Bank bank gamli bankamálaráðherra

Það er greinilegt að það hafa nokkrir áhuga á að velta fyrrum bankamálaráðherra úr sessi, ekki það að ég undrist það, er ánægður að sjá að fólk ætlar að berja á honum - honum sem sat með hendur í skauti allt þar til það átti að skipta honum út úr ríkisstjórn þá sagði hann af sér, eitthvað sem að hann átti að gera strax eftir hrun, ásamt t.d. Árna Matt..  EN hann er kokhraustur og sækist eftir efsta sætinu og nú er það fólksins að velja hvort hann nýtur áframhaldandi trausts, ekki hefur hann það hjá mér.

Kemur eflaust mörgum á óvart að sjá Andrés Sigurvins ætla að blanda sér í þetta en víst er að það verður þá ekki lognmolla í kringum þetta prófkjör þegar að Andrés mætir til leiks og það viti þeir sem starfað hafa með kappanum að þar er ekki logn, heldur er tekist á um málefni, ef þurfa þykir,  og þau rædd til þrautar. Skúla þekki ég ekkert né Önnu, enda hún í Brussel og ég ekki komið þangað síðan á bakpokaferðalgi mínu um Evrópu 1989 er ég heimsótti Kollu systir sem þá var Au-pair  hjá Stebba hans Jóhanesar í bankanum - það var gaman. Guðrúnu Erlings þekkii ég náttúrulega héðan úr Eyjum og hún er ein af þessum ódrepandi félagsmálakonum sem ekki er of mikið af, hún tók slaginn síðast og mætir nú eflaust tvíeflt til leiks - gott hjá henni. Oddnýju þekki ég ekki en hún er bæjarstjóri í góðum bæ, Garði, en ég spilaði 3 æfingaleiki með Víði í æfingaferð í Þýskalandi árið 1987 - en hafði ekki kjark í mér að flytja í Garðinn það sumar og hef oft séð eftir því, þarna voru margir frábærir piltar á þeim tíma.  Það olli mér vonbrigðum að Róbert skyldi ekki stefna á efsta sætið, hann hefur eflaust sínar ástæður fyrir því, en ég vil sjá fólk stefna á toppinn tilhvers annars að vera að gefa sig í þetta - fannst Róbert kannski bankamálaráðherra standa sig svona vel? Trúi því ekki fyrr en á reynir að svo sé - Menn eiga að klóra frá sér í svona slag. Til hvers að vera að bjóða sig fram ef menn treysta sjálfum sér ekki fyrir toppsætinu? Við sjáum hvað setur - fólkið velur í þessu prófkjöri eins og öðrum.

Nú býð ég sem Eyjamaður eftir því að Grímur Gísla gefi kost á sér í fyrsta sætið hjá Sjálfstæðismönnum - trúi því ekki að Grímur sé sáttur við störf þeirra er lentu fyrir ofan hann í síðasta prófkjöri!

13 gefa kost á sér hjá Samfylkingu í Suðurkjördæmi