Erfiður vetur framundan

Þetta er ekki gott, byrjunin á mótinu var góð en nú er mótlæti og þá þurfa menn að þjappa sér saman. Það er nú samt ekki eins og spámenn hafi reiknað með því að liðið færi beint upp, spáð 4-10 sæti, þó svo að stefnan sé að sjálfsögðu tekin þangað þrátt fyrir verulegan niðurskurð í leikmannahópi og rekstri félagsins.

Heyri á stuðningsmönnum liðsins að þeim finnst of mikið einblínt á að laða leikmenn til liðsins í staðinn fyrir að gefa þeirra eigin uppöldu leikmönnum fleiri tækifæri eins og félagið hefur svo oft gert í gegnum tíðina. Hvort sá kjarni sem er að koma upp í gegnum félagið er nógu sterkur treysti ég mér ekki til að meta héðan úr sófanumþ Ég veit þó að unglingastarfið hefur aðeins gefið eftir síðustu ár þrátt fyrir að félagið hafi lifað á því að ala upp leikmenn í gegnum tíðina og það er ekki gott. Þjálfarar hjá félaginu hafa verið lokkaðir til liða í úrvalsdeildinni t.d.

En það er nú samt á hreinu að  menn þurfa að spýta í lófana ætli þeir sér að taka þátt í baráttunni um að komast upp um deild.

Guðjón: Kannski er ég of góður við leikmenn

Athugasemdir

[Gísli Sigurðsson, 26.9.2009 kl. 23:00]

Ég verð nú að viðurkenna að það er ýmislegt ofar á áhyggjulistanum mínum en árangur Crewe Alexandra þarna á Englandinu góða.