EES skiptir engu máli

EES skiptir engu máli fyrir okkur, ekkert frekar en innganga í ESB. Við erum þjóðin og við þurfum ekkert á einhverju svona að halda. Okkur ætti að vera skítsama þó að menn segðu upp EES - hann er hvort eð er með 80% af regluerki ESB og við viljum ekki sjá ESB. Við þurfum ekkert að hræðast uppsögn á svona samningi, höfum ekkert við hann að gera.

SKil ekki hvað menn eru að hræðast uppsögn ÉES menn vilja hvort eð er ekki sjá ESB og ESB er stærsti aðilinn í EES samningnum. Við þurfum enga svona samninga.

Óþarfur ótti um EES

Hörmungar vinnubrögð

Það þarf nú að taka til í vinnubrögðunum hjá þessu blessaða bákni öllu saman. Koma þessu í fastar skorður sem menn geta ekki leikið sér með eftir eigin hentugleika þegar þeim hentar hverju sinni. Þetta er algjörlega óþolandi og það er sorglegt að horfa upp á lið sem talar um hinar og þessar bætur á vinnubrögðum detta strax í forarpyttinn sem þessi ráðningarferli hafa verið í  í gegnum tíðina, og eru greinilega en. Hvað halda menn að flokkarnir sem lengi voru við völd séu búnir að mylja undir sitt fólk í gegnum tíðina koma einhverju fólki fyrir hér og þar sem jafnvel er ekki starfi sínu vaxið.

....sorglegast er að þetta virðist ekkert vera að lagast. - Guð blessi Ísland.

Tólf ráðnir án auglýsingar

Stuð og stemmning í Víkinni

Ja hérna hér það vantar ekki stuðið í Víkinni þessa dagana. Leifur hefur orðið fyrir hverri vélskóflunni á fætur annarri síðustu vikur og nú fór svo að hún keyrði hann í svaðið. En það þýðir ekki að fást um það Excel skjalið, stóra spjallrásamálið og greinilega einhver undirliggjandi óánægja hefur orðið til þess að vélskóflan setti á fullt og keyrði yfir kappann.

Nú er það bara spurning hver tekur við. Maggi Gylfa?, Þorsteinn Halldórsson? Einhverjir yngri þjálfarar t.d. Bjarnólfur Lárusson, Helgi Sigurðsson? Svo er maður nú þegar farin að heyra nöfn á þjálfurum sem eru á launaskrá hjá öðrum liðum og því verður forvitnilegt að sjá hvað gerist þarna á næstu sólarhringum.

Gott stundum að halda bara með ÍBV!

 

Leifur látinn fara frá Víkingi

Mikill fengur!

Ekki var þetta nú frægðarferð hjá Matthíasi til Colchester. Held samt að menn ættu að skoða þetta í víðara samhengi. Þarna er um að ræða fyrirliða FH, eins allra sterkasta liðs landsins og hann kemst ekki í byrjunarliðið hjá Colchester, sem ekki er stórlið í ensku tuðrusparki, spila í 3 deildinni ef svo má að orði komast - 3ja efsta deildin allavega. Held að ungir leikmenn með metnað sem samt standa Matthíasi kannski notuð að baki ættu að spá í þetta og sjá hversu mikið þeir þurfa að leggja á sig í viðbót til að komast að hjá liðum af þessum styrkleika. Það hafa margir hamrað á þessu þar á meðal ég að bilið er mikið en menn hafa ekki alltaf viljað kaupa það, en svona er þetta. En auðvitað spilar líka stundum inn heppni í að fá tækifæri og grípa það þá þegar það gefst.  Málið er að þetta er mikið stökk en ekki allir sem gera sér grein fyrir því.

Matthías hættur hjá Colchester

Ekki að ræða það...

...að maður þræti við blessaðan Paddy Crerand. Frekar myndi ég kalla hann til mín, bjóða honum upp á bjór og fara yfir  ágæti þessa flotta spilara.

Set hérna með myndskeið sem ég get ekki fengið nóg af.

Giggs sá besti frá upphafi

Enn er möguleiki

Já það er svo sannarlega en möguleiki á því sem ég kalla drauma úrslitaleikinn, þ.e.a.s. eftir að Brighton datt úr leik fyrir háloftabolta Stoke, og það er að fá viðureign nágrannanna í Manchester. Held að það gæti orðið frábært að sjá þessi 2 lið mætast á Wembley í úrslitaleiknum. Kominn tími á slag þessara liða í úrslitaleik í bikarnum. Þetta er mín ósk en er alls ekki viss um að allir séu jafn spenntir og ég fyrir þessum leik.

Arsenal og Man.City í 8-liða úrslit

Margrét Lára komin á flug!

