Góður dómur!

Gott að vita! 56% telja að það sé öðruvísi komið fram við sig en heimamenn, ekki er það nú gæfulegt. Svakalega há tala. Reyndar kemur ekkert fram þarna hvað úrtakið var mikið, væri gaman að vita það. Ekki er ég hissa þó að blessað fólkið segi að þau hefðu haldið sig heima ef sæmandi starf hefði boðist, enda ódýrara á flestanhátt að búa í Póllandi heldur en hér og segja menn svo ekki Heima er best.  ...veit samt með mig að ef að manni biðist starf erlendis við hæfi þá myndi maður nú pakka niður og halda í víking, ekki til að rupla og ræna heldur til að ná að lifa mannsæmandi lífi.

Vildu vera í Póllandi

Engin samstaða um Samstöðu!!!

Það er ekki að því að spyrja að það næst ekki samstaða um þetta mál frekar en önnur hjá þjóðinni!!! Hvað varð um þau fornu gildi að sýna samstöðu og að standa saman - þá er miklu meira gaman!!

Samstaða gerir athugasemd við Samstöðu

Eyjarnar að eignast óvæntan vin í boði bæjarstjórnar?

Hér berast nú fréttir af því að bæjaryfirvöld ætli að ganga til samningaviðræðna við Hjallastefnuna verðandi yfirtöku á rekstri Sóla. Þekki ekkert af viti til þessarar eða hinnar stefnunnar á þessum leikskólum. Er þess bara viss að allir eru að gera sitt besta, og jafnvel rúmlega það. Margir tala vel um Hjallastefnuna og aðrir ekki eins vel, svona eins og gengur og gerist. 

Sérstakast er þó að sjá að Guðmundur, oft kallaður "vinalausi" hér í Eyjum er stjórnarmaður hjá Hjallastefnunni. Ætli hann sé þarna með krók á móti bragði til að koma sér betur fyrir í Eyjum, i skjóli lægsta tilboðs og bæjarstjórnar Vestmannaeyja. Valdabarátta hans innan VSV er Eyjaskeggjum náttúrulega vel kunn og margir hafa svitnað yfir því er þar gengur á, aðrir ekki. Er hann kannski búinn að sjá sér þarna leik á borði til að öðlast vini í Eyjum með því að koma hér að rekstri leikskóla? 

Hér er stjórn Hjallastefnunnar.

Helga Sverrisdóttir stjórnarformaður
Helga er hjúkrunarfræðingur að mennt og áhugamanneskja um skólaþróun.

Guðmundur Kristjánsson
Guðmundur Kristjánsson er útgerðarmaður og hefur áhuga á sjálfstæðum rekstri skóla.

Inga Lind Karlsdóttir
Inga Lind er fjölmiðlakona og margföld Hjallastefnumamma.

Margrét Pála Ólafsdóttir
Margrét Pála er uppeldis- og menntafrömuður og áhugamanneskja um skólamál.

Þór Sigfússon
Er hagfræðingur og þaulreyndur Hjallastefnupabbi.

Varamenn í stjórn Hjallastefnunnar:
Dóra Hjálmarsdóttir                                        
Hjördís Líney Pétursdóttir

 

Nauðlending!!!

Ekki er ég þeirrar skoðunnar að það eigi að gefa pilta úr landi í atvinnumennskuna. EN hefði nú haldið að menn gætu með einbeittum vilja náð lendingum í svona málum. 'Felagið má ekki gleyma að það er góð auglýsing fyrir félagið þegar leikmenn eru seldir erlendis. Ekki bara það að leikmaðurinn sé góður heldur sjá aðrir leikmenn að félagið og leikmaðurinn geta unnið sem að hagsmunum beggja aðila. Norska deildin nokkrum þrepum ofar en sú íslenska - klárlega - og færsla þangað því góð fyrir pilt sem klárlega er tilbúinn að taka næsta skref. Ef að leikmaðurinn er að losna í október undan samningi hjá Stjörnunni er ekki víst að félagið fái mikið fyrir hann héðan í frá.  Ef ég man félagaskiptareglurnar rétt má hann ganga til samninga við nýtt lið þegar 6 mánuðir eru eftir af samningi hans og menn geta lítið í því gert!!!  Vona fyrir hönd beggja aðila að menn dusti rykið af samningatækninni. Tek samt fram að ég veit ekki hvað norska liðið var að bjóða. Kannski var tilboð þeirra arfaslakt og enginn ástæða til þess að eyða tíma í það.

Halldór Orri óhress með Stjörnuna

Snilldin ein!!!

Nú bíður maður bara eftir því að miðasalan opni!!!

John Grant með tónleika í sumar

Vestmannaeyjar x 2!!!

Virka kannski ekki stórar tölur þarna úti í heimi en ef við drögum þetta í íslensku höfðatölu hugmyndafræðina þá eru þetta rúmelga 2 sinnum allir íbúar á Heimaey, lítilli eyju sunnan við ísland!!!! Ekki nóg með það heldur er sennilega Heimaey einn stærsti neyslustaður Pepsi og Pepsi Max hjá íslensku þjóðinni - meira drama - minna fjör!!!

