Dulin mótmæli?

Getur verið að Kristinn sé þarna meðal annars að mótmæla framkomu KR í liðinni vegna ummæla gagn vart Erlendi dómara sem settur var á leik Eyjamanna gegn KR? Jú jú orðavalið er varkárt og látið líta út fyrir að hann vilji vera óháður liðum í efstu deild.

Eigum við sem sagt að trúa því að nú sé hann búinn að klippa á öll tengsl og beri þangað engar taugar? Er það líklegt? Finnst ykkur það?

Ef ég á að svara þessu fyrir mig þá sé ég ekkert því til fyrirstöðu að hann dæmi leiki hjá KR strax frá byrjun næsta tímabils. Heiðarlegur maður Kristinn og fær dómari og ekki þekktur fyrir að láta spila með sig og því fagna ég þessum félagsskiptum hans.  EN veit einhver hvert félagsskiptagjaldið var?

Kristinn hættur að dæma fyrir KR

Hið besta mál!

Þá er bara að vinda sér í að dæla á fullu. Auðvitað tekur þetta tíma. Hef ekki áhyggjur af því. Málið er að menn þurfa að vera meira á tánum á dýkunarvaktinni við höfnina svo einfallt er það. Það vissu allir að það þyrfti að vera á tánum við dælingar í og við höfnina menn voru bara ekki með á hreinu hversu mikið menn yrðu að vera á tánum - þetta er allt í þróun. Kannski að Herjólfur verði kominn á milli hafnargarðanna þarna á miðviku eða fimmtudag.

Frábært að heyra menn missa sig yfir að þetta sé klúður og ég veit ekki hvað. Gera menn sér grein fyrir því að það hafa farið þarna í gegn 70 þúsund manns á 8 vikum - ef það nær því. Höfnin er á einhverja 5 milljarða. um hana hafa farið 70 þúsund manns á þessum tíma. Í reykjavík er verið að byggja tónleikahús fyrir 25 milljarða, hvað ætli það verði liðinn mörg ár þegar aðsóknin þar verður kominn í 70 þúsund tónleikagesti? Við erum að tala um að ef að menn leggja sig fram viða ð halda þessari höfn opinni þá fara kannski um hana 200 þúsund manns á ári, segjum að meðaltali um 550 manns á dag. Innkoman af því ætti að duga til að halda þessu batteríi gangandi. Það má ekki gleyma að fólk borgar til að fara þennan þjóðveg.

Algjört lágmark að gefa þessu 2 ár - missum okkur ekki strax í upphrópunum og væli.

Skal alveg viðurkenna að 5 milljarðar eru ekki hirtir upp úr götunni en í samanburði við það að maður heyrir af því að það sé verið að afskrifa hjá fólki tugi milljarða þá er þetta dropi í hafið - jafnvel í orðsins fyllstu merkingu, en við skulum vona ekki.

„Verra en við bjuggumst við“

Frábært! hreint út sagt

Snilld!!! Þegar nefndin hefur lokið störfum kemur í ljós að eftir standa fleiri spurningar en svör - er þetta ekki svona týpískt hjá svona þingnefnd?  Helst ekki taka á neinu bara benda upp í loftið eða á einhvern annan. ....svo heldur þetta lið bara áfram að rembast eins og rjúpan við steininn og strúturinn með hausinn í sandinum. 

-Þessi þjóð er full af snillingum, flestum sjálfskipuðum.

Ekki samstaða í nefndinni

Hetjur, skúrkar og tannrótarbólga

Allt undir á morgun - hvorki meira né minna - eins og það hefur reyndar verið áður í sumar. Nú koma sebrahestarnir úr Frostaskjólinu til Eyja. Alltaf gaman þegar þeir koma á beit á iðagrænum Hásteinsvellinum, Kári Þorleifs vallarvörður samt ekki alltaf sáttur við það! Í mínum huga eru þeir besta liðið sem hefur komið í heimsókn í sumar, í bikarnum, og því verður gaman að sjá hvernig þetta fer á morgun. Við hljótum að blása til sóknar því allt annað en sigur er tap!!!! KR-ingar hljóta að sækja líka eins og brjálaðir menn, verða vonandi búnir að gleyma tuðinu út í dómarann sem þeir hafa verið að blása út síðustu daga. Tap hjá þeim og þeir eru úr leik, en sigur og þeir halda í vonina. Vona að veðrið verði ákjósanlegt. Synd að Landeyjahöfn er ekki í notkun því mann var fariðað hlakka til að fá hingað fullt af ferskum KR-ingum

