Athyglisvert - ótrúlegt í raun

af rúv.is 

BNA: Börn fá heilbrigðisþjónustu

Fulltrúadeild Bandaríkjaþings samþykkti í gær frumvarp til laga sem myndu veita milljónum snauðra barna rétt á ókeypis heilbrigðisþjónustu. George Bush forseti hyggst ekki staðfesta frumvarpið, jafnvel þótt Öldungadeildin samþykki það síðar í vikunni.

Um 6 milljónir fátækra ungmenna eiga rétt á heilbrigðisþjónustu samkvæmt svonefndu Medicaid-verkefni í Bandaríkjunum. Fulltrúadeildin vill bæta 3,8 milljónum barna í þennan hóp, foreldrar þeirra hafi ekki efni á að kaupa sjúkratryggingu en beri of mikið út býtum til að eiga rétt á þáttöku í Medicaid-verkefninu.

 

Kostnaður við verkefnið er 25 milljarðar dollara á ári, viðbótarkostnaður yrði 35 milljarðar. Þeim kostnaði yrði mætt með því að leggja 40 senta skatt á sígarettupakka. Frumvarpið var samþykkt með 265 atkvæðum gegn 159, 45 repúblikanar greiddu því atkvæði.

Þetta nægir þó ekki til að hnekkja neitunarvaldi forsetans, til þess þarf tvo þriðju atkvæða. Bush segir frumvarpið skref í átt að ríkisrekinni heilbrigðisþjónustu, og ætlar því að bregða fæti fyrir það. Ýmsum flokksbræðrum hans, þar á meðal Charles Grassley, öldungadeildarþingmanni Iowa, gremst þessi afstaða forsetans, og segja afleitt að milljónir barna fái enga heilbrigðisþjónustu í Bandaríkjunum.

Þetta les maður. En það stendur ekki á þessum háa herra að fórna milljörðum í hernað og vopnaframleiðslu og í heimsyfirráð. Nei en komi að eigin þegnum, og það sem kalla má framtíð USA, þá skal sagt nei - hvernig á maður að fatta svona fíflarí?  "Hvernig á bókin eiginlega að snúa" gæti  verið einkunarorð þessarar ágætu myndar sem ég setti með. 

Hver vill....

....stríð yfir höfuð? Ég bara spyr. Vilja ekki allir hafa það sem náðugast og geta einbeitt sér að ástandinu í sínu landi nema þá kannski George Bush sem á það nú til að gleyma að hann er forseti Bandaríkjanna en ekki flestra annarra landa. Zarkozy gerir kannski rétt að brýna raustina að Írönum en ég held að það sé engin að fara að framleiða nein kjarnavopn - neita bara að trúa því.

Sarkozy segist ekki vilja stríð gegn Írönum

Að taka höfuðið af koddanum?

Það skyldi þó aldrei vera að George Bush sé að rumska af þeim Þyrnirósarsvefni sem hann hefur verið á gagnvart því að fækka hægt og rólega í herliðinu í Írak. Kannski að Barbara hafi lætt nálapúða undir koddann hjá honum og þannig komið blóðinu á hreyfingu hjá honum. Vona að þetta sé bara fyrsta jákvæða skrefið sem karl fauskurinn tekur íáttina af því að fækka hermönnum vel og myndarlega í Írak - Leyfum þeim að útkljá sín mál sjálfir, þannig séð.  Það er ég hræddur um að maður væri orðinn "crazy" hérna í Eyjum ef að hér væri sífellt einhver her ofan af landi, með takmarkaðan skilning á því sem gengur og gerist í Eyjum, en væri samt sífellt að skipta sér af - það myndi pirra mann óstjórnlega!!!!

Bush hyggst boða fækkun hermanna í Írak

Jæja félagar! hyllir í samgöngubætur?

Líst vel á þessa ráðningu hjá Möllernum og hér óskalistinn minn

1. lausn á framtíðarsamgöngum við Eyjar, NÚNA, ekkert jarðgangnakjaftæði það getur tilheyrt framtíðinni - lausnirnar þarf núna ekki eftir 15 ár - Sturla Snæfellingur og íhaldið töfðu þetta nóg kæru vinir - láta verkin tala piltar.

