Ekki langt liðið á en.......

Staðan er skemmtileg og greinilegt að Gus Poyet er að gera fína hluti:

1	Brighton	8	6	17
2	Peterborough	8	7	16
3	Bournemouth	8	10	14
4	Huddersfield	8	5	14
5	Colchester	8	4	14
6	Rochdale	8	4	13
7	Carlisle	8	4	13
8	Exeter	8	1	13
9	MK Dons	8	-1	13
10	Oldham	8	1	12
11	Charlton	8	1	12
12	Swindon	8	1	12
13	Bristol R	8	-2	12
14	Sheff Wed	8	4	10
15	Notts County	8	-2	10
16	Hartlepool	8	-4	9
17	Plymouth	8	-4	9
18	Southampton	8	-1	8
19	Leyton Orient	8	-3	7
20	Yeovil	8	-8	7
21	Walsall	8	-4	6
22	Brentford	8	-5	6
23	Dag & Red	8	-7	6
24	Tranmere	8	-7	6

 

...þar sem frá var horfið!

Þar er klárt samkvæmt þessu að mínir menn í körfunni byrja veturinn þar sem frá var horfið síðasta vor. Fyrstu dollu vetrarins landað nú þegar. Gott að svo er. Vonandi verður áframhald á í vetur.

Áfram Snæfell

Snæfell lagði KR í úrslitum Lengjubikarsins

Þjóðin búin að ákveða sig?

Erfitt hefur verið að fá þingmenn til að koma sér á áfrangastað í þessu máli og klára málið með atkvæðagreiðslu. Hvað veldur er ekki gott að segja. Vinskapur, hræsðla við afleiðingar, önnur sýn á lífið eða eitthvað annað. EKki ætla ég að dæma þingmenn í þessu máli þeir eiga þetta við sína samvisku.

En meirihluti þjóðarinnar virðist samkvæmt þessari könnun vera með á hreinu hvað hann vill að verði gert. Kannski er það af því að þeir þurfa ekki að greiða atkvæði á þingi heldur geta slegið frá sér úr sófanum heima!!!

Það breytir því ekki að Alþingi þarf að fara að ganga til atkvæða í þessu máli.

Meirihluti vill ákæra ráðherra

Skemmtileg úrslit!

Arsenal tapar, Chelsea tapar, Tottenham tapar, Liverpool jafntefli, Manchester United jafntefli, Blackpool tapar en Man City vinnur, ekki það að ég sé City aðdáandi en þeir unnu Chelsea fyrstir allra í deildarkeppninni þetta tímabilið já og nálguðust í leiðinni toppinn..

Það eru svona  úrslit sem gleðja mann, allt í einum hnút og megi það vera svo áfram.

....Brighton vann Oldham Athletic 2-1 og það var fyrir mestu þessa helgina!!!

Owen tryggði United jafntefli gegn Bolton

Í þá gömlu góðu.....

Þeir sem eru eldri en tvæ betra muna nú eftir sumrunum þegar heilu hljómsveitirnar gerðu út ´a þennan markað. Hópferðir héðan og þaðan á hina og þessa sveitaballstaðina. Þetta voru skemmtilegir tímar sem að ég er ekkert svo viss um að komi aftur. En hver veit

Kannski að menn séu þarna komnir með nýja staði fyrir svona dansleiki þ.e.a.s. hinar og þessar reiðhallir og böllin verði því mun stærri í sniðum en áður var. En þá verður þetta kannski líkara tónleikum en dansiballi!!

Ég ætla ekki að fara að rifja hér upp sögur af svona dansleikjum. Sumar eru bara alls ekki birtingarhæfar og svo er minnið að stríða manni með aðrar og ljótt að fara með eitthvað í loftið sem ekki er alveg skothellt!!!!!

Þúsundir á sveitaballi

Dapur endir á góðu móti

Það er ekki hægt að segja annað en að árangur ÍBV í sumar í deildinni sé góður. Sigur á síðasta degi og við hefðum orðið meistarar en svo var ekki og liðið endar í þriðja sæti. Fyrir mótið var ég að gæla við að við myndum auka stöðugleikan frá í fyrra og enda í 6-8 sæti þannig að ég get ekki verið annað en vel  sáttur. Vissulega er pínu svekkelsi með úrslitin í dag en svona er þetta.