Það er ég að vona að félagi Margrét Lára sé nú að koma sterk til baka eftir frekar dapurt skeið á vellinum síðustu misseri. Það verður seint flokkað annað en fengur að fá þessa drottningu íslensks tuðrusparks á flug á ný. Það verður gaman að sjá hvernig stelpunum gengur með restina af leikjunum á þessu móti.

Óvæntur sigur Íslands gegn Svíþjóð

Minni mengun!

Þetta hlýtur þá að tákna minni mengun og kannski í kjölfarið meira fjör? Bensínverð er náttúrulega í nýjum og áður óþekktum hæðum en ég verð að segja að mér finnst samdráttur í bílaumferðinni þarna á höfuðborgarsvæðinu hafa verið minni en maður átti von á. Samt hefur maður nú verið að heyra sögur af aukningu í traffík, í strætó, sem er hið besta mál.

Um 3% minni umferð

Klárlega saklaus

Baldur er klárlega saklaus í þessu máli uns sekt sannast ......hvort það gerist veit ég ekki en ekki fannst mér tilvitnanir í tilburði Baldurs góðar í fréttunum áðan.   .....það breytir því ekki að hann er bara eins og eitt lítið peð í öllu því sem gekk á hér á landi. En peð geta verið mikilvægur þátttakandi í mikilli fléttu.

Neitar að hafa búið yfir innherjaupplýsingum

Verða Arsenal meistarar?

Það skyldi þó aldrei fara svo að það verði mennirnir frá Emirates sem taka dolluna þetta árið. United menn heppnir að Rooney fór ekki í bann eftir fólskulega brotið gegn Wigan en nú verða menn að spila án varnartröllsins gegn Liverpool um helgina. United liðið er firna gott, eins og allir vita sem fylgjast með boltanum, en nú reynir á Liverpool liðið um helgina hvort þeir vilja teljast sem alvöru lið eða ekki í þessari deild. EN það er svo sem ekki nóg að United hiksti Arsenal menn verða að halda haus. Það sem hefur pirrað mig örlítið er að þegar maður heldur að eitt liðið en þarna í toppbaráttunni Man City ætlar að fara að gera eitthvað þá virðast þeir oftast bara gera í buxurnar - því miður.

En eins og við vitum öll þá skýrist þetta hægt og rólega en fyrir mig personulega eru þessar pælingar bara svona til að fá fólk til að velta upp möguleikum á hlutum, fyrir mér er spennan í kringum Brighton liðið en tapið gegn Milton Keynes Dons um helgina var sárt.

Chelsea lagði Manchester United

Hið besta mál

Get alveg tekið undir þetta með Kristján Þór og Birgi Ármanns - sem ég kallaði risaeðlu um daginn í bloggi ef að ég man rétt.  Það á nú ekki að vera vandkvæðum bundið fyrir ráðherra að rökstyðja þetta - ja ef svo er þá er hún á hálum ís.  Ég þekki ekki málið í þaula enda er ég ekki skotóður fjallajeppamaður með útilegudellu en er sammála því að það á að leita eftir umræðum við þetta fólk sem hefur á eþssu áhuga og þekkingu. Það táknar samt ekki að það fólk eigi að fara með ferðina í málinu, en það á að virða sjónarmið þeirra og leyfa meim að koma þeim á framfæri. Alveg er ég viss um að út úr því má finna góða snertifleti á mörgum málum. Það eru fleiri en ein hlið á öllum málum, o gstundum þarf að fá fleiri
að hlutunum til þess að gera sér grein fyrir því , eins ótrúlega og það
kann að hljóma!

Vilja að ráðherra rökstyðji ákvörðun

Kreppulaust Ísland?

Bo Halldórs mokar út miðum á afmælistónleika sína, rétt eins og á jólatónleikana. En rétt er að benda á að það er nánast gefins á afmælistónleikana miðað við jólatónelikana. Nú myndast biðraðir vegna þessara fyrstu viðburða í Hörpunni umdeildu. Hlakka svo til að sjá hvert flugið verður á miðunum á Eagles sem brátt fara í sölu.

Miðað við allt þetta flug er spurning hvort kreppan alræmda standi ekki bara höllum fæti!!!

Biðröð vegna Hörpu

Hvar eru Eyjamenn?

Ég ítreka það að ég vil fá fangelsi til Eyja. Held að það yrði góð búbót fyrir atvinnulífið hér á eyjunni í suðri.  Er farinn að halda að ég sé einn um að vilja þetta. Trúi ekki öðru en að menn hafi lýst yfir áhuga á að fá fangelsi hingað.

Sveitarfélög sýna fangelsi áhuga