Hvað er þetta sem stendur svona þarna neðanmáls í greininni: Þetta og fleira í fjögurra síðna íþróttablaði Moggans - Hvað er í gangi? eru menn dottnir niður í aðeins fjögurra síðna íþróttablað? Ég er ekki hissa þó að þessi blöð standi illa ef menn draga úr því efni sem hvað mest er lesið - klaufar.

Þarf svo að reyna að muna að panta tíma hjá tannlækninum á mánudaginn!

Áfram ÍBV alltaf allsstaðar og um alla eilífð

 

„Við getum komist í dýrlega stöðu“

Á ekki að bjóða verkið út?

Það hefðum við í prentsmiðjunni viljað fá tækifæri til að prenta þessa blessuðu skýrslu sem þarna stendur til að koma í verk. EN það er svo sem ekki við því ða búast að leitað verði til okkar með þetta.

Vona bara að það verði eitthvað vitrænt í blessaðri skýrslunni. Ekki bara að það verði verið að moka yfir einhvern skít til að hyggla vinum.

Skýrslan prentuð í nótt

Örugg 3 stig

Landsliðsþjálfari vor var uppfullur af því að Norðmenn væru sko ekkert betri en við í fótbolta. Þeir mættu með það sem margir þeirra kalla sitt lélegasta lið í langan tíma og unnu okkur.  Landsliðsþjálfari vor var uppfullur af því hversu frábært lið Danir væru með, einfaldlega rangt það er langt síðan þeir hafa verið eins slakir og nú og þeir eru að ganga í gegnum ákveðna endurnýjun og tækifærið var okkar, en við töpuðum. Það var hreinlega hraunað yfir liðið þeirra í spjalli manna á milli og á vefnum og fólk segir að þeir þurfi að spýta í lófana ef að þeir ætli sér eitthvað, reyndar vantaði nú ákeðna leikmenn í leiknum gegn okkur.

Ég er ekkert að velta mér upp úr því hér hvort sigrar Norðmanna og Dana voru sanngjarnir eða ekki. Þessi lið fengu öll stigin í leikjunum og það er það sem fólk man eftir.

En landsliðsþjálfari vor sagðist eftir Dana leikinn ætla sér að krækja í 3 stig gegn Portúgölum, sem verða með nýjan þjálfara. Ég vona svo innilega að karlinn hafi rétt fyrir sér og við nælum í 3 stig. Prtúgalir eiga það nefnilega sammerkt með hinum tveimur þjóðunum sem við höfum þegar keppt við í okkar riðli að þeir eru í lægð og hafa einfaldlega ekki komist í gír í langan tíma - það verðum við að reyna að nýta okkur

Miðasala hafin á leik Íslands og Portúgals

Betra gat það vart orðið

Svei mér þá held að þetta hefði vart geta orðið betra. Skotar eru klaufaleg knattspyrnuþjóð, mun meiri klaufar en við fram eftir aldri og því er þarna got tækifæri. Vona að strákarnir nái að nýta það. Nú eiga menn ekki að sýna neitt hik heldur mæta með sitt sterkasta lið í þessa leiki.

Nú getur landinn farið að skipuleggja sumarfrí í Danmörku næsta sumar með það í huga að eyða því á stórmóti í fótbolta. Hentar líka vel fyrir tónlistaráhugamenn því ég held að Hróarskelduhátíðin sé þarna við lok mótsins!! - er reyndar ekki búin að kynna mér það en sýnist tímasetnignin nokkurn veginn passa.

Koma svo peyjar - Áfram Ísland

Ísland mætir Skotlandi í umspili

Vertu þú sjálfur...

.....og annað ekki.

Um leið og menn hætta að vera þeir sjálfir þá fjarar fljótt undan þeim. Alveg sama við hvað þeir gera.

- ef menn hafa slitið þetta samtal þeirra félaga úr samhengi þá segir það okkur kannski meira um blaðamanninn og hans  vinnu? - kannski skildi hann bara Jón burgermeistar ekki nógu vel.

