Að hafa horn í síðu

Margir stuðningsmenn United á Íslandi hafa einfaldlega aldrei þolað Gary Neville, og lengi vel gengu þeir bræður undir nafninu Neville systurnar hér í Eyjum, mönnum þóttu þeir ekki gæfulegir knasttspyrnumenn og hneyksluðust gjarna á hvað þessir gaurar væru yfir höfuð að gera á launaskrá hjá United. - Síðan hefur mikið vatn runnið til sjávar en en er talað svona um þá bræður og síðan hafa nöfn leikmanna eins og Fletcher og O'Shea verið dregin inn í umræðuna yfir þessa leikmenn sem í raun hefðu ekkert að gera á æfingasvæði United, nema þá til að taka saman keilur!!!

Hvað ætli sir Alex sjái í þessum strákum, og fleirum, sem stuðningsmenn United á Íslandi, og jafnvel víðar, sjá ekki?

Ég er ekkert að ætlast til þess að fá svör við þessu, hefur bara alltaf fundist þessi umræða svolítið spes og það er eins og menn haldi að leikmenn sem geti ekki neitt sé valdir í liðið af sir Alex, auðvitða eru þetta ekkert bestu knattspyrnumenn í heimi en fótboltinn er hópíþrótt þar sem samvinna, elja, dugnaður og liðsandi er það sem heldur liðum saman - finnst stundum eins og menn gleymi því

Redknapp: Takið Neville til fyrirmyndar

Athugasemdir

[Ragna Birgisdóttir (IP-tala skráð) 23.9.2009 kl. 14:21]

Það er ekki skrítið að lið MU skuli hafa hirt flestar dollur sem hægt er að hirða sl ár.Með langbesta stjóra íþróttasögunnar.Hann virðist hefa þann einstaka hæfileika að ná fram því besta hjá leikmönnunum sínum bæði sálarlega og knattspyrnulega.Ef að honum finnst leikmennirnir fara að vera stærri en félagið lætur hann þá fara.Er einhver þjálfari hér á landi sem kæmist næst honum í íslensku deildinni? Kannski Heimir Guðjónsson.

[Hjörtur Herbertsson, 23.9.2009 kl. 14:56]

Þar hittirðu naglan á höfuðið Gísli, elja, dugnaður og liðsandi heldur liðinu saman. Oft hefur maður heyrt um Fletcher að hann væri þyndarlaus, en þar er elja og dugnaður út allan leikinn, og svo á hann til að pota einu og einu marki (var samt ekki í miklu áliti hjá Hemma Gunn, kanski breyst e.h.) Gary var andskotanum duglegri líka, en boltatæknin ekki fyrir hendi. O'Shea stendur oft fyrir sínu harður nagli. Karlinn veit alveg hvað hann er að gera, hann er ekki með neina miljarða menn, en eru þeir e.h. betri?

[Guðni Þór Björnsson, 23.9.2009 kl. 16:05]

Sjálfum finnst mér G. Neville hafa verið einn stabílasti hægri bakvörður í sögunni, menn eru ekkert í byrjunarliði hjá Fergunnni fyrir ekki neitt. Lenti líka í slæmum meiðslum sem hafa kannski dregið smá úr honum en hann hefði alveg haldið sæti sínu hefði hann haldist heill. 

Hin Neville systirin fór til Everton og hefur aldrei spilað betur og var gerður að captain, það segir margt.

En ferill þeirra verður ekki mældur í fegurð, heldur vinnu og eljusemi.

Þar fá þeir fullt hús.

Áfram Arsenal

[Pétur Orri Gíslason, 23.9.2009 kl. 18:36]

Gísli þetta er ekki rétt hjá þér. Neville bræðurnir og þá sérstaklega Gary hafa alltaf verið í gríðarlegu uppáhaldi hjá United stuðningsmönnum. Hins vegar eru það andstæðingar United sem iðulega hafa kallað þá Neville systurnar.

[Gísli Foster Hjartarson, 23.9.2009 kl. 18:40]

Pétur Orri þú þarft greinilega ekki að hlusta á stuðningsmenn United í Vestmannaeyjum - ég er að tala um að sumir af hörðustu aðdáendum liðsins hér í bæ, og jafnvel nokkrir þeirra þó víðar væri leitað hafa notað þessa orðaleppa.

[Ólafur Gíslason, 23.9.2009 kl. 19:48]

Hehe, kannski er einhver ástæða fyrir því að Ferguson er stjóri United en ekki einhver af stuðningsmönnum United í Eyjum, hehe.

[Gísli Foster Hjartarson, 23.9.2009 kl. 20:16]

He he he klárlega Ólafur klárlega