Þakka leikmönnum, Heimi þjálfara og knattspyrnuráðinu fyrir góða skemmtun í sumar. Nú er bara að byrja að púsla saman fyrir sumarið 2011. Deild, bikar .......og já Evrópukeppni. Stefnir í að það gæti orðið skemmtilegt sumar.

Áfram ÍBV alltaf allsstaðar

Keflavík gerði út um vonir Eyjamanna

Til hamingju Blikar

Vel að þessu komnir Blikar. Búnir að spila vel þetta tímabil í deildinni og eiga þetta fyllilega skilið. Þeir hafa verið við toppinn nánast frá því að blásið var til leiks fyrir 22 umferðum síðan. Mínir menn áttu auðvitað séns þangað til i dag að verða meistarar en það gekk ekki eftir. Það verður ekki til að deyfa sársaukan að heyra að sigur ídag hefði fært dolluna til Eyja.

En til hamingju Blikar, alltaf gaman þegar félag tryggir sér titilinn í fyrsta sinn. Ekki mörg ár síðan FH vann dolluna í fyrsta sinn, ætli Blikar feti í fótspor þeirra?

Breiðablik er Íslandsmeistari

Þá er það samviskan?

Jæja þá er þetta komið í sinn farveg eins og við var að vúast. Ég held að það sé engin launung að þessi nefnd hefur unnið mikið og þarft starf og er ekki að skil aþví illa frá sér. Það er mitt álit.

„Við tökum undir og segjum að mistök hafi verið gerð á ýmsum sviðum í hagstjórnarferlinu. Við tölum undir að þetta er áfellisdómur yfir stjórnsýslu og formfestu og verklagi. Við erum að stórum hluta sammála, þingmenn þessarar nefndar, um það sem við getum getum dregið lærdóm af og betrumbætt. Við erum að stærstum hluta sammála um það sem miður fór og hvernig við eigum að draga af því lærdóm en það skilur á milli þegar kemur að því hvort brot ráðherra séu refsiverð með þeim hætti að saknæmisskilyrði séu uppfyllt," sagði Ragnheiður.  

Sem sagt allir sammála um flest allt, ekki alltaf sem það gerist en greinilegt að nefndarfólk er sammála þvert á flokkslínur þó svo að ekki sé samstaða um allt. Það er ekki óeðlilegt.

Ég personulega sé ekki ástæðu til þess að dæma þetta fólk endilega í fangelsi. Það þarf að ávíta þetta fólk fyrir afglöp í starfi. Svo sem hægt að segja það sama sem á undan þessum fjórum komu en það fólk er ekki til umræðu hér. Sýna fram á að ekki verði leyft að fólk sofi svona á verðinum og geymi bara upplýsingar fyrir heildina undir sínum kodda, já eða hundsi þær.

Nú er bara að klára þetta mál á þriðjudag.  ......og halda svo áfram með önnur mál  - þjóðinni blæðir enn og það þarf að taka til hendinni.

Ekki tillaga um breytingar

Traust að vera í sama liðinu?

Bera ekki traust til ríkisstjórnarinnar - það má vel vera. EN einn af stóru göllunum í þessu öllu er að forkálfar ASÍ, Samtaka atvinnulífsins og ríkisstjórnarinnar breiða allir yfir sig sömu sængina þegar farið er að sofa á kvöldin. Það er orðin altof mikil samtenging á milli þessara aðila. Mikið af forkálfum ASÍ og atvinnulífsins eru búnir að tæta í sameingingu hundruði milljarða úr lífeyrissjóðum landsmanna og sturta þeim niður og virðast ekkert hafa lært af því því en eru þeir í þessum leik. Nú síðast þegar menn keyptu Vista. Þetta verður ekki í lagi fyrr en búið er að hreinsa til í öllum þessum stjórnum,

Sjá bara eina og illfæra leið

Hvenær hefjast aftökurnar?

