og kosið þetta yfir þjóðina. Þegar Ingibjörg hélt Borgarnesræðu sína árið 2003 og talaði um að það ætti að setja þessum fyrirtækjum leikreglur þá var það hleigið út af borðinu af Sjálfstæðisflokknum. Og núna blæðir þjóðinni. Málið var að ástæðan fyrir því að ekki voru settar leikreglur, var vegna þess að það kom pólitískt betur út fyrir einkavæðingarflokk Sjálfstæðisflokksins að láta bankana líta vel út.

Ég viðurkenni það hins vegar að ég fann til með honum eitt augnablik, sem manneskju, en sú vorkun rauk út í veður og vind þegar hann fór að tala um spunameistara í því samhengi að allir helstu hagfræðingar landsins, samtök atvinnulífsins og öll verkalýðshreyfingin eins og hún  leggur sig vill evru í stað þessa handónýta gjaldmiðils. Það kallar Davíð spunameistara, furðulegt vægast sagt.

[Sunna (IP-tala skráð) 7.10.2008 kl. 22:15]

Spurning samt hvort það þarf að hafa vit fyrir fólki um að skuldsetja sig ekki um og of?

Ættum við að hafa hertari reglur og minna val eða opnara kerfi og þar að leiðandi fleiri möguleika. Við skulum ekki gleyma því að vegna þess að Alþingi ákvað að opna kerfið þá opnaði það möguleikana fyrir velmeguninni sem við höfum notið undanfarin ár, vandamálið er bara þeir sem misnotuðu það og skuldsettu sig í kaf og seldu allar eignir sem voru verðmætar uppí lánin. það er það sem er að valda vandamálunum í dag.

Refsum ekki öllum fyrir þá fáu sem "brjóta af sér"

[Gísli Foster Hjartarson, 7.10.2008 kl. 22:17]

Já það má ekki gleymast alveg að Davíð er nú einn mesti spunameistarinn, já og satt er það að það frjálsræði sem að Sjálfstæðisflokkurinn og hægri öfgamenn annarsstaðar í heiminum hafa viljað sjá er núna að springa í andlitið á þeim, en þetta lið sér þetta ekki alveg svoleiðis heldur er nú farið að horfa á að þarna séu nokkrir óheiðarlegir og ýktir einstaklingar á ferð!!!! Held nú að þetta sé ekki svo einfallt græðgin á Íslandi er með ólíkindum og dæmin eru mörg.

[Gísli Foster Hjartarson, 7.10.2008 kl. 22:25]

Sunna það þurfa að vera skýrari og skilmerkilegri reglur í þessum viðskiptaheimi okkar en hingað til hefur þekkst - við höfum verið of lin og eins og einhver sagði þá sat orðið sama fólkið og vinir þess allan hringin við samningaborðin og það kann ekki góðri lukku að stýra, þegar að gleypa á heiminn.

Mér hefur alltaf fundist einn af göllumíslendinga vera sá að það eru allir að "meika " alvegsama hver staða fólksins er og því fer sem fer - það má enginvera minni maður en sá við hliðina - kannski að þetta breytist núna.

Hvað verður gert við þá menn sem fengu fólk til að koma kannski með milljónina sína í bankann og treysta þeim fyrir "bestu" ávöxtun og ávöxtun sem átti að vera tryggari en hlutabréfa kaup t.d.  en innlögn peningana fólst í því að í sjóli nætur samþykktu þessir menn að lána sjálfum sér peningana og bruðla með þá í eigin nafni um víðan völl - er þetta ekki glæpur! Ég bara spyr?

Leikreglurnar sem að þessir menn höfðu til að fara eftir voru ekki til og mörg viðskipti sem gerð voru voru á n nokkurs vafa lögleg en gjörsamlega siðlaus - krullaði maðurinn í Seðlabankanum er t.d.einn af þeim sem ber ábyrgða á því að reglurnar voru ekki skýrari.

[Valsól (IP-tala skráð) 7.10.2008 kl. 23:04]

Pólitíkusar bera líka ábyrgð. Talandi um velmegun, ég ætla bara að segja ykkur það að ég hafði það fínt á árunum 1980-1990 má benda sunnu á að Davíð komst ekki í forsætisráðherrastól fyrr en 1990. Það er eins og fólk haldi að það hafi verið hræðilegt að búa á Íslandi áður en Davíð komst til valda, mikið voðaleg einföldun er þetta á staðreyndum. Ég var 20 ára árið 1980. Ég átti flottan Camaro, ég átti hús og hafði góðar tekjur, alla vega betri en í dag. Davíð og Sjálfstæðisflokkurinn er búinn að ljúga svoleiðis þessa kynslóð fulla að það hafi bara verið dauði og djöfull áður en hann komst til valda, þetta er bara rugl. Það var bæði gott og slæmt alveg eins og það hefur alltaf verið hjá vinnustéttum þessa lands. Góðærið margumtalaða fór algjörlega fram hjá mér og mörgum öðrum. Það voru helst menn tengdir inn í pólitíkina sem gátu átt von á því að verða viðbjóðslega ríkir, flest svona venjulegt fólk heyrði bara talað um þetta góðæri. öryrkjar byrjuðu að borga skatt í fyrsta skipti, já í miðju góðærinu.

Já ég er sammála þér Gísli að það þurfa vera leikreglur og eina skýringin er sú að það kom spillingaflokknum vel að bankarnir innu með hundruðir miljarða en ekki hundruðir miljóna. Það kom sér vel fyrir Sjálfstæðisflokkinn að geta talað um hve bönkunum gengi vel og hvað þeir væru að hala inn fyrir þjóðarbúið. Þetta töluðu Sjálfstæðismenn um sérstaklega fyrir kosningar. Þá voro menn eins og Hannes hólmstein dregnir fram og pússað var af kjaftæðinu um velgengnina sem hlotist hafði vegna einkavæðingar bankanna. Svo töluðu þeir eins og hér hafi allt verið á heljarbrún áður en þeir komust til valda. Jú jú það var þjóðarsátt gerð árið 1990 en núna er ekki einu sinni hægt að gera svoleiðis því Sjálfstæðisflokkurinn er búinn að brenna allt til helvítis þannig eð ekki stendur steinn yfir steini. Og enn er fólk að verja manninn, ótrúlegt. 

Veistu Gísli ég er sammála þér varðandi þetta með að Íslendingar eru voða mikið í keppni við næsta mann. Ég bjó nokkur ár í Svíþjóð og þar kynntist maður einhvern vegin allt öðrum hugsunarhætti, fólk skammaðist sín ekki fyrir að vera til dæmis atvinnulaust eða vera öryrki. En hér á landi hafa verið gefnar út heilu skýrslurnar um öryrkja og hvað þeir væru mikið að svindala á kerfinu. Stefán Ólafsson prófessor kom með aðra skýrslu sem sagði allt aðra hluti. Frjálshyggjan hikaði ekki við að ráðast á okkar minnstu meðbræður ef það þjónaði hagsmunum þeirra. Ógeðslegt lið sem hikar ekki við að græða á þriðja aðila.