Kominn á skjálftavaktina

Gott og vel karlinn ætlar ekki að bjóða sig fram eftir 4 ár, en ansi er ég hræddur um að það geti orðið of seint miðað við hraðann sem er á málum í hans heimshluta þessa dagana. Menn gætu verið búnir að sparka honum út í hafsauga eftir einhverja mánuði.

Þessar hræringar í Afríku og miðausturlöndum eru eitthvað sem er "spennandi" að fylgjast með þessa dagana. Að sjá allt þetta fólk sem gengur jafnvel í veg fyrir byssukjaftana í þeirri von að það sjálft eða fjölskylda og vinir eignist betra líf er ótrúlegt. Fólk er til í að fórna lífi sínu fyrir betra líf fyrir fólkið í kringum sig. .....hér börðu menn potta og pönnur og köstuðu eggjum, en fóru svo bara heim. Við höfum ekki þessi element i okkur að gera þetta á þennan hátt, enda sennilega ekki þörf á því hér þrátt fyrir að ekki séu allir sáttir, en hver vit hvað framtíðin ber í skauti sér?

Forseti Súdans mun ekki sækjast eftir endurkjöri

Lárus er með þetta

Lárus hittir naglann á höfuðið svo um munar þarna þegar hann kemur þessu á framfæri:

Jafnframt segir Lárus mikilvægt að þjóðin fái greinargóða kynningu á samningunum, en hann hefur áður gagnrýnt skort á henni. Hann telur að sú kynning eigi ekki að vera frá stjórnmálamönnun en fremur samninganefndinni sjálfri. Það myndi hjálpa mikið til og þjóðin þá geta tekið upplýsta ákvörðun.

Þessu hafa margir kallað eftir og nú er kannski kominn tími á að almenningur geti áttað sig á því hvað það er sem menn eiga við með því að vilja ganga að þessu samkomulagi. Hvað er það sem sumir hræðast en aðrir ekki.

Skýrir kostir í stöðunni

Glott

Það er ég viss um að það hefur færst glott yfir andlitið á mörgum þegar þetta varð ljóst. Stórleikur í 8 liða úrslitum og ekki gleyma að það er en möguleikiá því að Man. Utd og Man. City mætist í úrslitaleiknum - Leikur sem klárlega margir myndu vilja sjá sem úrlsitaleikinn úr því sem komið er.

Man.Utd gegn Arsenal í bikarnum?

3612 bíður átekta

Nú situr maður bara og bíður. Ætla menn að láta kjósa aftur til Stjórnlagaþings? Vilja allir sem buðu sig fram síðast vera áfram í pottinum? Verður kannski ekki boðið upp á það? Hver verður framkvæmdin? Þetta eru allt bara vangaveltur og ekkert annað eins og er og því engin ástæða til þess að vera að fara á taugum í þessu eins og er. 

......maður situr bara og bíður, rólegur að vanda.

Tvöfaldar kosningar hugsanlegar

Nú svitna margir

Forsetinn kann að kveikja í þjóðinni - hvort sem fólki líkar það betur eða verr.  Hvað segja veðbankar núna um málið? Ég hugsa að niðurstaðan verði sú að hér verði engin þjóðaratkvæðagreiðsla um málið. Hvað heldur þú?

Forsetinn kominn að niðurstöðu

Lykilatriði vantar í fréttina.

Ég skil vel að Lee gefi út þá yfirlýsingu að hann sé sáttur hvernig þetta fór fyrir Alþingi fyrir það fær hann borgaði og ég sjálfur er ekki frá því að ég sé sammála honum. Hann vill jú fá útborgað, en ég er á launaskrá annarsstaðar!

Það sem menn klipptu út úr viðtalinu og birtu ekki var hins vegar það að í lok viðtalsins lýsti Lee Bucheit því yfir að hann hefði í hyggju að taka þátt í Mottu-mars keppninni en hann er annálaður skeggapi og hefur þegar tekið stefnuna á sigur.

Ánægður með að Icesave-lög voru samþykkt

Ding Dong enginn heima

Þetta er náttúrulega eins dapurt og það getur gerst. Skjóta á fólki í jarðaför, þrátt fyrir að um mótmælanda og mómæli sé að ræða. Er ansi hræddur um að yfirvöld séu ekki alveg að gera sér grein fyrir að það verður hægara sagt en gert að berja niður þessi mótmæli með ofbeldi og hervaldi. Fólk er búið að fá nóg og vill breytingar og eins og það sé ekki nóg þá er fólki í þessum norður-Afríku löndunum núna tilbúið að ganga lengra en það hefur gert áður.

