Uppklapp á ekki við

þó svo að leikritinu sé lokið að sögn Þórs Saari.  Ef að fólk getur ekki klárað þetta verkefni þá þarf ekki að vera að klappa fyrir þessu fólki þegar tjaldið fellur.

„Leikritinu er lokið“

Sársaukalaust!

Ég er nú einn af þeim sem boðið hafa mig fram til stjórnlagaþings og alveg yrði það mér að sársaukalausu ef að menn vildu fresta þessu.

Það stendur ekki til hjá mér að fara að eyða miklum  peningum í mitt framboð, peningum sem að ég á ekki mikið af. Ekki vil ég heldur að aðrir fari að leggja mér lið með fjárframlögum svo mikið er víst. Í raun finnst mér það grátlegt að menn skuli ætla að leyfa fólki að eyða 2 milljónum í sitt framboð.

Auðvitað er þetta dýrt en það er kannski rétt að benda á að kostnaðurinn við stjórnlagaþing er nánast sá sami og eytt er í stjórnmálaflokkana á ári hverju. Stjórnlagaþing og þjóðfundur eiga jú að reyna að koma með hugmyndir af nýrri stjórnarskrá lýðveldisins. Á þessum tímapunkti í samfélaginu held ég að það væri kannski laga að fjórflokkurinn sem hér hefur skilið eftir sig sviðna jörð verði án ríkisstyrkja næstu 2 árin, allavega til að byrja með.

Hálfur milljarður í stjórnlagaþing

Hver verður tónninn nú?

Það er talað um niðurskurð á landsbyggðinni í heilbrigðisgeiranum, við Eyjamenn förum ekki varhluta af því. Svo er þarna farið fram á auka 350 milljónir til að halda Landeyjahöfn opinni. Mörgum kann að þykja vel í lagt og vel gert við okkur Eyjamenn varðandi þessa blessuðu höfn, sem ég á reyndar en eftir að fara um. Það verður gaman að heyra viðbrögð fólks við þessu með þennan aukna kostnað.

Einhverjir munu segja að þarna sé komin ástæða til að slá ekkert eða lítið sem ekkert af niðurskurðinum á sjúkrahúsinu. Þarna sé nánast verið að tryggja öruggar samgöngur við meginlandið

Aðrir munu segja að þetta komi þeim niðurskurði ekkert við þar sem þarna erum við að tala um þjóðveginn okkar allra - líka þeirra á fasta landinu, og þetta tengist því ekkert og alls ekki eigi að blanda saman heilsugæslumálum og vegagerðinni.

Einhverjir munu svo fagna þessum peningum í höfnina og vilja fá meira.

Ég! Ég fanga því sem vel er gert en öðru ekki.

350 milljónir í Landeyjahöfn

...og Gísli Hjartarson

Ég mun verða í framboði þarna líka, enda búinn að skila öllum gögnum inn vadkvæðalaust, ja enma að pósturinn ahfi týnt gögnum sem að ég póstlagði um daginn.

Ég mun nota þetta blogg mitt hér til að fjalla um mín hugðarefni og vonast eftir líflegri umræðu, endilega að fá sem flest sjónarmið. Þó ég sé í framboði þá verð ég nú að hlusta eftir því sem fólk hefur fram að færa - annað væri hræsni - og eflaust mun ég læra eitthvað og eflast á því.

svo er ég með síðu á Andlitsbókinni líka hér er linkur á hana

og........

Það að hafa tækifæri til þess að bjóða sig fram til þátttöku við að móta nýja stjórnarskrá lýðveldisins er mikil áskorun. Ég ákvað að bjóða mig fram til þess verkefnis, og vonast til að ná kjöri. Nái ég kjöri mun ég mæta til leiks af opnum hug og vinna af heilindum og einset mér um leið að standa undir því trausti sem mér væri sýnt. Ég vil leggja mitt af mörkum til þess að stjórnarskráin verði stjórnarskrá fólksins, stjórnarskrá þar sem einstaklingsfrelsi og mannréttindi séu tryggð. Sett séu skýrari mörk á vald og ábyrgð stjórnvalda.. Ég vil jafnframt að hún feli í sér virkara og beinna lýðræði og tryggi að m.a. eignarhald auðlinda liggi hjá þjóðinni.

Margir vilja á stjórnlagaþing

Komnir til að vera

Það er ég hræddur um að Eyjamenn hafi komið sér á toppinn og ekki standi til að hverfa þaðan á næstunni. Stefnana er sett upp og allt fyrir neðan annað sætið yrðu vonbrigði svo mikið er víst. Skiptir ekki máli þó að það sé að koma þarna inn nokkrir ungir piltar UPP SKAL FARIÐ!

Eyjamenn tylltu sér á toppinn

Var þetta nú nauðsynlegt?