Svo hafa ekki allir sama skilning á Jóni, sama hvort þeir eru innanlands eða utan.

„Ég er og verð óviðeigandi“

Að kynda undir....

Það verð ég að segja að frá mínum bæjardyrum séð er þarna bara verið að kynda undir hatrið á Bandaríkjamönnum í Mið-Austurlöndum, já og víðar, og það vistvítandi. Bandaríkjamenna sem hafa Kóraninn í heiðri munu kannski frekar leggja fæð á þennan blessaða prest og hans söfnuð en ég er nokkuð viss um að víða annars staðar verður einbeitingin ekki sett á þennan einstakling og hans fylgismenn sérstaklega heldur á þjóðina sjálfa.  Jújú það er tjáningarfrelsi en spurning um að stíga á bremsuna þegar þetta getur orðið haft áhrif á störf útfarastofnana og líkkistusmiða? - Auðvitað er fullt af öðrum hlutum sem má skoða og leiðrétta - og þegar djúpt er kafað helst þetta sennilegast allt í hendur og tengist heimsyfirráðsstefnu þeirri er æðstu menn í USA fóru ötullega fyrir  en aðeins hefur þó hægt á.

En að detta þetta í hug og ætla að gera það svona opið öllum finnst mér afar sérstakt. - kannski er ég bara svona skrýtinn?

Reynir að koma í veg fyrir bókabrennu

Þjóðaratkvæðagreiðsla!

Kannski er þetta ekki svo flókið. Menn geta byrjað á einfaldan hátt og spurt; Á að afnema kvótakerfið í núverandi mynd?

Síðan fer framhaldið eftir því hvort niðurstaðan verður já eða nei? Þetta þarf ekki að vera flókið, en hvort það er svo skynsamlegt er bara allt annað mál. En það vita náttúrulega menn eins og Bjarni Ben og aðrir þingmenn sem eru en að reyna að girða upp um sig, og varla komnir nema upp að ökklum, eftir að hafa sett þjóðina á hnén í eigin hagsmuna leiknum sem allir kannast við.

Talandi um þingið. Einn besti brandarinn þarna inn á hverjum degi núna er þegar Trygvi Þór Herbertsson hrunfræðingur byrjar að setja út á fjármálastörf annarra - vá hvað sumir eiga stundum að.....

Hringlandaháttur Samfylkingar

Karlinn flottur

Já hann er flottur hann jafnaldri minn og fyrrum forsprakki The Auteurs.  Þau gáfu nú út nokkrar fínar plötur á sínum tíma, duttu í smá þunglyndi á kafla. Ég læt fylgja hér með eitt nett myndband. Til að gleðja lesendur.

Gaf út 50 plötur á einum degi

Ha ha ha

Snilld þessi hérna lína:

ATHUGASEMD - þann 31. ágúst er engin frétt birt um málefni Íbúðalánasjóðs á forsíðu Morgunblaðsins.  

AÐ kvarta undan einhverju og vera ekki með daginn, eða staðsetningu,  á hreinu er slæmt og skondið. Sprakk úr hlátri þegar ég sá þetta þarna neðanmáls.

En það breytir því ekki að það er samt slæmt ef að elskulegur Mogginn hefur verið að fara með rangt mál og menn eiga að biðjast afsökunnar á því ef svo er, þó svo að kvörtunin sé "skökk".  - eða er allt svoeliðis orðið aukaatriði í þessum bransa?

Yngvi Örn: Hef aldrei verið í Samfylkingunni

Góðir möguleikar!

Ég veit ekki hvað ykkur finnst en ég held að við eigum mjög góðan séns gegn flestum þessum liðum. Held að við fáum annað hvort Svía eða Skota og sláum út og það með glans.Svo eftir því er lokið þá er bara að gera sig klára í lokakeppnina.

Keppnin fer fram í Danmörku 11-25 júní á næsta ári.  Það verður gaman að sjá hvernig, ef að til þess kemur - sem að ég reikna með, menn skipuleggja Íslandsmótið út frá úrslitakeppninniþví það má nú fastlega reikna með að það verði í leikmannahópnum peyjar sem eru að spila hérna heima á klakanum.

En....áfram Ísland

U21 ára liðið í B-styrkleikaflokki - Dregið á föstudag