Sir Charles...

...sá gamli meistari, einn merkasti körfuboltamaður síns tíma, og jafnvel þó víðar væri drepið niður fæti í sögunni, hefur nú löngum þótt gaman að takast á við lífið en þetta með áfengið hefur ágerst með árunum af því er manni skilst. Kjaftfor með eindæmum sir Charles og oft komið sér í skemmtilegar aðstöður með því að vera sítuðandi og að tjá sig um menn og málefni. Flottur gaur að mörgu leyti á sínum tíma, og naut vinsældar hjá mér á sínum tíma og til eru bækur um hann og vídeó á mínu heimili sem gaman er að renna í gegnum endrum og eins.

En það sem mér fannst best við greinina var dómurinn, hvernig er þetta samanborið við þetta hérna á klakanum? Það þarf að taka á þessum málum af festu.

Samkvæmt dóminum þarf hann að sitja í fangelsi í fimm daga, borga ríflega 2.000 dollara sekt, um 226.000 krónur, og sækja áfengisvarnarfundi. Samkvæmt lögur í Arizona þarf hann jafnframt að hafa áfengismæli tengdan við svissinn í bílnum sínum.

Barkley stungið inn