Að halda sig bak við settið!!!

Orðrómur hefur verið í gangi um að liðagigt hrjái Larry Mullen jnr. og því sé óvíst um framtíð hans bak við settið hjá U2, og því framtíð sveitarinnar yfir höfuð. Menn hafa talað um að kannski nái menn einum túr í viðbót? - EN það er nú svo margt sem er skrafað. En út frá þessu, sé eitthvað hæft í þessu,  er kannski spurningin hvort karlinn ætli að reyna frekar fyrir sér sem leikari á næstu misserum. Þetta þykir mörgum nokkuð óvænt því hann hefur nú hingað til haldið sig nokkuð til hlés blessaður snerillinn.

U2 annars á leiðinni til Mexíkóborgar þar sem uppselt er á þrenna tónleika skilst mér - 300 þúsund manns - og Muse en að hita upp. Síðan halda menn til USA og Kanada og verða þar fram í byrjun ágúst ef undan er skilið eitt kvöld á Glastonbury. Ekki er reiknað með að U2 lengi þennan túr umfram  það sem nú hefur verið planað en túrinn er þegar orðinn sá stærsti sem sögur fara af og bætist bara í eftir því sem vikurnar líða.

 

Trymbill á hvíta tjaldinu

Vúhú.......

Stórleikur Hjá Hlyni í kvöld, ekki amalegt að landa svona leik í úrslitakeppni um sænsku meistaradolluna. Þetta er allt samkvæmt því sem lesendur þessa bloggs hafa vonað. Drekarnir farnir að spúa frá sér, vonandi verður svo áfram. Menn þurfa 2 sigra í viðbót til að landa dollunni, og vonandi tekst það í tveimur leikjum      Go Dragons

Sundsvall komið með undirtökin

Biðjum að heilsa Schalke 04

Leyfði mér að spá í dag 2-0 fyrir United og er þannig séð sáttur við að það er niðurstaðan. Þetta fór eins og ég hélt leikmenn Schalke 04 voru eins og hálfatvinnumenn lengstum ef undanskilin er Manuel Neuer markvörður liðsins. Sem margir hafa viljað sjá fara til United, enda frábær markvörður þar á ferð.  Þrátt fyrir að ég hafi sagt í hálfleik að sennilega hefði verið skemmtilegra að horfa á málningu þorna. Þá áttu United menn þetta svo sannarlega skilið. Schalke menn hefðu betur fagnað minna yfir að hafa slegið Inter úr leik og reynt að ná einbeitningu fyrir þennan leik.

Nú er þetta bara spurning hvort að United menn mæta Barcelona eða Real Madríd í úrslitum. Ég trúi því að ef að þeir mæta Barca þá vinna þeir en tapa ef að þeir mæta Real.

Gleði Schalke manna má sjá á þessu myndskeiði

Öruggur sigur Man.Utd í Þýskalandi

Síðustu metrarnir

Það gengur oft mikið á síðustu metrana fyrir mót. Menn að reyna að fylla í eyðurnar sem menn virðast sjá í leikmannahópunum. Hvernig svo til tekst kemur í ljós síðar, eins og allir vita. Verð samt að segja að ég er svolítið hissa á því hvað Þórsarar eru seinir til að ná í leikmenn. Hefði haldið að þeir hefðu verið búnir að klára þetta. Hef svo sem heyrt af því í nokkurn tíma að Stjörnumenn væru með netin úti. Hélt ég hefði heyrt að þeir myndu reyna að fá 2 leikmenn, og þá sennilega danska.

Veit nú samt ekki alveg hvaða tilfinningu maður hefur fyrir mótinu og ætla að bíða með að spá í endanlega niðurstöðu í deildinni þangað til á fimmtudag eða föstudag. Það væri hrein og klár lygi ef að ég segði að ekki væri kominn fiðringur í mann útaf blessuðu mótinu.

Sænskur kantmaður til liðs við Þór?

Valsmenn léttir í lund.......

Það er aldeilis að Kristján Guðmundsson byrjar með látum og það á stórafmælisári Hlíðarendapilta - Til hamingju með þetta Kristján sem og Valsmenn allir.  Kannski verða það Valsmenn sem verða fjórða liðið í toppbaráttunni í sumar ásamt FH, KR og ÍBV. Góður piltur Kristjáni og ég hlakka til að fylgjast með hvernig honum mun ganga að fá liðið til að tikka í sumar. Byrjunin á mótinu verður öllum liðum mikilvæg og því ekki slæmt fyrir Valsmenn að koma til leiks í fyrsta leik með dollu í skápnum nú þegar.   ......en auðvitað vitum við líka dæmi þess að bikar svona rétt fyrir mót hefur valdið því að lið kemur aðeins úr jarðsambandi til leiks í fyrsta leik! - Trúi því ekki að Kristján leyfi það.