Gaman að sjá að Stjáni Ara er brattur með gott gengi, og engin ástæða til annars. En var nauðsynlegt af blaðamanni að setja þetta?

Ekki náðist í Sebastian Alexandersson þjálfara Selfoss né leikmenn þrátt fyrir ítrekaðar tilraunir.

 Þekkja menn ekki Sebastian en þann dag í dag? Hann sem er búinn að vera í bransanum í langan, langan tíma. Hann hefur bara verið svekktur og verið að þruma yfir sínum mönnum og þá er ekki leyfilegt að hafa kveikt á símum

Kristján Arason: Hefði verið ánægður með sex stig fyrir mót

Mikill heiður

Það er ekki á hverjum degi sem mönnum er boðið að æfa með stórliði eins og Bayern Munchen. Jón Guðni sem svo sannarlega hefur verið ein helsta driffjöður Framliðsins síðustu tímabil og jafnframt því einn allra besti leikmaður Pepsi-deildarinnar er svo sannarlega vel að þessu tækifæri kominn. Það verður forvitnilegt að fylgjast með því hvað gerist hjá kappanum núna á næstu vikum. Kannski stígur hann skrefið inn í heim atvinnumannsins. En svo er þetta alltaf spurning hvort að menn eiga að fara til stórra liða eða einhverra minni þegar menn eru að fara út í atvinnumennskuna. Hún snýst jú öll um að fá tækifæri og því hefur reynst mörgum leikmanninum vel að byrja að eins neðar og sanna sig, en það er alls ekki algild regla. Vona bara að pilti vegni sem allra best.

Jóni Guðna boðið til Bayern München

Nú er um að gera að grípa tækifærið!!!

Nú þarf maður að setja sig í sambandi við Ómar Smárason hjá KSÍ. Á nefnilega í fórum mínum keppnistreyju frá síðasta landsleiknum sem Platini lék, sem var einmitt gegn Íslendingum á sínum tíma. Kannski mál að fá hana áritaða.

Platini á leið til Íslands

Nákvæmlega það sem ég sagði

.........fyrir nokkrum dögum síðan. Sjá hér:

 

Björgólfur Takefusa til Víkings

Beinir í baki

Hingað hafa núna komið tveir Liverpool menn síðan þessi frétt birtist og nú ganga menn allt í einu beinir í baki. Þykjast sjá fram á bjartari tíma og jafnvel árangur inni á vellinum innan nokkurra ára. Já það er létt fyrir þessum Liverpool strákum, best skella sér einn rúnt í hádeginu og sjá hvort maður rekst ekki á einhverja púllara og sjá hversu glaðir þeir eru.

Dómstóll heimilar sölu á Liverpool

Einu númeri of stórir

Það var klárt í þessum leik að Portúgalska liðið er allavega einu númeri og stórt fyrir það íslenska. Okkar menn áttu ekki mikla möguleika þrátt fyrir hetjulega baráttu. 3 leikir og ekkert stig er ekki gott en engu að síður blákaldur veruleikinn. En það er svo sem ekkert ný saga að okkur gangi ekkert svakalega vel í þessum riðlakeppnum og hin síðari ár er það frekar orðið normið að við komumst hvorki lönd né strönd með eins og kannski einni undantekningu. Við verðum að lifa í þeirri von að U-21 liðið okkar sem komst svo eftirminnilega í úrslitakeppnina sem er á næsta ári í gærkvöldi veki ekki hjá okkur einhverjar falsvonir, heldur lyfti okkur nær því að komast kannski í topp 50 á heimslistanum á næstu árum, það væri óskandi.

En við gátum svo sem ekki reiknað með miklu gegn sterku liði Portúgala í kvöld, þó svo að Óli Jóh. hafi sagt eftir leikinn í Köben um daginn að hann ætlaði sér sigur gegn Ronaldo og félögum. Við virðum viljann fyrir verkið því að það var einfaldlega of stórt.

Portúgal hafði betur í Laugardalnum

Ég sem hélt.....

...að pilturinn ætlaði að koma í ÍBV? Jæja það kemur þá bara einhver annar!!!

Guðjón Pétur til liðs við Val

Bjarnargreiði

Maður veltir því fyrir sér hvernig þarna var ráðið. Þar sem um tímabundna ráðningu er að ræða. Réð Jón hann sjálfur eða er hann með einhvern hóp/aðila á sínum snærum sem sér um þessi mál. Pínu lykt af þessu máli finnst ykkur ekki.  Allar þessar endalausu tímabundu ráðningar hjá ríkisstjórnargenginu pirra mig, virkar klíkukennt og oft svona ófagmannleur stimpill á þessu.

 

Bjarni ráðinn upplýsingafulltrúi