Nú er ég í liði með...

...sir Alex. Hlutirnir reddast ekki við það eitt að láta Hodgson fara, hef enga trú á því. Ég hafði meira að segja trú á að Hodgson gæti hægt og rólega lyft þeim aðeins ofar en við fáum víst ekki að sjá hann glíma við það. Held að Liverpool þurfi núna að taka til hjá sér fram á vor og koma svo sterkir inn næsta haust! EN vandamálið er þetta. Ef að meistari Dalglish á bara að vera til vorsins, á þá nýr stjóri bara að fá sumarið til að stilla saman strengi varðandi liðið? Er ekki rétt að ráða sem fyrst mann sem fær að vinna með liðið og vinna í hópnum fram á vor og sjá þá hverja hann vill losna við og hvar hann vill setja inn ný andlit.

Liverpool menn geta nú heldur betur hresst upp á tímabilið hjá sér með sigri í dag, en gerist það? Spái 2-0 fyrir United

Ferguson: Sorgleg niðurstaða

Myljandi góður Messi

Það verður ekki af því skafið að blessaður drengurinn er snillingur.

Messi magnaður í 12. sigrinum í röð

Fagnaðarefni

Þá er loksins búið að vígja blessað tuðrusparkshúsið sem brátt mun væntanlega hljóta nafnið Eimskipshöllin. Það voru létt spor að stíga þarna inn í dag og sjá þessa glæsilegu aðstöðu sem þarna er í boði fyrir íþróttafólkið. Það verður eitthvað annað að æfa á vetrum fyrir krakkana við þessar aðstæður heldur en að þurfa að standa á malarvellinum og berjast við vindinn og sandfokið, já eða snjóinn (þó ekki sé það nú oft). Auðvitað á maður sjálfur margar skemmtilegar minningar af malarvellinum, rétt eins og leiðinlegar. en það veit ég að maður hefði tekið svona aðstöðu fegins hendi. Það er gott að peningar Hannesar Smárasonar fyrir hlutinn í Hitaveitu Suðurnesja eru að nýtast í eitthvað gott í bæjarfélaginu. Eitthvað sem flestir ættu að geta notið góðs af ef þeir kæra sig um. Fyrst og fremst sé ég þetta nú sem hús fyrir æsku þessa bæjarfélags og vonandi á maður eftir að sjá stórstígar framfarir hjá knattspyrnu- og frjálsíþróttakrökkum með tilkomu þessa húss.

Til hamingju Eyjamenn allir

Nýtt fjölnota íþróttahús vígt

Þá er bara að fylgjast með á netinu

Þetta var væntanlega síðasti leikurinn með landsliðinu sem að maður sér í sjónvarpinu að sinni. Hér eftir er allt laæst og maður mun því reiða sig á internetið til að sjá hvernig mótinu vindur fram. Missti reyndar af byrjuninni í dag en þetta var flott og og verðskuldað. Það er vonandi að liðið nái að halda haus í gegnum mótið þá eru menn til alls líklegir. - Áfram Ísland

Hreiðar: Vörnin var snilld

3-1 sigur í slagnum

Góður sigur hjá mínum mönnum í dag gegn Portsmouth. Portsmouth mönnum voru eitthvað pirraðir í dag og Kitson fauk útaf á 14 mínútu og svo fengu þeir 6 gul spjöld í viðbót á meðan leikmenn Brighton fengu ekkert. Hemmi kom inn á í hálfleik fyrir Kanu og nældi sér í gult spjald. Þó bikarinn sé ekki aðalmálið þetta tímabilið þá var þetta góður sigur og færir okkur kannski eitthvað af peningum í kassann í næstu umferð. Aðalatriðið er þó að komast upp um deild og hefja næsta tímabil á nýja vellinum í næst efstu deild.

Hlakka nú samt til að sjá hverja við fáum í næstu umferð.

Notts County sló Sunderland út

Suðurstrandarslagur

Það verður suðurstrandarslagur í dag á Withdean stadium í Brighton þegar Hemmi Hreiðars og félagar í Portsmouth koma í heimsókn. Bíð spenntur eftir útkomunni úr þeim leik. yrði ekki leiðinlegt að slá Portsmouth út úr bikarnum þósvo að ég geri mér ekki miklar vonir og finnist í raun mun mikilvægara að gott gengi í deildinni haldi áfram en þar erum við enn á toppnum eftir 2 góða sigra í upphafi árs.

Bikardagur í Englandi

Rykið dustað af.....

Get ekki sagt að þetta komi mörgum á óvart. Það verður forvitnilegt að sjá hvernig Dalglish tekst að mótivera mannskapinn fyrir leikinn gegn Man. utd. Skammur tími en fyrsti leikur eftir skipti er oft góður - reynir kannski meira á karakterinn í liðinu en stjórann í þessum leik.

Mér hefur alltaf þótt einn merkasti árangur Dalglish þegar hann gerðir Blackburn Rovers að meisturum, maður er ekki að sjá marga leika slíkt eftir. Vonandi gengur þessum mikla meistara betur en vini mínum Roy Hodgson. Kannski að hann taki starfið til frambúðar?

Hodgson farinn - Dalglish tekur við

Er þetta ekki sama og sagt.......

...var annarsstaðar þar sem svona stofnfjáraukningar áttu sér stað? Menn lánuðu stofnfjáreigendum á kostakjörum, sem jafnvel hinn almenni viðskiptavinur fékk ekki og svo framvegis Menn voru um það bil að detta í lukkupottinn. Enginn er þó ábyrgur fyrir þessum gjörðum. Auðvitað verður hver og einn að taka ábyrgð á sínum gjörðum, spurnignin er kannski frekar hversu heiðarlegur var aðdragandinn og uppbyggingin af hálfu þeirra er fóru með ferðina. ...eða voru þeir alveg blindir á hvað var að gerast í kringum þá?