Valur sigraði í Lengjubikarnum

Allt kortlagt en......

...enn ekki búið að handasama kauða. Menn vita þetta allt í skjölum en ekkert gerist. Svipað og að halda á mjólkurfernu en vita ekki hvernig á að ná mjólkinni úr fernunni!!!! Svo er það hin hliðin á peningnum og hún er að það er kannski nauðsynlegt að ná honum ekki, til þess að hægt sé að réttláta gríðarleg fjárútlát að í þennan eltingarleik við hina hættulegu óvini sem sennilega munu slappa af um leið og þeir eru látnir í friði!

Ferðir bin Laden kortlagðar

Schalke 04 menn í skýjunum!

United á nú ekki að lenda í vandræðum með að slá út lið Schalke 04. Liðið hefur átt þokkalega spretti inn á milli slakra leikja og því kannski ekki við miklu að búast. Þeir eru saddir við að hafa náð svona langt og það er ekki laust við að þeir séu enn að fagna sínum árangri í meistaradeildinni í vetur, það kann ekki góðri lukku að stýra. Þeir töpuðu um helgina og voru ekki sannfærandi þrátt fyrir að ná upp smápressu á mark andstæðinganna, sem ég man ekki í augnablikinu hverjir voru. Lið eins og United sem hefur innan borðs leikmenn sem þekkja hinar gullnu hliðar fótboltans og vita hvað þarf til að fara alla leið. Þeim svelgist vart á liðum eins og Schalke 04, þó svo að Raul sé á launaskrá hjá þeim!!! Spái að United vinni báða leikina.

Berbatov ekki með gegn Schalke

Trúði þessu ekki en.....

.....þegar ég sá að Íslendingarnir voru bara á 50% siglingu þá sá ég að þetta gat vel staðist. Skil bara ekkert í mönnum að spila ekki Íslendingunum allan tímann - Hvað var Gummi að pæla? Hélt að hann vissi manna best hvað þyrfti að gera til þess að tryggja sínu liði sigur!!! En nú stefnir í að liðin með íslendingana innanborðs séu komin á endastöð í keppninni í ár. - því miður því ekki var Kiel að rokka feitt í dag heldur.

Löwen tapaði fyrir Montpellier

Glæsilegt

Þetta er flott og alveg eins og maður vonaði. Nú er bara að vona að þetta haldi áfram á þessari braut hjá þessari Sundsvall. Krossa fingur og vona að þeir haldi áfram á þessari braut.

Sundsvall jafnaði metin

Mikill fengur

Það verð ég að segja að það er mikill fengur fyrir Þórsara af fá þennan flotta spilara til liðs við hópinn. Þetta lyftir liðinu upp um 2-3 stig og því enn meiri ástæða til þess að vanmeta ekki norðanpilta.

Gunnar Már lánaður til Þórs

Þykja ekki fréttir....

...á Íslandi þar sem allskyns apakettir hafa leikið lausum hala í fjölmörg ár. Menn löngu hættir að kippa sér upp við lausagöngu þeirra hér á landi þó svo að fólk sé orðið svolítið þreytt á þeim sem er verst láta.

Api gengur laus í Danmörku

Meira en bara rauðvín

Held að það sé sífellt að renna betur upp fyrir fólki að menn voru ekki bara á rauðvínsfylleríi þarna suður frá. Menn virðast hafa drukkið óstjórnlega af fjármálabrúsanum líka og sullað niður sem aldrei fyrr  - sorglegt

Fjárlagahalli Portúgals meiri en talið var

Allt eða ekkert!!!

Arsenal menn þurfa nú sigur í þessum leik til að halda einhverju fjöri í þessu móti. Það hefur verið sorglega mikið um töpuð stig, þegar menn myndu ætla að lið af þessum styrkleika er komið með forustu í leikjum sínum - en kannski er styrkurinn bara ekki nægur. Það myndi gleðja marga United og Chelsea menn ef Arsenalmenn klikkuðu í dag ........vona að þeir taki ekki upp á því!!!

Arsenal hefur unnið átta leiki í röð gegn Bolton