Ég velti en fyrir mér hvenær aftökurnar á embættismönnum, bankamönnum og öðrum er mögulega tengjast því að gengistryggðu lánin fóru á flot hefjist. Hvenær verða þeir sem ekki stóðu sig betur ívinnunni en svo að hér viðgengust ólögleg lán í mörg ár látnir sæta ábyrgð? Fylgir kannski engin ábyrgð störfum hjá ríki og bönkum?

Vel rekin fyrirtæki falla einnig

Sjónvarpsrétturinn!

Ég bara velti því fyrir mér hvar þetta verður sýnt? Leikir Íslenska liðsins hljóta að vera sýndir í beinni svo við á landsbyggðinni getum notið þess að horfa á þetta í þægilegum sófa heima við.

Ísland á heimavelli á EM í futsal

Maður verður hugsi......

....og sífellt meira hugsi. Er maður á röngum stað á jarðskorpunni?

Viðtalið við konuna í Kastljósi í gær og sagan sem hún sagði fékk mig til þess að halda að megnið af hyskinu vinni hjá bönkunum - saga hennar var með ólíkindum.

Staðan er skelfileg, eins og við höfum vitað lengi. Sumir fóru óvarlega aðrir ekki en það ótrúlega er að þeir sem fremstir fóru og tóku stöðu gegn þjóðinni labba en um á lakkskónum eins og ekkert hafi í skorist. Í bönkunum er  í dag jafnvel sama fólkið að berja á fólkinu sem að það plataði lánin inná. Nú er það ekki sleikjugangurinn og skýjaborgirnar sem talað er um heldur helvíti og þeir er þar eru sagðir búa og svo framvegis. Ekki hefði ég sómatilfinningu í að vinna svona vinnu - svei mér þá.

Svo er níðst á litlum fyrirtækjum, bankarnir jafnvel búnir að vera að reka stór fyrirtæki í samkeppni við þau. En eigendur litlu fyrirtækjanna reyna að sleppa við höggin frá bönkunum en gengur misjafnlega. Á sama tíma eru afskrifaðir jafnvel 50 milljarðar hjá sumum heyrir maður og þeir stjórna en sínu.  Hefur einhver af þessu fólki heyrt talað um réttlæti? Get ekki sagt að mér sé kannski illa við allt þetta fólk en hvar er sóma tilfinningin? Hvar er sanngirnin? Hvar er heiðarleikinn? Hvar er samviskan?

Baráttu kveðjur til þeirra er eiga erfitt vegna þessara mála.

Hugsið ykkur staðan er svona og þingheimur getur ekki einu sinni ákveðið hvort þau geti greitt atkvæði um það hvort einhver hafi brugðist í aðdraganda hrunsins, það þarf ekki endilega að fangelsa heldur ávíta fólk sem ekki var á tánum. Þingmenn geta sagt já eða nei eftir eigin sannfæringu en þora því ekki, reyna að svæfa málið.

Fjöldi heimila á uppboð

Guð blessi Ísland!

Hvað er þetta með þetta lið þana á Alþingi? Það þorir ekki að greiða atkvæði um mál af því að það er hrætt um að vinna ekki atkvæðagreiðsluna og nú verða allar aðgerðir og aðgerðaleysi sett undir þennan hatt og væntanlega þingmannanefndir skipaðar um hverja færsluna á fætur annarri.

Veit formaður Sjálfstæðisflokksins en að þjóðin stendur en á braðfótum eftir afrek undangenginna ára. Og gerði það væntanlega en þó svo að hann færi með ferðina.

Miklu frekar vildi ég fá að heyra mat hans á t.d. sögunni sem konan sagði í Kastljósi í gær. Hvað honum finnst um afskriftir til handa stórum aðilum sem samt eiga að halda sínu og svo framvegisþ

Menn eiga bara að drífa í að greiða atkvæði í þessu blessaða máli varðandi þessa 4 ráðherra. Niðurstaðan kemur svo bara í ljós og þá tekur við eitthvað annað ferli sama hvort sekt eða sakleysi verða niðurstaðan.

Það er held ég kominn tími á: Guið blessi Ísland á ný - því ekkert hefur breyst. Ætli maður geti orðað þetta sem svo: Guð opnaðu hlerann!!!

„Alvarleiki draup af andlitum“