Sagt nánast áhættulaust

Kommúnistaríki?

Maður veltir þessu fyrir sér að hér tala menn alltaf um svona eftirlitsþjóðfélög sem kommúnistaríki. Er USA að verða eitt af þeim? Eða er hættan af orðum Birgittu slík að hún jaðrar við þjóðaröryggi?Get ekki ímyndað mér það og orð einhverrar konu á íslandi geta vart orðið kjarninn í svona máli. Trúi því ekki að yfirvöldin í landinu sem segist vera fánaberi réttlætis og tækifæra til handa öllum gangi svona langt.

Svona umræða minnir mig oft á það sem sagt er hér í Eyjum: Ekki gagnrýna íhaldið þú færð það í bakið. Hef aldrei skilið þetta svo hafa þóst getað bent á eitthvað hér eða þar. Það skondna við þetta er að hingað í smiðjuna kom brottfluttur sjálfstæðismaður í vikunni og sagði að Eyjar væru mesta kommúnistabælið á landinu!! Skondið hvernig menn sjá oft hlutina öðruvísi úr fjarlægð - en þetta er útúrdúr.

En það er með Birgittu eins og t.d. Geir H Haarde vegna Landdóms,  ef að þetta fólk hefur ekkert að fela þá á það ekki að hræðast það að einhverjir skoði þeirra orð og gjörðir. Er ekki gott að fá andrúmsloftið bara hreinsað í eitt skipti fyrir öll og standa uppi sem sigurvegari. Eða er það svo að þetta fólk treystir ekki réttarkerfinu?

Twitter gert að afhenda öll skilaboð Birgittu

Sagnfræði klúbbur?

Rauðu herinn á merka sögu að baki. Einn merkasti klúbbur sem að England hefur alið af sér og á köflum í sögunni voru þeir risar sem vart voru snertanlegir. Það á þeim tímum þegar ekki voru einhverjir ríkir útlendingar, ja eða falsarar eins og komu að West Ham,  komnir í stjórnir að dæla peningum í tóma sjóða félagsins til að reyna að halda því úti heldur þegar menn ráku þetta af "meiri skynsemi" en gert er í dag.

Aldrei hef ég verið Liverpool maður en hef tvisvar orðið þess heiðurs aðnjótandi að fara á leiki á Anfield og ef frá er talin St. James's Park í Newcastle þá hef ég hvergi upplifað aðra eins stemningu, hef samt komið á einhverja 30 velli. Þetta hefur mér alltaf líkað við Liverpool. Verkamannaborg sem þekkt var, og er jafnvel en, fyrir að menn voru fastir fyrir og verkföll og annað voru ekki óþekkt fyrirbæri í borginni - en ætla ekkert að ræða það um of enda þekki ég það ekki alveg nógu vel.

En það sem ég er að reyna að segja að eins og staðan er í dag þá er þetta spurning hvort að Liverpool er að verða klúbbur sem lifir á fornri frægð, sagnfræði klúbbur,  eða hvort hann muni rísa upp aftur og ná svipuðum hæðum og hér á árum áður.

Sem stuðningsmaður Brighton and Hove Albion langar mig að skella hérna inn skemtilegum myndskeiðum frá þeim tímum er Liverpool var það besta sem þekktist í Englandi.

 

Fann Liverpool-lag frá 1907

Þetta var snilldarskaup

Bráðskemmtilegur húmor og beitt ádeila einkenndu kaupið og annað árið í röð hittir maður nánast ekkert nema fólk sem er yfir sig ánægt með skaupið og þá óháð stétt, stöðu, pólitískum siðum og matarvenjum. Það voru þarna frasar sem munu lifa - hafði alveg gleymt að þakka þeim er að skaupinu stóðu - takk fyrir mig. Veit að menn töluðu um að láta þessi tvö skaup duga en með þennan stuðning á bakinu væri alveg þess virði að setjast yfir gerð þess þriðja.

75% áhorf var á Skaupið í fyrra

Shit

Maður vonaði auðvitað að til svona hörmuna kæmi ekki en því miður er þetta staðreynd - skelfilegt alveg hreint. Meira að segja hérna í Eyjum í morgun var mikið sand/öskufok. Fór í ræktina og labbaði framhjá nokkrum bílum rétt fyrir 11 labbaði síðan framhjá þeim aftur  12.30 og þá var komið gott lag á þá hafði bætt vel á á þessum 90 mínútum rúmlega. Það er nú svo sem ekkert nýtt að hingað berist sandur ofan af landi það hefur gert það  frá því að ég man eftir mér í þessum norðan áttum en núna er náttúrulega askan í bland. 

Auðvitað er gríðarmikið uppgræðslustarf óunnið þarna á sandinum en svo held ég að það sé nú nokkuð ljóst að menn komast nú aldrei alveg í veg fyrir þetta þá þarf að taka ærlega til hendinni óg bæta það sem hægt er að bæta

Bílar skemmdust í sandfoki

Mogginn að meika það?

Get ekki að því gert en mér finnst þetta kostuleg skrif hjá blaðamanni:

 Henao var á lista alþjóðalögreglunnar Interpol yfir 10 eftirlýstustu konurnar.

Eftirlýstustu!! er þá einhver meira eftirlýstur en annar? Ég hélt að fólk væri flokkað eftir því hversu alvarlegir glæpirnir eru. En þarna er látið líta út eins og hún sé ein af þeim sem hvað oftast hefur verið lýst eftir!!!

Amfetamíndrottning framseld til Bandaríkjanna