2. Stórbættar samgöngur á vestfjörðum - alvöru lausnir ekkert millibils eitthvað

3. Göng á austfirði

4. Betri vegi á norðurlandi

5. Hringtorg við allar leiðir út af höfuðborgarsvæðinu - aðeins ein leið út úr hringtorgum þessum og hún vísar aftur inn í höfuðborgina, sem sagt lítill hringur og svo aftur heim - við viljum næði á landsbyggðinni takk fyrir  

Róbert Marshall verður aðstoðarmaður samgönguráðherra

Reykjavík ó Reykjvík þú yndislega borg

En það borgar sig samt að fara varlega - þorpararnir leynast víða

Lokkaður inn í húsasund og rændur

Ætlar Elísabet að flengja Blair?

Þetta er nokkuð forvitnileg frétt - Drottningin ekki sátt við Blair eftir öll þesi ár hans á valdastóli. Það hljóta að koma fleiri fréttir af eþssu, get ímyndað mér að breska þjóðin vilji fá að ræða þessi mál við drottninguna, Blair og bresku pressuna - við skulum gefa þessu 2-3 daga áður en við segjum of mikið um hvað drottningunni er ætlað að hafa sagt um Blair og hans afrek sem forsætisráðherra, ég er ekki breskur þegn en ég fyrir einn er ekki sáttur við þátttöku vina minna í Bretlandi í Íraksstríðinu.  Sá í vikunni blað þar sem popparar voru að gefa Blair "eftirmæli/ummæli" og voru þau skondinn maður ætti kannski að birta þau á blogginu, öðrum til gamans. 

Englandsdrottning sögð lítt hrifin af arfleifð Blairs

Hverjir tóku þátt í könnuninni?

Maður veltir þessu fyrir sér. Hér á landi hika menn ekki við að verðlauna "sitt fólk" sé þess nokkur kostur menn, já og konur ef svo ber undir, hygla jafnvel vinum og kunningjum í skjóli starfs síns hjá ríki og bæ. Alls kyns hlutum er komð í hendur réttra aðila til þess eins að mál þróist á ákveðin hátt sem er hentugur fyrir þá er stjórna. Menn jafnvel auglýsa ekki stöður sem eru á vegum bæjarfélags t.d. heldur er ráðinn gæðingur úr ákveðinni fylkingu, reyndar vill þetta oft verða bykkja sem er þarna og hneggjar bara þegar henni er sagt svo.  Hvers vegna eru sendiherrar oft gamlir félagar úr pólitíkinni - menn skipta þessu á sig - það er fullt af fólki sem hrökklast frá störfum hjá ríkinu, já og hjá sveitarfélgum, vegna vina veitinga.

Nenni ekki að fara að finna til dæmi um þetta - horfið bara í kringum ykkur mörg svona mál hafa verið ífréttum en samt ekki nærri því öll.

Það er ekkert launungamál að oft er ekki spurt um hæfileika heldur hver þú ert og hverra manna þú sért, og að vera rétt getin færir þér vinnu frekar en hæfileikar.

Í mörgumlöndum er talað um að spilling sé mikil og oft er sagt að það sé að nokkru leyti rekjanlegt til þess að laun séu lág - örugglega er það rétt að vissu leyti - en stundumer bara þjóðarsálin þannig að það virðist vera í lagi að taka sér smá "þóknun". Er þetta ekki svipað og oft hefur verið talað um í "svörtum" viðskiptum á Íslandi, þetta sé bara allt í lagi, ekkert mál. 

En svo er þetta spurningin um það er sagt að spillingin sé lítil - hvað stendur lítil fyrir? Hvar voru svo þessir spurningalistar lagðir fram? Hverjir tóku þátt? 

 

 

Spilling talin lítil á Íslandi

Fylgjast með!

