Persónulegt?

Allir á tánum út um allt, allir við það að fara á taugum. Allt orðið persónulegt og ég veit ekki hvað.

Skil þetta fár bara ekki, ég er reyndar á því að fleiri hefðu átt að fara fyrir Landsdóm. Þar mun það svo bara koma í ljós hvort hann verði dæmdur eða ekki. Verði menn ekki dæmdir þá ganga þeir bara beinir í baki frá borði svo einfalt er það. Verði menn dæmdir þá verður maður að ætla sem svo að menn hafi gert eitthvað rangt.  Þetta á allt eftir að koma í ljós en allir eru nú þegar á taugum. Ef skip strandar þá er það skipstjórinn sem svarar fyrir það hvað fór úrskeiðis. Hann ber ábyrgð í brúnni svo einfalt er það.

En er  svo sem alveg sammála því að það var nú óþarfi hjá Ögmundi að vera að gjamma þetta þarna.

„Gátum ekki setið undir þessu“

Voðalega......

....er Jóhanna eitthvað föl á þessari mynd!!!!

Hún hlýtur þá að ætlast til þess að þau komi til Eyja!!!!

Jóhanna býður Obama til Íslands

Stefnir ekki í ...það verða

Landinn að vakna. Alþingi með allt niður um sig. Svo er líka spurning hvort ekki þurfi að mótmæla og berja á bönkunum og þeirra aðför að samfélaginu. En það virðist nú verða ljósara með hverjum deginum að þar ráða ekki alltaf ferðinni viðskiptahagsmunir bankans heldur einhver einkavinavæðing sem menn þykjast vera að fara leynt með. Það er svo margt sem betur má fara og maður sem hélt að samféalgið yrði kannski manneskjulegra í kjölfar hrunsins nei síður en svo, hér fer allt í þveröfuga átt. ....ekki er ég hissa þó að það verði mótmæli.

 

Stefnir í fjöldamótmæli

Æ æ var að vona

Sumir skilja ekki þó skelli í tönnum. Nokkrum augnablikum eftir að samflokksmenn hans og aðrir hrunverjar björguðu honum á lævísan hátt frá Landsdómi snýr  Björgvin aftur eins og ekkert hafi í skorist. Hefur engin bent honum á að þetta er bara ekki í lagi - eða er ég einn um að finnast þetta?

Ég hélt að hann hefði séð ljósið á sínum tíma þegar hann álpaðist til að segja af sér eftir hrunið sem gerðist á hans vakt og er en að þjaka fjölda heimila og fyrirtækja í landinu. En því fór fjarri. Hann skellti í skál og hlaut fáránlegan stuðning í prófkjöri Samfylkingarinnar í Suðurkjördæmi þar sem menn flokkuðu sig upp í að vernda sæti fyrir hvern annan.

Mikið finnst mér grátlegt að hann skuli vera að snúa aftur í þingsali.  Hann heldur náttúrulega að allt sé í góðu og hann verði skemmtilegi strákurinn í sandkassanum fyrst hann var skorinn úr snörunni!!!

Björgvin kemur aftur inn á þing

Æ æ var að vona....

Sumir skilja ekki þó skelli í tönnum. Nokkrum augnablikum eftir að samflokksmenn hans og aðrir hrunverjar björguðu honum á lævísan hátt frá Landsdómi snýr  Björgvin aftur eins og ekkert hafi í skorist. Hefur engin bent honum á að þetta er bara ekki í lagi - eða er ég einn um að finnast þetta?

Ég hélt að hann hefði séð ljósið á sínum tíma þegar hann álpaðist til að segja af sér eftir hrunið sem gerðist á hans vakt og er en að þjaka fjölda heimila og fyrirtækja í landinu. En því fór fjarri. Hann skellti í skál og hlaut fáránlegan stuðning í prófkjöri Samfylkingarinnar í Suðurkjördæmi þar sem menn flokkuðu sig upp í að vernda sæti fyrir hvern annan.

Mikið finnst mér grátlegt að hann skuli vera að snúa aftur í þingsali.  Hann heldur náttúrulega að allt sé í góðu og hann verði skemmtilegi strákurinn í sandkassanum fyrst hann var skorinn úr snörunni!!!

