Klárum þetta mót

Það er enn einn leikur eftir á þessu móti gegn gríðarsterku liði Þýskalands og markmiðið í þeim leik hlýtur að vera að ná hagstæaðri úrslitum en hin tvö liðin hafa náð, ef að það tekst verður allavega eitthvað til að gleðjast yfir. Er alveg á því að við vorum síst lakari í gær gegn Norðmönnum en við skoruðum ekki en það gerðu þær eftir aulamistök í vörn okkar, ja eða klókindi sóknarmanns þeirra, eftir því við hvern þú talar. Engin áttum við afgerandi færin en það var stigsmunur á þessum leik og þeim við franska liðið og það til hins betra.

Við erum greinilega, eins og UEFA-listinn, ekki með alveg jafn gott lið og hin liðin en eins og Margrét Lára segir þá er liðið tiltölulega ungt og því hægt að byggja ofan á þetta og nálgast kannski hin liðin að getu og gera því betur í náinni framtíð. Mér hefur fundist af því sem að ég hef séð af mótinu að sendingargeta og knatttæknin hjá okkar stúlkum er á nokkuð lægra plani en mögrum öðrum liðum þarna, þar er strax eitthvað til að bæta og hvoru tveggja er þetta eitthvað sem auðvlet ætti að vera að takast á við og bæta.-  Áfram Ísland

EM: Við ætlum aftur á stórmót