Núna er atgangurinn mestur í Norður-Afríku, (og kannski austurlöndum nær, en þetta á eftir að breiðast út suður eftir Afríku það er ég viss um. Það verður hasar á þessum slóðum, meiri en verið hefur, næstu 4-5 árin.

Skotið á útfarargesti

Tap en samt....

.....ekkert til að hengja sig útaf. En ljóta hörmungin að tapa svona útaf föstum leikatriðum - hörmung. En það er þó sárabót að ég er ekki frá því að þótt að við höfum tapað þá vorum við betri í að halda boltanum innan liðsins þó ekki höfum við skapað haug og helling. Tap já já einhverjir eiga eftir að minnast á það en það verður í góðu við getum þá núna einbeitt okkur að deildinni því þar er mikið framundan og ekkert er mikilvægara til vors en að reyna að tryggja það að við komumst upp um deild.  - já ekki má gleyma að við áttum efnilegasta leikmanninn á vellinum.      ...........Seagulls forever

Birmingham og Stoke áfram

Karlinn hristir þetta af sér

Tryggvi Guð eins og gárungarnir kalla hann hér á skerinu í suðri hristir þetta nú væntanlega af sér og verður kominn á flug áður en hann sjálfur veit af. Auðvitað er slæmt að verða fyrir svona hnjaski en menn með þessa reynslu eins og Tryggva halda alveg haus.  Karlinn verður að vera klár í 10 mörk í sumar

Synd að tapa þessu i gær eins og ég sagði en lifið heldur áfram og nú er framundan að sjá mávarna af suðurströndinni reyna að brjóta keramikkarlana frá Stoke - áfram Birghton

Tryggvi vonast til að spila með gips

Maðurinn sem við........

...áttum að krækja í  í haust, Pape,  sökkti okkur, ekki var það nú gott. En það er engin ástæða til þess að fara samt á taugum útaf þessum úrslitum, en menn eiga náttúrulega að vinna svona leiki. Veit nú ekkert hvort einhverjir voru frá eða voru að hvíla í kvöld eða hver svo sem staðan er á því en það skiptir ekki öllu nú þurfa menn bara að klára restina af leikjunum í þessum blessaða riðli. 

Pape með tvö gegn Eyjamönnum

Á þorrablótin með þetta!!!!

Er það ekki bara málið að innleiða þetta á þorrablótum hér á landi á næsta ári. Þetta ætti nú að flokkast sem eitthvað sem næstum því er þjóðlegt!!! Menn virðast hafa innbyrt næstum allt af öllum mögulegum skepnum í gegnum  aldirnar á Íslandi - því ekki hrossasæði? Já því ekki?

Hrossasæði á matseðlinum

Stórleikurinn á morgun

Það verður líg of fjör á morgun þegar Stoke og Brighton mætast í bikarnum. Ekki það að ég reikni með sigri minna manna en ég ætla nú að leyfa mér að vonast til þess að þeir taki hraustlega á móti Stokemönnum. Þetta á að vera auðveld bráð fyrir Stokeliða en bikarinn er nú þekktur fyrir óvænt úrslit. Kannski það verði á morgun. En þessi leikur á morgun breytir því ekki að deildin er aðalmálið hjá Brighton mönnum nú sem áður. Liðið vermir efsta sætið sem stendur og það væri virkilega gaman að komast aftur upp, tala nú ekki um vegna þess að nýji völlurinn verður vígður í águst

Drogba byrjar en Torres og Luiz ekki með

Sanngjörn launahækkun

Það verð ég að segja að þetta er sanngjörn launahækkun - alveg spot on eins og maður segir!!!!! Nú bíður maður bara eftir því að aðrir fái launahækkanir í sömu hlutföllum. Held að fiskvinnslufólk, kennarar, prentarar, bakarar, ræstitæknar og aðrir hljóti bara að setja fram kröfur um eitthvað í svipuðum anda og þetta og fá það í gegn.  Athugið að þarna erum við bara að tala um álag. Launahækkanir hljóta svo að koma ofan á þetta.  Það held ég að maður svitni við gerð verðskrár fyrir prentsmiðjuna þegar þessar launa og álagshækkanir skella á......kemur sér að það verða fleiri í sama gír.

Hljóta að vera ánægðir með þessa niðurstöðu bræðslukarlarnir hérna niður frá þar sem smáaura hækkanir þeirra áttu að setja þjóðarbúið á hliðina.   ......maður veltir fyrir sér hvort þetta fólk kunni ekki að skammast sín?

Hér hlýtur brátt að verða alvöru bylting.

Dómarar fá 101.000 kr. launahækkun