Endalaus tækifæri...

Ekki var ólöf svona áköf í að vilja boða til kosninga síðast var það?

Þetta hörmungarástand er náttúrulega bara að byrja núna er það ekki?  Málið er bara það að það hefur ekkert breyst hér á landi. Nokk sama hver fer með ferðina. Enda augljós tilgangur flestra í pólitík að mylja undir sig og sína og eins og það sé ekki nóg þá skilst manni að skilanefndir bankanna séu komnar í sama leikinn. Það er verið að afskrifa og mylja undir ákveðinn hóp fólks til að halda áfram skrípaleiknum sem hér var fyrir hrun. persónur og leikendur verða flestir hinir sömu, og ætli niðurstaðan verði ekki bara líka sú sama og síðast - algjört hrun.

Ég auglýsi eftir einhverri þjóð til að taka okkur í fóstur, svei mér þá ef ég er ekki sífellt að verða sannfærðari um það en áður. Við virðumst vera ófær um að taka til hjá okkur sjálf.

Málið snýst ekki um að kjósa og kjósa málið snýst um að þetta fólk sem situr á Alþingi kasti frá sér skóflunni og fötunni og fari að vinna fyrir þjóðina í heild sinni.

Vill boða til kosninga strax

Þið segið nokkuð

3 ár í viðbót hjá Bjarna Jójó í Garðabænum. Það þykir mér vel í lagt. Bjarni hefur náð góðum árangri víða, gert fína hluti. Það hefur hann einnig gert hjá Stjörnumönnum því verður ekki neitað. En að sami þjálfarinn verði 6 ár hjá sama liðinu og það á Íslandi, hélt ég að væri liðin tíð. Vona bara að félaganum haldi áfram að vegna ágætlega og kannski sjáum við hann landa fyrsta stóra titlinum hjá Stjörnunni í meistaraflokki karla í fótbolta, hver veit.  Þetta slær líka þær sögur útaf borðinu sem sögðu að hann væri á leiðinni frá félaginu en þær sögur grasseruðu undir lok móts.

Bjarni samdi til þriggja ára

Ánægður....

...með Bjarna Ben þarna. Það er af þessu eins og svo mörgu öðru pólitísk skítalykt.  Allir eða engin hefði verið nær. Finnst líka með hreinum og klárum ólíkindum að menn eins og Björgvin G skuli sleppa þarna. Maður sem greinilega svaf á vaktinni öllum stundum og rúmlega það - engan veginn hæfur til starfa á þingi, og sný vonandi ekki aftur. Ingibjörg Sólrún hvað með hana ef Geir  skal fara fyrir landsdóm? Hún sem vildi vera með puttana ofan í öllu en núna kannast hún ekki vð neitt og samflokksmenn hennar flykkjast á bak við hana, enda þar margir krakkar sem hún dró á flot í fylkingunni.  Sama á við um Árna Matt. Af hverju sleppur hann en Geir ekki?

Allir eða engin segi ég finnst grátlegt að hinir þrír skuli hafa sloppið. Að vísa aðeins máli Geirs Haarde fyrir Landsdóm er rugl. En svo getur náttúrulega vel farið að þar verði karlinn bara sýknaður og stendur þá bara beinni í baki á eftir.

Pólitískur sandkassaleikur en það er í því eins og svo mörgu öðru þar eru Íslendingar einstakir, og því bíð ég en eftir að við verðum teknir í fóstur af einhverri þjóð.

 

Pólitísk fingraför á málinu

Hver tekur við A-landsliðinu?

Verð bara að segja það að þarna stend ég með stjórn KSÍ. Það er mikilvægt að við gerum okkar ýtrasta til þess að komast í þessa lokakeppni, við erum við þröskuldinn og ekki víst að við verðum það aftur á næstunni.  Auðvitað er þetta svekkjandi við Óla en er ekki alltaf verið að tala um hvað við eigum mikið af góðum leikmönnum? Notum þá bara eldri leikmenn gegn Portúgölum, og í þeirra hópi eru kannski leikmenn sem gætu nýst okkur í framhaldinu, ekki gleyma því. Því má heldur ekki gleyma að þetta U-21 lið er framtíðin og því ekki úr vegi að spila þarna með sitt sterkasta lið. Ef Ólafur verður en í þjálfaraúlpunni þegar skotaleikjunum er lokið getur hann valið úr þessum hópi, já eða bara valið þennan hóp til að leika með A-landsliðinu og horft til framtíðar!!

