Dómgæsla

Er ég eitthvað að lesa skilaboðin skakkt eða er umræðan um slaka dómgæslu mun háværari í ár en undanfarin ár?  Á mínum heimavelli, Hásteinsvelli, fer varla fram keppni í tuðrusparki án þess að dómarinn sé nánast lagður í einelti og þetta virðist vera að gerast á nánast hverjum velli. Auðvitað hefur í gegnum tíðina engin dómari sloppið við einhverjar glósur á Hásteinsvelli en nú er þetta orðið mun meira og fólk virðist vera farið að taka svekkelsið með sér heim og  blöðin, vefmiðlar, bloggarar og almenn umræða um slaka dómgæslu er mun meira áberandi - og svona virðist þetta vera orðið á öðrum völlum líka. - Vona bara að þegar dómari á dapran dag að það bitni á báðum liðum en ekki bara öðru.

En nú er það svo að dómgæslan er ekki alltaf slæm, langt í frá en ekki verður maður mikið var við umræðuna um það sem vel er gert þó einstaka aðili nefni það. Gætum við ekki bætt okkur þar?

Hasar á Hlíðarenda í Reykjavíkurslag

Athugasemdir

[Guðmundur Pétursson, 4.8.2009 kl. 12:53]

Hlítur að vera Valsmaður sem skrifaði þessa frétt.

[Gísli Foster Hjartarson, 4.8.2009 kl. 13:07]

he he he he

.....en burtséð frá því þá er spurning vhort að við megum ekki stundum vera jákvæðari í garð þeirra sem blása í flauturnar