Pepsi ætlar að segja 8.700 upp

Djöfuls snillingar!!!

Það er ótrúlegt hvernig þeim er nálægt enska karla landsliðinu í fótbolta koma tekst alltaf að snúa öllu á hvolf. Loksins þegar mönnum fannst vera komin nokkur sátt um þjálfarann og hans vinnu þá kemur þetta. Risa ákvörðun tekin án samráðs við þjálfarann. Þjálfarann sem búinn er að vera á góðri leið með að fá fólk til að fá trú á landsliðinu á ný. Þjálfara sem hefur það sem til þarf til að gera góða hluti í því umhverfi sem mönnum er búið í England, en pressan er á fáum stöðum meiri en þar í þessum knattspyrnuheimi. Evrópumótið framundan og menn byrja undirbúninginn svona. Ætli það skili þeim meiri árangri að þessu sinni en í undanförnum keppnum?   ...kemur sér vel að maður heldur bara með íslenska landsliðinu í þessu landsliðsharki!

Capello hættur með enska landsliðið

Hmmm er þetta nú gæfulegt?

Jú að sjálfsögðu er þetta hið besta mál. Flott hjá pilti. Klapp, klapp og klapp á bak. Vel að verki staðið og það er ég viss um að honum líður betur á eftir og mannorð hans öðlaðist á vissan hátt fyrri styrk.

Baðst afsökunar á drykkjulátum

Allt í föstum skorðum!!

Það er greinilegt á öllu að lífið gengur sinn vanagang í Reykjavík og gott til þess að vita.  Bestu kveðjur til þeirra sem ég þekki í borginni, sem og allra hinna sem ég þekki ekki neitt. Megið þið eiga góðan dag

Ölvunarakstur og líkamsárás í Reykjavík

Afmælisgjöf frá Nash!!!

3 sigrar komnit í röð, en þessi var tæpur - takk fyrir. Steve Nash með sigurkörfuna 5 sek fyrir leikslok á 38 ára afmælisdagin sinn. Suns voru á kafla með 21 stigs forustu en klúðruðu henni og voru komnir 4 stigum undir 94-90 þegar 7 og hálfmínúta var eftir. - afrek útaf fyrir sig!!!

Pólska sleggjan Marcim Gortat með 21 stig og 9 fráköst, Dudley 19 stig og afmælisbarnið var með 18 stig og 11 stoðsendingar, og er kominn með 9471 stoðsendingu á ferlinum - sjá topplista hér að neðan. Josh Childress skoraði ekki stig þær 15 mínútur sem hann var inná hjá Suns en tók 12 fráköst!! Michael Redd sneri aftur til Milwaukee, þar sem hann lék lengi, og skoraði 14 stig fyrir Suns.

Bekkurinn hjá Bucks skoraði 54 stig gegn 22 stigum hjá Suns bekknum, en byrjunalið Bucks skoraði 51 stig gegn 85 stigum byrjunarliðs Suns

1.	John Stockton	15806
2.	Jason Kidd	11660
3.	Mark Jackson	10334
4.	Magic Johnson	10141
5.	Oscar Robertson	9887
6.	Steve Nash	9471
7.	Isiah Thomas	9061
8.	Gary Payton	8966
9.	Rod Strickland	7987
10.	Maurice Cheeks	7392

 

 

 

Durant var bjargvættur Oklahoma

Margt vitlausara

Það verð ég að segja að ég hef heyrt margt vitlausara en þetta í gegnum tíðina. Parker fór t.d. alfarið fyrir sínum mönnum í gær gegn Liverpool og hefur gert þetta í þeim liðum sem að hann hefur spilað með í gegnum tíðina - frábær leikmaður og 100% liðsmaður. Spurningin er hins vegar sú hvort að Capello velur hann í liðið hjá sér!

Vill sjá Parker taka við fyrirliðabandinu

Pétur taktfastur....

....finnst með ólíkindum að tillaga Péturs hafi verið skotin svona harkalega niður. Maður þyrfti að rifja upp hverjir voru á móti. Hvað er að því að hluthafar kjósi til stjórnar? Þarna yrði það meira að segja þannig að allir hefðu bara sitt eina atkvæði rétt eins og í kosningum til þings eða sveitarstjórna - lýst vel á þetta, er viss um að svo er einnig um fleiri.

Þó mörgum þyki Pétur Blöndal stundum skrýtinn fýr - þá er hann síður en svo galinn.

Þingmenn kolfelldu tillögu Péturs

Mikið? Allt undir

Það er ekki spurning að það er allt undir í kvöld. Hef enga trú á öðru en að stelpurnar í ÍBV búningunum klári þetta. Þeir fara í bikarúrslit þetta árið. Spurningin bara hverjum þær mæta þar, Val eða Stjörnunni.  .....reyndar spurning hvort FH stelpurnar komist til Eyja í dag, ekki skemmtileg veðurspáin.

Mikið undir í Eyjum í kvöld