Já það eru erfiðir tímar framundan

Er viss um að það er gaman að sitja núna samninga fundi með leikmönnum, er ansi hræddur um að leikmenn verði að skoða sinn hug verulega áður en þeir setjast niður með liðunum og ég er hræddur um að leikmenn sem fyrir nokkrum vikum höfnuðu kannski ágætis tilboðum frá sínum liðum, sjaí ekki svoleiðis tilboð aftur á sínu borði.  Þaðvar svo sem alveg kominn tími á að stokka upp launamál leikmanna á Íslandi en það hefði alveg mátt gerast við aðrar kringumstæður hugsa að flestir séu sammála um það  - nú taka menn kannski bara upp alhliða bónuskerfi við leikmenn en ráðast af fullum þunga á fastar greiðslur til handa leikmönnum.

Er ánægður að sjá beiðni formannanna til KSÍ og vinnu þeirra gegn sveitarfélögunum, auðvitað geta menn ekki haldið úti öllum kröfum þegar allt er í járnum í rekstri sveitarfélaganna það eru svo mörg mál miklu mikilvægari fyrir sveitarfélögin á þessari stundu heldur en að steypa kannski einhvern klump með plastsætum t.d. - þósvo að allir vilji hafa svoleiðis er ekki víst að réttlætanlegt sé að hafa það í forgangi.

Hvað mun svo gerast í slæmu árferði deildanna er vanskil verða á launum þá geta leikmenn nú aldeilis stillt liðunum upp við vegg ef um írekaðar vanefndir á launum er að ræða, ef að ég man rétt er endanlegur dómur þar sá að vísa má liði úr deildinni ef ekki er samið um málið - það er á svona ögurstundum sem að Leyfiskerfið getur þjarmað illilega að mönnum þó svo að það sé ágætt til síns brúks og eigi að vera miðmiðunarstandard fyrir lið sem eru að fara að keppa í Evrópukeppnum. Ástand það sem er komið upp í þjóðfélaginu verður kannski til þess að KSÍ ákveður að vera með 2falt leyfiskerfi í gangi eitt fyrir Íslandsmót og annað fyrir lið sem skráð eru til leiks í Evrópukeppnum og í raun sé ég ekkert að því, síður en svo t.d. gagnvart ÍBV þá mynum við hafa leyfi til að spila heimalieki okkar í deild og bikar á Hásteinsvelli en spila svo jafnvel Evrópuleiki á Laugardalsvelli - sé ekkert að því.

Gaman - kannski ekki rétt að segja gaman - verður að sjá hvort lið segja upp samningum við leikmenn í þessu harðæri til að liðka um og geta betur tekist á við vandann - Menn hafa spennt bogann ótrúlega hátt síðustu ár í boltanum hérna heima - nú þarf að stilla upp á nýtt ogþá er ég viss um að menn vanda miðið betur.

Formenn skora á sveitarfélög og fyrirtæki