Flott eru menn að byrja að slá um sig eða hvað! Falið að fylgjast með þróun mála. Ætli það sé ekki meiri hluti landsbyggðarinnar með öndina í hálsinum útaf þessu máli á Flateyri. Ótrúlegt að ríkisstjórn þurfi að fela einhverjum að fylgjast með þessu. Mönnum ber skylda til þess að fylgjast með þessu sitji þeir á annað borð á Alþingi Íslendinga, þetta gæti verið fyrsta málið af mörgum til að ógna landsbyggðinni á næstu misserum - þannig að það er eins gott að menn séu á tánum. Svo segir Einar um málefni samsveitunga sinna: staðan á eftir að skýrast og í ljós mun koma hvað verður um aflaheimildir Kambs.  Ég hélt að staðan væri ljós það er verið að loka fyrirtækinu, eigandinn segir að sinn tími sé liðinn, þannig er staðan Einar. Hvað verður um kvótann? Í  þessu hálef einka og bankavædda kerfi sem kvótakerfið er þá mun kvótinn fara til þeirra sem fá fyrirgreiðslu í bankanum og það verður ekki einhver sem er að byrja í útgerð á Flateyri geri ég ráð fyrir það verður einhver sem eþgar er búin að vera að moka undir sig kvóta. 

Menn þurfa náttúrulega að fara að koma sér úr strútsbúningnum og skoða kerfið og gera það þannig að það sé möguleiki á nýjum einstaklingum inn í kerfið svo einhver endurnýjun verði í þessari atvinnugrein. Engin endurnýjun er sama og dauði. Ef ekki kviknar þessi möguleiki á að geta "unnið sér inn veiðiheimilidir" þá er ekki langt í það að þeir sporðar sem upp úr sjónum koma við Ísland verða veittir af erlendum skipum fyrir íslendinga sem riðið hafa feitum hesti frá kvótakerfinu.  Það þarf að vera möguleiki á að vinna sig þarna inn og kvótinn er heimild til að veiða fisk en ekki eign einhverra einstaklinga, þar sem eigendahópurinn verður sífellt minni.

Ráðherrum falið að fylgjast með þróun mála á Flateyri

Skrattinn! Hvar er hann?

Skyldi John Edwards bara ekki vera að fara með rétt mál.  Sér ekki George Bush skrattann í hverju horni?

Þetta er einhvern veginn orðið þannig að ef einhver ropar utan landamæra USA og eitthvað er ekki alveg eins og það á að vera hjá Bush þá byrjar hann að tala um ógn við heimsfriðinn. Ef að sá/sú sem ropaði er að arabískum uppruna, þá er sá aðili strax orðinn hryðjuverkamaður og alvarleg ógn við heimsfriðinn og það má loka aðilann inn án dóms og laga alveg þangað til það kemur að honum í stafrófinu, þá er hann kallaður fyrir rétt og verjandi stjórnarinnar segir að það hafi fundist eintak af kóraninum í klefa mannsins og þá er dvöl hans hiklaust lengd.  Menn hafa verið að bjóða upp í dans við allskyns aðila með hegðun sinni erlendis - einu sinni vönguðu þeir við Saddam Hussein.

Þetta stoppar ekki Bush og hans menn að vaða um allt út um allan heim, nema á Íslandi þar sem ekkert var orðið spennandi lengur, traðka á hverjum sem fyrir þeim verður og tala svo um að þeir ógni heimsfriði - þreytandi gaurar og því fyrr sem við fáum nýtt andlit þarna þeim mun betra yndi ég segja. 

3243 Bandaríkjamenn hafa fallið í Írak, síðan menn vildu meina að Saddam ætti eitthvað sem hann svo alls ekki átti - Grátlegt  - Hver ætli heildartala látinna sé, frá öllum aðilum síðan öllu var hleypt í loft upp.

Ég hef stundum velt því fyrir mér, kemur hernaði ekkert við, hvort fóstureyðingar verði stórmál aftur í kosningum til forseta bandaríkjanna, hver veit?

Edwards segir „hryðjuverkastríðið“ einungis slagorð Bush-stjórnarinnar