ÉG styð stjórn KSÍ, geri það nú ekki alltaf,  í því að við reynum til hins ýtrasta að komast yfir þennan þröskuld svo landinn geti farið í fótboltafrí til Danmerkur næsta sumar!!!!

Geir: Stjórn KSÍ ákvað að veita U21 ára liðinu forgang - Ólafur ósáttur

Láttu okkur þekkja þetta...

.....en á ný felur KSÍ sig á bak við heimatilbúið regluverk og ætlar sér að þröngva hinu og þessu upp á liðin.  Stend með Ólsurum þarna. Ef sveitarfélagið hefur til þess fjárráð þá mun það örugglega gera sitt besta en að setja svona kröfur til þess að liðið fái að spila í deildinni er ólíðandi.

Ef Ólsarar standa sig svo vel á næsta ári og fara upp þá verður þeim jafnvel meinað að spila í efstu deild! Hverslags rugl er það. Við Eyjamenn búnir að standa í stappi vel og lengi ávallt verið að heimta stærri stúku og þak yfir hana, allavega yfir helming af henni og ég veit ekki hvð. Svo horfir maður á leiki frá Seria A á Ítalíu og efstu deild á Spáni og þar eru leikvangar þar sem að jafnvel bara 15% af áhorfendastæðunum er með þaki yfir.

Ég er sammála mörgu í Leyfiskerfi KSÍ eins og varðandi eftirlit með fjármálum og t.d. menntun þjálfara og uppeldisstarfið enda eru það hlutir sem félagið getur sjálft stjórnað. En þegar kemur að því að settar eru kvaðir á viðkomandi sveitarfélag þá eru menn að missa sig.

En ég veit nú samt að þeir í Laugardalnum munu nú leysa þetta í samfloti við Ólsara þegar á reynir og Víkingar frá Ólafsvík munu svo standa sig með prýði í deildinni á næsta ári.

Bæjarstjóri Snæfellsbæjar ósáttur við KSÍ

Vel valið hjá Jolla

Það verður að tjalda því besta sem völ er á í þessa leiki gegn Skotum. Við vinnum þá það er ég viss um. Ef við vinnum fyrri leikinn sannfærandi, 3 til 4 núll, þá geta einhverjir af þessum strákum jafnvel fengið að sprikla gegn Portúgölum í vikunni á eftir, en eins og þeir sem fylgst hafa með upp á síðkastið vita virðist portúgalska liðið hvorki vera fugl né fiskur, né nokkuð þar á milli. Því gæti liðið orðið íslenska drekanum auðveld bráð.

Þetta eru gríðarlega mikilvægir leikir gegn Skotum, fyrir mér að mörgu leyti mun mikilvægari en leikurinn við Portúgali. Góð úrslit eru nauðsyn og því má ekki slá slöku við.

Áfram Ísland

Sjö úr A-landsliðinu valdir í U21 árs liðið

Vestmannaeyjabær....

....getur kannski lagt í púkkið eins og hann ætlaði að taka þátt í kostnaði við 4 ferðina fyir vetrartímann - hver veit.

Nýtt sanddælusskip nauðsynlegt

Andskotans

Svakalega er þetta skrýtin tilfinning. En samt ekki slæm tilfinning. Það er þá greinilega ekkert slæmt að vera sama sinnis og einhver meirihluti. Ég og meirihlutinn í þessari könnun sammála - hversu marktæk svo sem þessi könnun eða aðrar eru hjá þessum blessuðu miðlum. Ætli Mogginn minn komi ekki með könnun innan 5 daga sem sýnir fram á þver öfuga niðurstöðu!!!!!

Það svo sem breytir ekki öllu en ég vil klára þessar aðildarviðræður sama hvað aðrir vilja svo sem gera.

Meirihluti vill ljúka viðræðum